أمهااااات أبوظبي,,,مدرسة الشهب ومدرسة النهضه الوطنية,,,

السلااااام عليكن خواتي,,,
انشالله عالسنه اليايه بدخل بنتي kg1 ,,
كنت بدخلها أكاديمية زايد بس قررت من بعد المشاورات من الخوات أدخلها الشهب ,,
بس ريلي ماطاع يبا مدرسة قريبه عالبيت عشان لوصار شي لاقدر الله نوصلها بسرعه,,,
((هو يهمه قرب المكان بس أنا يهمني التأسيس الممتاز من البدايه)),, لأني ناويه بإذن الله في صف أول أدخلها مدرسه نموذجيه,,إذا الله راد

ألحين أباكن تفيدني من حيث التأسيس فاللغه الإنجليزيه والدين,,في هالمدارس:

مدرسة الشهب
مدرسة النهضة الوطنية

أنا رحت للمدرستين:

أولا مدرسة الشهب: مساحة الصف صغيره والصف باااارد جدا والساحه مافيها ألعاب فاضيه ((بس المدرسات إييبن ألعاب تعليميه ويتفاعلن مع الأطفال)) يمكن هذا الشي أفضل عشان ينمي قدرات الطالب,, وشرحهم على اللوح بالبروجكتر موصول بالنت,, واللي مارتحت له يوم قالولي أن أول فصل هم يودون الطالب الحمام أما فالفصل الثاني نخليه يعتمد على نفسه أبا أفهم إذا ولد بقول ماعليه أما بنت الله يعزكن كيف بتتغسل بروحها؟!!!!! أنا بنتي تعرف تروح الحمام بس وقت الغسيل أنا اللي أغسلها,,, اللي عندها عيال في هالمدرسه رجاءا تراسلني أبغي أستفسر بخصوص تأسيسهم للطالب ,,,

أما مدرسة النهضة الوطنية: مدخلهم أبدا مب مطمنه منه لأن على طول دري والفتحه اللي في النص تخوف يتني أفكار أعوذ بالله,, مساحة صفوفهم كبيره وعندهم زوالي فالأرض للأنشطه,, وكل شعبتين يتبادلون الصفوف صف عربي وصف انجليزي وساحتهم جدا كبيره ومكيفه وفيها ألعاب بس اللي أنا مب متخيلتنه كيف 14 صف kg1-2 كلهم ينزلون فالساحه وكل صف فيه 25طالب مع بعض يعني 350 طالب لالا أبدا مب متخيله أحس بتنتشر الأمراض بسرعه لأن الساحه مسكره وخاصه بنتي دايما تلقط الأمراض وبعدين كيف هالطلاب كلهم بينزلونهم من هالدري الطويل وبيردون يصعدونهم مع بعض ,,,آآاااخ والله هم,, والحلو أن الحمام داخل الصف والبنات لهن حمام خاص والأولاد كذلك ومغاسل جدا مرتبه وتكون هناك وحده فلبينيه على طول قاعده ماتتحرك من مكانها تودي الطفل الحمام وتغسله وتنشفه هالشي حلووو,, بس كل مدرسة لها إيجابياتها وسلبياتها فما بقرر ولابستفيد إلا من اللي مجربه هالمدارس,,
رجاءا مابا انتقادات وكلام يجرح اللي بتفيدني يزاها الله خير واللي ماعندها فكره ترفع لي الموضوع ويزاها الله كل خير,,,

دخيلكن راسلني وشورن علي لأن خلاااص راسي بينفجر من التفكير,,,

للعلم الشهب هاليومين قالوا بيوقفون تسجيل لأنهم شبه مكتفين بالعدد والنهضه ألحين فاتحين تسجيل الأخوه وعلى بداية شهر 4 بيسجلون اللي أول مره واللي قهرني أنهم يقولون انشالله تلاقين لبنتج مكان يعني احتمال ما ألاقي!!! عسب جيه ردن علي ضروري,,,
الله يفتح إلكن أبواب الرزق والرحمه انشالله,,