شخباااركم بنااات :)
صارت بتاريخ 25-2-2011 يوم الجمعة حفلة ملجتي
وكنا مخططين ان حفلة الخطوبة تكون تاريخ 4-3-2011 يعني فرق اسبوع بس بين الحفلتين
لكن تجري الرياح بما لا تشتهي السفن على قولتهم
كنت ابي اسوي ملجة بسييطة كلش
وكنت حاجزة صالون ضفاير للشعر ,, وأفراح حق المكياج
وللخطوبة حجزت الرونق للشعر و فردوس الحلواجي للمكياج
وحق الخطوبة بعد حجزت كرسي هندي من محل مجيد ,,حق صالة المتروك
وحجزت المصورة ام عباس ,, والحناية جميلة من شهركان
المهم اني كنت مخططة اخذ الطقم عقب العقد ,,
لكن بما اني كنسلت الخطوبة وقبل يوووم واحد بس من الملجة
تغيرت اغلب الحجوزات ,, :thumbs_down:
بقولكم شلون :
يوم الأربعاء تاريخ 23-2 : رحت اخذت اغراض التوزيعات واغراض السفرة من شمعدانات وشموع مع اختي وسويناهم
وبنفس الليلة كنسلت الخطوبة مع اني ما كنت راضية عن هالشي :(
يوم الخميس تاريخ 24-2: رحت حق الحفاف والواكس في صالون صوب بيتنا :-# واتصلت في ام عباس عشان تقدم الحجز من تاريخ 4-3 الى 25-2 ! يعني قبل بيوم ,, وبالغصب رضت بعد عقب ما كلمها خطيبي ,,
واتصلت في الحناية جميلة جان تييني بنفس اليوم ,, وما رضت الا بعد ما امي كلمتها وقالت لها رحمة والدين وجذيه ,, وقالت بتي عقب الساعة 9 ,,
وفي العصر قلت دام مافي خطوبة ,, لازم نلبس الدبل يوم الملجة ,, ورحت مع خطيبي واخته ناخذ الطقم والدبل ,,
وعلى الساعة 7 ونص خلصنا ورحت على طول محل مجيد للأفراح وقدمت حجز الكرسي والحمدلله حصلته واخترت اللون الماروني حق خلق الكرسي ,, ما بغيت اخضر حبيت اكسر اللون مع لون فستاني ,,
رجعت البيت الا خواتي مسوين السفرة
وجتني الحناية الساعة 10 ,, مع ان حناها ضعيف وناعم ,, الا انها سوت لي عريض شوي وما عجبني كلش مع انه حناها العادي رووعة
يوم الجمعة 25-2 : يوم ملجتي ,, رحت صالون لطيفة من الصبح وسويت بدكير ومنكير
والساعة 12 جا راعي محل مجيد وركب الكرسي وعدلوه ,,
والساعة 2 تقريبا رحت صالون ضفاير حق الشعر ,, التسريحة حلوة وحطيت تاج لكن بسرعة اختربت ما ثبتوها عدل ,, يعني صوري مع خطيبي شعري معفوس فيهم :'(
خلصت الساعة 3 ,, ورجعت البيت ,, عقب الساعة 5 رحت حق المكياج
عند أفراح من القرية ,, وحطت لي مكياج بو 15 ,, اهو حلو ومرتب بس وااايد غامق
انصدمت من روحي وقلت لها خففيه ,, بس ما رضت وقالت لي انج عروس وماراح يبين في التصوير عقب ,,
المهم نيي للصور :
اول شي صورة السفرة اللي سويناها :
صورة الكرسي الهندي بتصوير موبايل :
صور التوزيعات :
هذي عبارة عن جوتي اكرمكم الله ولصقنا فيه كاكاو
وهذي مناظر
وهذي صناديق خزف صغيره داخلها بخور
وهذي كاكاو زيناه بالشرايط والورد
هني الماي ورد واللي صوبه كان حق العسل بس بالصورة مو محطوط عسل
هني صورة صندوق المهر ,, وكان داخله المهر و مصلاة ومشمر صلاة وقرآن ,, حمله عمي لمن دش الشيخ ياخذ مني الوكالة
وصور الطقم مع الدبل ,, اخذتهم من مجوهرات العلوي ,,
كان خاطري في دبلة بوسطها فص ,, بس ما حصلت مقاسي 8o|
والتاج اللي لبسته اخذته من عند وحده هني بالمنتدىF:
والفستان كان لونه اخضر غااامق وفيه قصات ذهبية ,,
وبسسس
,, مع ان كلشي صار على السريع ومو مرتب بالنسبة لي :(بس الحمدلله على كل حال مر كلشي بسلام
وطبعا على قولتكم ,, ما احلل اي احد ينقل الصور الى مكان ثاني او ياخذها :thumbs_up:
انتظر ردودكم وتقييمكم :biggrin:
((( تمـ حذف الصور المخالفـة )))