الي تدخل ترد ولها دعوة من كل قلبي ( صمتي معذبني)

حبايبي بنات عروس اتمني ان تساعدوني في مشكلتي لان ما لي بعد الله سبحانه الا انتم انا انسانه عندي خوف شديد تعتبر حاله نفسية لاني اول ما كنت كذا يوم كنت عايشة مع اهلي امي وابويه متوفين واخواتي واخواني متزوجين وكلاً مشغول بحاله اخواني عايشين عندي في الدور الاول وانا لي شقة في الدور الثاني بس اخواني ما يسئلوا عني لان حريمهم ما يحبوني تدرون بغيرة الحريم الوحدة تبغى زوجه لها فقط انانيات مهلكين اخواني حتى بتربية عيالهم وهم مرتاحات وانا لو ابغى خبز ما يشترون لي اروح انا البقاله واشتري لان حريمهم مكرهينهم فية بس انا هذه ماه مشكلتي لاني مطنشتهم وعايشة لوحدي والحمد لله كافية خيري شري منهم بس انا الوحدة اتعبتني ومسويه لي ذعر اليوم انا خاصمت بنت صغيرة في دار تحفيظ القران وجات امها تخاصمني انا على طول قلبي يدق وانتفض ما عرفت ارد على الحرمة رغم انها مشكلة بسيطة بس ما اعرف اخرج نفسي من المشكلة وما اخارج نفسي وما اعرف ادافع عن نفسي والله حتي بنت اربع سنوات احسن مني والله احيانا احسن ان الاطفال يتكلموا احسن مني والله انا ما كنت كذا بس الضعوط خلتني كذا من يوم ما ماتت امي وانا ما اعرف الضحك لان بعد موت امي تزوج ابوي وتعبت اكثر لاني حسيت اني كنت انا الكل في الكل في البيت لان امي كانت مريضة وانا قايمة بالبيت ثم ماتت وانا رئيسة البيت بعد كذا اصبحت زوجت ابوية صاحبة البيت ما احس لي وجود بالبيت وبعدها توفي ابوي ورجعت زوجت ابوي الى اهلها وانا عايشة لحالي بالبيت اتعبتني الوحدة واي موقف يحصل لي اقعد افكر فية كل يومي لان البيت فاضي ما عندي احد افضفض علية عيركم وكل موقف يحصل لي مهما بسطته لاكنه يتعبني واقعد افكر فية والله وحدة نصحتني جزاها الله خير ان اقرا البقرة كل يوم حتى يروح الخوف وانا لي اسبوع اقرئها اتمني ان تنصحوني ولو بكلمة حتى تريحوا بالي وكل وحدة تقرا موضوعي ترد ولوا بكلمة وجزاها الله الف خير ولها دعوة مني في ظهر الغيب