ميك اب فور ايفر

مرحبا ياصبيات

انشالله تكونون جميعاً بخير وعافيه .. صار لي ساعتين احاول انزل هالموضوع واي زر غلط بتنزيل الصور ينمسح كل الشغل .. فقررت اقسم الموضوع عشان مايضيع كل شئ :(

ياريت تنتظرون اكمل الموضوع وبعدها اشوف ردودكم ..

كوني من محبين ومستخدمين ميك اب فور ايفر، حبيت افيدكم ببعض تجاربي مع هالماركة وبالصور .. بسم الله نبدا

أولا/ التغطيه ( البرايم+اساس+كونسيلر+لوس باودر)

هذا البرايم استخدمة انا قبل وضع الفونديشن.. انصحتني فيه البياعه بالمحل وقالت لي انه يحمي البشره من الفونديشن مباشره وفيه حمايه من الشمس ومرطب بنفس الوقت .. استخدمة كل يوم للمكياج النهاري

انا كنت رايحه المحل عشان اخذ هالمنتج بس طلع اوت اوف ستوك ، فنصحتني باللي قبله .. هذا البرايم يساعد على ان تبقى البشره من غير لمعه دهنيه .. مناسب للحلوات ذوات البشره الدهنيه

هذا اجدد برايم نزل عندهم حسب علمي واسمة اتش دي برايم.. بس بصراحه ماجربته ، ولين الحين ماعرفت سر الالوان منه .. هل على حسب طبيعه كل بشره او مادري شقتصهم

استخدمت هالفونديشن وهو اتش دي .. تغطيته متوسطه .. ومن تجربتي حسيته مناسب للمكياج النهاري أو الاستخدام اليومي لانه خفيف

هذا الفونديشن السائل للبشره والجسم

الستيك فونديشن .. فيه بنات يفضلون يستخدمونه

فل كفر فونديشن .. للتغطيه الكاملة ومناسب لمكياج السهرات والمكياج المسائي

فرشاه وضع الفونيشن الكريمي .. مناسبه جدا وافضل من الاسفنجه لانها ماتمتص الماده

هذه الفرشاه تستخدم للوس باودر .. بس ما افضلها لانها تنثر الباودر .. انا شخصياً استخدم الاسفنجه الخاصه للاوس باودر .. وتعطي نتايج حلوة

بودرة مضغوطة .. لتعديل المكياج من وقت لاخر او وضعها فوق الفونديشن السائل

كونسيلر .. استخدمته بس ماحبيت تغطيته حسيتة خفيف جدا

هذا باليت كونسيلر كريمي .. بالمحل 5 باليتات فيه للبشره الاسيويه و الاوربيه والمختلطة والبروفشنال والسمراء

انا استخدمت البروفشنال .. والالوان اللي فيه (برتغالي+بنفسجي+أخضر+بيج كرميل+بيج فاتح) طبعا كل لون يرمز إلى شي البرتغالي=للهالات السوداء تحت العين. البنفسجي= للنمش. الأخضر=للحرار والاحمرار بالجلد أما البيج الكرميل والبيج الفاتح فهم للكونتور وتظليل الوجه ومنطقه الانف

اتش دي كونسيلر .. هالمنتج عجبني ومن يخلص اشتري منه .. تغطيته حلوة ويغطي السواد تحت العين

سوبر مات لوس باودر .. تعجبني تغطيته .. واستخدمة وايد .. ومعاه الاسفنجه الخاصه باللوس باودر

هذا شريته وتحسفت .. حسيت ان اللوس بودر احسن منه .. بس فيه بنات حبوه ويمدحونه تغطيته .

هذا كريم اضاءه من نفس الماركة .. فيه عده درجات، انا جربت البيرل لايت .. يعطي اضاءه كاضاءه اللؤلؤ وهو وتر بروف .. بس افضل اضائه ماك عليه

هذا الباليت لعمل كونتور بالوجه .. لتحديد الوجبه وابراز الملامح من خلال الدرجتين

بنات اذا عجبكم الموضوع قيموني

الجزء الثاني

شكراً