كيف تخبرين زوجك بقدوم الدورة

السلام عليكم ورحمة الله وبركاته
صباح / مساء الخيرات عليكم جميعا
دايم بقرأ المواضيع كلها عن معانا ت المتأخرة وشعورها ونفسيتها الحساسة
ولا مرة فكرنا نكتب موضوع عن الرجل خصوصا ادا كانت منه مشكلة تأخر الحمل
صح انه المرأة بتتأثر بموضوع الحمل وبتهتم اكتر من الرجل بس اكيد هو كمان بنتظر الخبر على احر من الجمر
موقف بصير مع كل متأخرة بتتأخر الدورة عن موعدها ايش ردة فعل زوجك انا زوجي لما احكيله تاخرة الدورة ولا بدي تحليل منزلي وربي بحسه طار من الفرحة وبعدين بنتفاجئ بنزول الدورة
وكتير بزعل لما يعرف انها شرفت
الهدف من الموضوع انبهكم بنات انكم تخبروا ازواجكم بقدوم الدورة باسلوب حلو ولبق وكمان ترفعوا شوية من معنوياتهم
مابطلب منك تكتبيله على وردة ترا نزلت الدورة لأ بس خبريه بكلمة حلوة مثال ( انت هاد الشهر كتير زعلتني وانا بعاقبك هاد الاسبوع مارح تقرب مني ) الي حابة تشاركنا الموضوع تكتب لنا جمله حلوة ننقل فيها الخبر
وانشاء الله يارب الله يرزق كل متأخرة بالحمل عاجل غير اجل يا اكرم الاكرمين