هل اسعى إلى الطلاق الثاني؟!

المشكلة ياعروسو انها حاولت ولها 6 شهور ممتلكة ومااشي فايدة افكارها وافكاره ما تتلاقى ابدا وعارفة وواثقة انها لو ضغطت على نفسها وتممت الزواج بتتطلق او بتعيش تعيسة!

صح للعلم البنت عمرها 26 سنة !!

غاليتي


اطرحي على البنت سؤالين مهمين وبعدها ستحدد مصيرها ....


* هل ترغب بإرضاء الناس ؟؟؟؟ أم ترضي نفسها ؟؟؟؟؟

* هل هي من سيعيش ويتزوج ام الناس ؟؟؟؟؟؟


ارضاء الناس غايه لاتدرك وبما انها رأت من الآن انها لاتتناسب معه لذلك قطع الطريق من الان افضــــــــل بكثير من قطعه بعد الزواج وقتها صدقيني كلام الناس سيكون اقوى من قطعه حاليا"


لذلك انا اطلبك ان تقولي لها تستخير ربها عز وجل وتدعيه بما فيه خير فوبقدرته سبحانه ان رأى في زواجها خير تممه وان رأى في زواجها شر صرفه عنها

واتمنى لو تعيد الاستخاره وتكررها وتطلب ربها وتتضرع اليه ,,,,

هذه الفتاه هي من سيحدد مصيرها بعد الله

ولا تعيش بتعاسه على حساب كلام الناس لأن الناس سينسون وهي من سيظل يعيش في تعاشه بما انها لا ترغب الارتباط بهذا الشخص ,,,,

وعندي ملاحظه ابراء للذمه قرأتها بموضوعك


ان الموضوع منقول عن طريق زوجك لك وهي من تحادثه


بصفتها من تحادثه بعلاقاتها وبحياتها !!!

صديقه !!!! هل حلل الشرع الصديقه للرجل ؟؟؟؟

فلتتق الله وتبتعد عن الاختلاط وابعدي زوجك عن هذه الامور وبما ان طبيعتكم فيها اختلاط اتمنى ان تتجنب الاحاديث في غير العمل تماما"


واذا ارادت ان تفشي همومها فلتفشيها لمرأه مثلها وليس لرجل ,,, فلا يخلون رجل وامرأه الا كان الشيطان ثالثهما

انا لا اقول لك ذلك من اجل تخويف ولكن من اجل توصيل ذلك لزوجك وتوصيله لها


فلا يجوز اي علاقه بين اي رجل وامرأه الا اذا كانوا محارم لها او كانوا حليلين لبعض


هذا فقط تنبيه ابراء لذمتي ,,,,


واتمنى لصديقتك التوفيق والسداد وانصحيها ان تدعي الله لما فيه خير وصلاح لها ولا تهتم لكلام الناس لأنها من سيعيش وليس الناس ,,,,



لك مودتي


تقبلي مروري

دمتي بحفظ المولى

دقات قلبي ابوصل لها كلامج ان شاااء الله بس انا حسب فهمي ان البنت تبي راحتها

بالنسبة لملاحظتج : البنت راحت لزميلاتها بالاول واهمه اللي قالولها تقول لزوجي ! ليش صدق ماادري

أم حيدر أنا أنصحها بالأستخارة ثم الأستخارة ثم الأاستخارة

لأ،ن مصير كل أنسان بأيد الله وراح تشوف طريق النور أن شاء الله

الناس بتتكلم يوم يومين شهر شهرين وبعدين يملوا أو يشوفوا سالفة غيرها

هذي حياتها ولأزم تكون مقتنعة بكل خطوة تخطيها الزواج يعني عشرة وتفاهم وأتفاق

طرفين مب مظهر لناس عشان يقولوا فلانة تزوجت وما في شي أسمه توافق وتعيش تعيسة

كم يعني بتعيش تعيسة مصيرها بتمل ويمل وينفصلوا دام أنها من البداية ما قادرة تغير تفكيره

أو توصل معه لحل تصارحه وتخيره هذا رأي واتمنى البنات يفيدوج أكثر

مدري ايش اقولك

بس من خلال كلامك احس العيب مو من الرجال العيب منها يعني معقوله في رجالين كلهم تشوف انهم افكارهم ما تطابق مع افكارها :thumbs_down:

احسن تسوي اللي يرتحها ولا تفكر في المجتمع

مرحبا ام حيدر قولي حق البنت تستخير اولا وتفكر بجديه منو فينا شخصيته نفس شخصية زوجها ؟؟منو فينا الي ما تختلف ويا ريلها علشان مواضيع مختلفه؟؟

الزواج الناجح ما شرط تكون الشخصيات متشابها الزواج حب واحترام ورحمه وموده

قوليلها لا تشرط واايد واذا الريال محترم ويحبها ويباها تاخذه

البنت تاخذ الي يبغيها مب الي هي تباه

لا تخلي ريلج يكلمها واايد ترا هذي البنت مب مستقره عاطفيا واي حد يكلمها ويحسسسها انه يفهم نفسيتها بتعلق فيه وانتي ما تبي وجع الراس

الله يهدي النفوس
وانا اشوف تطلق وهي على البر الامان
ولا تطلق ومعاها طفل

لكن لا يمنع ان تحاول ان تتقرب منه لعل وعسى ان تتواصل الافكار مع بعضها وترتاح له

اغلب المتزوجين بدايه زواجهم افكارهم مختلفه على بعض وكل واحد يحاول يفرض شخصيته
بس بعد مده كل واحد يقتنع وتمشي الحياه افضل انها تستمر
وقبل كل شي الاستخاره والله يوفقها

ام حيدر

انا لو مكانك ما بتدخل ف مشاكلها .. وبلوم زوجي انه يكلمها

ليش اساسا اسمح لوحده انها تدخل زوجي ف مشاكلها الخاصه !

ليش اعطي مجال لاي وحده غريبه تفضفض له اساسا !!

ما اعتقد ان وظيفته مصلح اجتماعي .. ولو لا قدر الله نصحها ب أي شي انقلب ضدها رح تنلاموا انتي وياه اكيد

الافضل الابتعاد عن مشاكل الناس .. كل واحد يلتزم ببيته احسن .. الدنيا الحين ما أمان والواحد قبل لا يقول اي كلمة الحين لازم يحسبلها الف حساب

$أم تميم$;14703398:
أم حيدر أنا أنصحها بالأستخارة ثم الأستخارة ثم الأاستخارة

لأ،ن مصير كل أنسان بأيد الله وراح تشوف طريق النور أن شاء الله

الناس بتتكلم يوم يومين شهر شهرين وبعدين يملوا أو يشوفوا سالفة غيرها

هذي حياتها ولأزم تكون مقتنعة بكل خطوة تخطيها الزواج يعني عشرة وتفاهم وأتفاق

طرفين مب مظهر لناس عشان يقولوا فلانة تزوجت وما في شي أسمه توافق وتعيش تعيسة

كم يعني بتعيش تعيسة مصيرها بتمل ويمل وينفصلوا دام أنها من البداية ما قادرة تغير تفكيره

أو توصل معه لحل تصارحه وتخيره هذا رأي واتمنى البنات يفيدوج أكثر

الاخت لم تقصر
وشئ اخر ليس هناك زواج بدون مشاكل لاحظي مشاكل
واذا كان هناك حب جدا بسيطة المشاكل تحل بمجرد الشعور بطمئنينة مع حبيب

وتعتمد على صبر كل مرأة هناك من تتحمل وهناك من لاتتحمل وصبرها قليل للرجال


ولاحظت هذه الاخت معجبة ولاتحبه حب حقيقي
وتورطت ربما بظروف وضغوط وقعت في مشكلة وتريد ان تنسحب وتنهي الموضوع


والمشاكل هي انواع ليكون هناك حكم بينهما وليس قريب ليقرر طبيعة المشكلة


ويجب تنازل الطرفان لكي يصلان للحل اذا يريدان تكملة المشوار


ولتسأله هل يريد ان يكمل معها المشوار هل هو حقا يحبها
اذا لا لتتركه ولاتفكر غير بنفسها


الاستخارة هي رؤى مؤمن

شوفي.. اذا تمشي على كلام الناس لا بترضيهم ولا بترتاح و الناس ما راح تسكت و كل يوم بيحصلوا سالفه يتكلموا عنها

خليها تسيير حياتي بالطريقه اللي تشوفها صح.. مو تخلي الناس تسيرها!

ما يصير توافق على شخص هي مو مقتنعه فيه بس علشان ترضي الناس و أهلها!

دامها تكلمت معاه و شافت انه مستحيل افكارهم تتشارك << و هي من ناحيتها هذا هو الأساس.. فأحسن لها تكلمه من الحين و تخبره برفضها!

الله يوفقها

خله تستخير أكثر وتسأل ربها في هالأمر ... عسى ربي يفرج همها

أختي الغاليه ... خل اربيعتج اتكلم مصلحين اجتماعيين أو استشاريين أسر .... لأنهم أدرى بهالموااضيع من زووجج

يعني بدال ما تشكي لزوجج ولربيعاتها خل اتكلمهم المصلحين والاستشاريين .. لأنهم أصحاب خبرة ودرايه

ربي يهديها للقرار الصح

صج طيبه وايد الله يهديج شدخل ريلج قاعده تقربين البنزين من النار الرجال متخافين على رجلج مرات التعاطف يتولد لشي ثاني اسمع الكلام وخليها تحل مشكلتها بروحها ولا تدخلين ولا رجلج قبل لاتقولين ليت ماصار ولا ستوه هذي نصيح
حتى رفيجتي مادخلها في حياتي كيف تدخلين مره غريبه في حياتكم من بعد سلم

انتبهي خيتو هذي اول قاعده تقوله مشاكل بعدين مايندرى عن تاليها وليش تدخل زوجج واختارته بالذات خلها تشوف اي زميل لها بالعمل وانتي وايد طيبه ع نياتج الحياه مايبي لها مثلج غافلين وخصوصا لا كان زوجج وياه نسوان بعمله وانتي ابخص بحركات النسوان بعظهم بالعمل واللف والدوران زوجج مو مسؤل عنها ولا عن مشاكلها وقلي لزوجج لا تدخله بحياتها لا هو اخوها ولا يقرب لها استغرب بها الناس يده من الباب للطاق يدخلوا اي احد بحياتهم لا ومادورت الا رجال ومتزوج مدامها مهندسه وواعيه ليش ماتقول وليش موافقه انتي وتدخلين مره غريبه غريبه بحياتكم احد يجيب النار والاذى لنفسه وش لها تقول له عن نفسها وتبهر نفسها لزوجج افهميها عندها مشاكل تاخذ راي اخصائين واستشارين مثقفه ومن عيله ملتزمه حسيت نفسي كنها طلبات زواج مو استشاره بمشكله لا تخلي قلبج الطيب يجيب لج مشاكل مدامه هذا اوله ينعاف تاليه

والله حبيبتي انه اشك في نوايا هالبنت, استغفر الله بس يعني ليش اختارت زوجج بالذات.
بعدين احذرج انج تصادقينهه و حاولي قد ما تقدرين انج تبعدينهه عن زوجج بدون ما تحسسين زوجج عشان ما ينتبه ان اهي ممكن قاعده تتقرب له

الله يوفقج

والله سمعت عن نفس السالفه وايد وحده اخذت زوج صديقتها ماكو شي غريب بها الدنيا المهم انتي تعرفي كيف توقفي هالشي وهامتك مره هالبنت تنفلق انت وش دخلج فيها استغفر الله من ثاني يوم تتطلق الله لاتبلينا ما لحقت فهمت زوجها ولا عاشت معاه الا يومين شي غريب والله