انا تكلمت عن صديقتي الوحيده في اكثر من موضوع
وبالفعل انا عانيت منها واكتفيت ونضيت من تصرفاتها وغطرستها
وطفح الكيل
اذا الصداقه صارت اسم فقط مااحتاجها
الصداقه ( تقدير،عشره،احترام، تضحيه )
ولا شنو فايده الصديق؟
اليوم اتصلت لي صديقتي من باب السوالف
وانا ذكرت في موضوع سابق انها صارت مزاجيه وعنيده وعصبيه وتكلمني عالمزاج
وتفضل صديقاتها علي
ومن صديقاتها ؟؟ زميلات عمل لا غير وتطورت العلاقه بينهم
هل تستوي عشرة 8 سنوات مع عشرة سنه ؟.
هل العشره بما فيها من حلوها ومرها ومواقف الشهامه والاخوه والصداقه تقارن بمن هم مجرد زماله لا اكثر ؟
هذا اللي صار وحسيت اني تكلمة عدد بعد ان كنت الاولى بلا شك
واليوم حطيت حد لهذه العلاقه وبدون رجعه وعن قناعه وليس مجرد مرحله غضب وتنتهي ..
اليوم سمعت الجمله اللي نزلت علي كالصاعقه
( احترمي نفسك والزمي حدك وما اسمح لك)
وبسبب زميله لها ماصار لها سنه ...!
عشان قلت لها من باب الضحك والدعابه وفي جو قعده وسوالف
مالت عليك وعليها
تقولي هالجمله عشان وحده ماصار لها سنه ؟
هانت العشره والصداقه
طبعا غير المزاجيه والعصبيه والاتصالات اللي بالحسره
واذا كلمتها يا انها ساكته او معصبه
لي متى ؟
ترى كلنا عندنا مشاكل ومافي احد قلبه خالي
ليش الاسلوب القاسي والجاف
وبرغم هالشي عايشه حياتهت معاهم وتطلع وتروح وتمشى
ومعاي كأنها في عزى
خلاص تعبت من هالعلاقه ووضعت لها حد اليوم
وقلت لها انا بايعه صداقتك وماتلزمني
وحبيت اقول هالجمله اللي صرت اؤمن فيها
( احذر عدوك مره وصديقك الف مره )
مافي احد يستاهل
سلام