أنقذي حيآتي بنصيحه

Dior Me;14718601:

أم علي .... أتعب أقول هذ البنت رهيبة ياناس ..:032:
والله كل كلمة قالتها أختي الغالية أم علي في محلها ..
ياحبيبتي بيدك كل شي ...
عمرك أحلى عمر تبدأي منه تسوي إنجازات كبيرة في حياتك ..
الوظيفة مهمة صحيح ..
والزواج كذلك كل بنت تتمنى يكون لها حياتها و عائلتها ..
بس تأخيرهم مو نهاية الدنيا ..
أخرجي كوّني صداقات جديدة .. احضري محاضرات تنفعك دينية و إجتماعية وتطوير الذات ..
سجلي في دورات تتعلمي منها شي جديد ..
جربتي التصوير الفوتوغرافي ؟؟ ..
يابنتي والله انه متعة مابعدها متعة ..
خذي كاميرا احترافية وادخلي منتديات التصوير عندك عدسات عربية وأصدقاء الضوء سجلي معاهم واتعلمي ..
بتلاقي كل فترة يعلنوا عن دورة أدخليها واستفيدي منها ..
واشتركي في معارض جماعية معاهم ..
اشغلي وقتك وإطلعي من الحبسة اللي حابسة نفسك فيها بيدك !!!
خلصتي دراستك من أربع سنوات وجلستي فاضية ..
مافكرتي خلالها تسوي شي ؟؟
إنتي عارفة إيش يعني أربع سنوات ؟؟
يعني كنتي تقدري خلالها تتعلمي لغتين وتتقنيهم تحدثاً وكتابة إضافة لتحسين لغتك الإنجليزية أكثر وأكثر...
كنتي تقدري خلالها تبدأي مشروع صغير بمبلغ مايتعدى الألفين ريال وتكبريه وتحققي أرباح كبيرة ..
كنتي تقدري خلالها تنمي موهبة عندك إن كانت رسم أو أعمال فنية وتوصلي لمستوى الإحتراف وتتكسبي من وراها ..
كنتي تقدري خلالها تتعرفي على أمة لا إله إلا الله ..
وتنقي منهم صديقات جداد تفرزي فيهم وتصفي على كم وحدة يكونوا قراب منك ..
أشياء كثيرة كان بإمكانك تسويها خلال الأربع سنوات هذي !!!
مشكلتك حطيتي هدفين مالهم ثالث بعد ماتخلصي دراستك من غير ماتحسي ..
يا أتوظف .. والا أتزوج .. !!
وجات أمك كملت الناقص و استلمتك بالكلام وإنتي ماقصرتي ..
استسلمتي بكل بساطة ولاتعبتي نفسك وسعيتي لأشياء ثانية ...
الهدفين اللي اخترتيهم مالك خيار فيهم ..
مالك إلا تقدمي على الوظيفة وتستني ..
وبرضه في موضوع الزواج مالك إلا تستني !!
طيب وفين الأشياء اللي بيدك ؟؟
ماجربتي تجلسي مع نفسك وتفكري تسوي شي بقرارك إنتي ؟؟
شوفي بقولك كلمة وقلبيها في راسك وبتلاقي إن كلامي صحيح ..
كل إنسان داخله مارد سجين و مستني الباب ينفتح له عشان ينطلق ..
وللأسف مفاتيح سجنه بيد صاحبه .. محد يقدر يطلعه غيره ..
ماردك مسكين صار قد البسة من كثر ماهو محبوس .. جاله توحّد من الخنقة ..
خنقتيه و كتمتي على نفسه وضيعتي مكانه داخلك بحالة الإنتظار لأشياء مو بيدك ..
يابنتي إنتي عندك طاقات ماتتخيليها .. ليه ماتستغليها ؟؟؟؟
أجلسي مع نفسك و خذي ورقة وقلم و أكتبي أهدافك ..
أكتبي كل اللي يخطر على بالك حتى لو كانت حاجات تحسي إنه صعب عليكي توصليها ..
وإنتي تكتبي ..
فكري إنك قاعدة تعبي استمارة لوظيفة محطوطة في الدنيا عشانك إنتي وبس .. محد غيرك بيتوظف فيها ..
شغلي قانون الجذب بالطريقة الصحيحة ..
اعتبري إن كل كلمة بتكتبيها بتحققيها إن شاء الله بأسرع وقت ..
وابدأي اشتغلي عليها ..
دوري الطرق اللي بتمشي فيها عشان توصليها بدون يأس ولا ملل ولا تذمر ...
الطريق موجود .. دوري عليه ..
خذي الموضوع تحدّي وقولي أنا ناجحة فيه بإذن الله وماراح يوقفني شي ..
تخيلي حياتك بالكامل كأنك حققتي كل شي تتمنيه ..
تخيليه واقع ملموس بين يدينك ..مو مجرد خيال تتبعه آآآهه طويلة بحسرة ..
هذي الآهه الي بحسرة هي اللي تخرب عليكي كل شي ..
إنتي محتاجة إعادة برمجة لمخك والله ..
محد يقدر يعيد برمجته غيرك ..
لو مسك بيدك أعظم وأكبر تجار العالم ..
وأهم علماء النفس في تطوير الذات ..
وأحسن عقول في الإقتصاد في الدنيا عشان يدلوكي على الطريق
والله عمرك ماتشوفيه لو ماشلتي الغمامة اللي على عيونك بيدك ..

أحكي لك قصة من كتاب السر .. الكتاب اللي إنطبع منه آلاف النسخ ..
واللي غير حياة ناس كثير وحطهم على الطريق الصحيح ..
واللي خلاهم يعرفوا قيمة أنفسهم و كمية الطاقات اللي يملكوها وأهدروها سنين طويلة بدون فائدة ..
هذا الكتاب ... إختصاره كان موجود في حديث رسول الله عليه الصلاة والسلام ..
قال كل اللي في الكتاب وكتب كثيرة تتكلم عن قانون الجذب في ثلاث كلمات ...
(( تفائلوا بالخيـــر تجدوه )) ..
والمساكين في الغرب حطوا شعوذات و كلام فاضي وقالوا مصباح علاء الدين والجني وشبيك لبيك .. لو قرأتي الكتاب بتفهمي قصدي ..
وإحنا عندنا مالك الملك .. اللي بيده الخير .. وهو على كل شيء قديـــر ..
ونعرف قانون الجذب من 1400 سنة !!!
تخيلي مدى بساطة الحياة في الإسلام ..
ومدى بساطة تحقيق الأحلام بمجرد الثقة بالله ونقول يــــارب ..
ونبدأ نتحرك ونشتغل ..!!!
وهم لسه يكتشفوه ...
ماعليهم ملامة .. عالم آمنوا بإن الله ثالث ثلاثة ..
و تعبوا ودرسوا علم اللاهوت وفي الأخير البابا الكبير حقهم لو تسأليه من هو الله ؟؟..
ضاع في الإجابة وقفل الموضوع وهو معصب وقالك الأب والإبن والروح القدس ..
وهذي رموز ماتفهموها .. إحنا بس اللي نفهمها ..
طيب خذني على قد عقلي وفهمني !!! ...
يقولك آمني وبس إن المسيح صُلب عشان يفتدي البشرية وإلا ماراح تكوني في الملكوت ...
ياليـــل الليـــــل .. حوسة يابنتي والله حوسة ..
وإحنا عندنا لااااااااا إله إلا الله محمد رســـول الله ..
وبس .. خلص الموضوع و انتهينا ..
صوم وصلي وطيع والديك و احفظ نفسك من الحرام واستغفر كثير وبتدخل الجنة ..

خذي القصة ..

[COLOR=black]جون أساراف ..يقول ..
بعد معرفة قانون الجذب .. أردت أن أضعه حقاً موضع الاستخدام ..وأن أرى ماذا سيحدث ..
في عام 1995 بدأت أصنع شيئاً اسمه لوحه الأحلام حيث آخذ شيئاً أريد أن أنجزه .. أو شيئاً أريد أن أجذبه ..
مثل سيارة أو ساعة أو شريك الحياة المنتظر !!
وأضع صورة لما أريده على تلك اللوحة .. كل يوم كنت أجلس في مكتبي و أنظر إلى هذه اللوحة وأبدأ في التخيل ..
وكنت بالفعل أعيش حالة أنني أمتلكت فعلياً ما أنشده ..
كنت أستعد للانتقال إلى مسكن آخر .. وضعنا جميع الأثاث .. وجميع الصناديق في مخزن ..
وغيرت سكني ثلاث مرات مختلفة خلال فترة خمسة أعوام ..
ثم انتهى بي المطاف في كاليفورنيا واشتريت هذا المنزل .. واستغرقت في تجديده عاماً كاملاً ..
ثم أحضرت كل أشيائي من منزلي السابق الذي كان لي قبل خمسة أعوام ..
وذات صباح أتى إلى مكتبي إبني ( كينان ) ..
وأخذ الصناديق التي كانت محكمة الإغلاق لمدة خمسة أعوام ..
كان موضوعاً على عتبة الباب ..
سألني .. ماذا في الصناديق يا أبي ؟؟
فقلت .. إنها لوحات الأحلام الخاصة بي ..
وعندئذ سأل ..وماهي لوحات الأحلام ؟؟
فقلت .. حسناً .. إنها المكان الذي أضع عليه جميع أهدافي ..
أقص الصور ثم أضع كل أهدافي عليه كشيء أريد إنجازه في حياتي ..
وبالطبع .. في عُمر الخامسة والنصف لم يفهم ..
فقلت .. عزيزي .. دعني أشرح لك .. ستكون هي الطريقة الأسهل ..
فتحت الصندوق .. وعلى إحدى اللوحات وجدت صورة منزل كنت أتخيله قبل خمسة أعوام ..

ماكان صدمة بالنسبة لي .. أننا نعيش في ذلك المنزل .. وليس منزلاً شبيهاً به !!!!

لقد اشتريت فعلياً منزل أحلامي .. وقمت بتجديده .. ولم أعلم بذلك حتى !!!
نظرت نحو ذلك المنزل وشرعت أبكي ..
سألني ( كينان ) .. ماذا يبكيك ؟؟
أخيراً فهمت كيف يعمل قانون الجذب ..
إنني أخيراً أفهم قوة التخيّل .. إنني أخيراً أفهم كل شيء رأيته ..
كل شيء عملت عليه طوال حياتي .. والطريقة التي أسست بها الشركات ..
لقد أتت بنفع مع منزلي كذلك .. واشتريت منزل أحلامنا دون أن ألحظ ..
(( الخيـــال هو كل شيء .. إنه الرؤية المسبقة لما سوف تجذبه الحياة وتأتي به ))
البرت آينشتاين ( 1879 - 1955 ) ..

سامحيني طولت عليكي ..
بس يارب يارب يااااارب يكون كلامي غير في نفسك شي .. وخلاكي تفكري بإيجابية ..
ويشتغل عندك الحماس وتبدأي تتحركي وتسوي شي عشان نفسك .. وتجي في يوم وتبشرينا ..
أرجوكي .. يوم ماتبدأي ..
أنا شخصياً من الآن راح أكون في إنتظار رسالة منك تقولي لي فيها إنك حطيتي رجلك على أول الطريق ..

ربي يوفقك وينور بصيرتك ويرزقك خيـــر كثير يملي حياتك سعادة ..