زوجي ملتزم بس يطالع في غيري!

اختي/ سبحان الله
ادعيله بالستر ماعرف اش اكًولج لانا الحريم يحترق قلبنا لو طالعو غيرنا
بس خل نكون واقعيين، احنا حريم .. لو مرت وحدة متكشخة ومتجملة ولابسة ، نطالع عليها ويلفتنا ستايلها او كشختها او او .. كيف عيل الرجل ؟

انتي عشميه بالحلال والحرام، انج تمنعيه تماماً مايطالع غيرج .. نكذب على نفسنا انه بيطعيون او يسوون جذي

والمشكلة هالنماذج كيف تخلصي منهن .. وانهم يثيرون الرجال في كثير من الاحوال

فيه حديث للرسول عليه الصلاة والسلام : دوريه حت تاخذين النص كامل، وعشميه فيه ..

بدايته النظرة سهم من سهام ابليسس " او الشيطان " .. ونهايته ابدله الله حلاوة ... وتكملة
دوري عليه حبيبتي

حبيبي كل يوم استودعي قلب زوجك ونظره الرحمن
لمن يخرج قولي له أستودعك الله الذي لاتضيع ودائعه ..
عمرك ماتستودعي ربك شي ويضيع والله ..
ولاتضايقيه بالملاحظات الكثيرة وتخليه لا إرادياً يصير يركز أكثر
غيرتك بتخليكي تتكلمي معاه بطريقة حادة .. انتبهي من كذا ..
إنتي شكلك ماشاء الله مهتمة بنفسك وببيتك ومالية عين زوجك ..
غيري في شكلك كل مرة سوي شي جديد
ولاتلصقي له في البيت 24 ساعة تجلسي له في وجهه ..
مرة خليكي قريبة ومرة بعيدة ...
اتفنني بشطارتك تخليه يدورك اذا بعدتي ..
واذا صرتي قريبة مايملك ..
الرجال يحب زوجته تكون متغيرة ومتجددة دايماً ..
مو بالشكل بس .. حتى بحركاتها وكلامها و قربها وبُعدها ..
في ترتيبها لبيتها وتجديدها فيه ..
في طبخاتها و طريقة تقديمها للأكل وتنسيقها وتزيينها للصحون ..
حتى في طريقتها في العلاقة الحميمة ..
لاتكوني على وتيرة وحدة كل يوم حب وحنان بنفس الأسلوب عشان مايتعود ..
التعود يقتل الأشياء الجميلة .. السر في التغيير .. اتفنني في التغيير كثيـــر ..
ولمن تروحي السوق معاه حاولي تكوني معاه طول الوقت
لاتسوي حركتك انك تبعدي عنه وتراقبيه من بعيد ..
الرجال لو لقي فرصة ياخذ راحته في النظر والله مايوفر الفرصة .. !!
وقت مايوقف عند الكاشير يحاسب خليكي جنبه لاتبعدي أبداً ..
لاتعطيه فرصة خصوصاً في الأسواق ..
خليكي قريبة من غير ماتحسسيه إنك تسوي كذا عشان تحاصريه وتراقبيه ..


الله يجعلك في عينه وقلبه الوحيدة ومايشوف غيرك في الدنيا ياحلوة :032:

انا الصراحة لو بمكانج بحاول اصارحه
واقوله اذا فيني عيوب هو مب عايبنه يخبرني ويصارحني بعيوبي او اذا انا مقصرة وياه بشىء ولا انه يطالع غيري ...

ومثل ما قالت اختي ديور مي ..عبي عينه ولا تخليه يطالع غيرج...

الله يهديه

الله يهديلك اياه واكيد لازم انت تبادري وتعرفي شو يبقى

اللللة يصلحوو ياارب عاادي سبحان اللة هيدي نظرة مسرووقة
هننن هييك لرجال
جوز خالتو هيك بكل الصبايا بيطلع فيون مابيملا عيوونون اشي
لايهمكك خييتوو في اية بتقول ..اللهم اجعل من بين ايديهم سدا
ومن خلفهم سدا فاغشينااهم فهم لايبصروون,,,, سبحاان الللة ع نجدد
حقيقيةة جرربي وشوووفي كلام ربييي الحمدلللة في ربب

حبيبتي انتي لا تظنين انك مقصرة معاه بشي او فيك عيوب لا
هذا طبع الرجال عندهم غريزة
ما تملئ عينهم شي اي شي تسوين له يقول كفيتي ووفيتي
بس من يشوف اغراء او شي جذاب من احد ثاني فورا يطالع

يحب بس ياخذ ما يفكر عنده زوجة وهالشي يكفيه
لهالسبب الشرع حلل اكثر من زوجة للرجل

ماعليج الا دعاء مثل ماقالوا بعض الاخوات


واتزيني له بشكل غير, البسي له تنانير قصيرة وسوليه حركات
غيري من اسلوبك معه , بين فترة وفترة سوي شي جديد عشان حياتكم الزوجية ماتكون مملة


والله يسعدكم

الله يهديه وفعلا اذا احنا الحريم بيلفتونا بعض الناس اللي برا فما بالك الرجال والله المستعان

الله يهداهم شباب المسلمين م يكتفون بحلالهم لزم اثم والله يخفف م بصره ترى كلهم كذي

استعفر الله

هالحركه جدا عيب اللي يسويها زوجج

اولي تتفاهمين معاه

الله يهديه

الله يهديه:(

مشكورين خواتي

بس هو مش فقط بالسوق

حتى بالجلسات العائلية ينظر لزوجات اخوانه وانا ما ينظر لي

على الرغم ان ما يتكلم معاهم بس نظرة دوم عليهم ..ما ادري يربي ليش جدي ناقصني شنو ..الجمال والخلق من ربي ما بقدر اغير شيء

واضح حبك له ادعيله الله يهديه وقوليله احفظ الله يحفظك الها وايد معاني قوليله ان الله بيحفظ عياله وبناته احكيله قصص للعبره وهي كثيره واخيرا هاي مشكلته مع نفسه ما معاك انتي ساعديه كصديقه ما كزوجه عشان يتخلص منها وصبري عسى صبرج بخير انشا الله

الله يهديه

ياقلبي عليك لا تغاري بجنون وربي تتعبي نفسيتك مرااا تتعتب اتنبهي من الغيره الزايده مو حلووه :celebrate:

وبعدين الجمال مو كل شئ والله ياما فيه حريم مو حلوووووات ابدا وزوجها شايفها ملاك :adore:
الجماااال صح يلعب دور بس مو كل شئ فالدنيا اكيد
ياما فيه حريم يطيحون الصقر بالجماااااااال:adore:
وزوجها تزوووج عليها :-o

الرجال اذا اقتنع من داخله انو مهما شاااف غير حرمته بقلبه مافي مكان لاحد :L::adore:

انتي خليكي واثقه بنفسك لا تهتمي للاشياء هاذي انتي خليه ينتبه لك
امدحي نفسك داايمااااا لو بالكذب اتكلمي عن بطولاتك
مثل يوم رحتي عنه بعيد عشان تراقبيه
حلوو سوي فيه الهحركه روحي كالعاده وارجعي وقفي معه عند المحاسبه قولي وووي فيه رجال يناظرني ووه استحيت وجيت عندك :o:o قولي يؤؤؤؤ ماحب الرجال الي يناظرون افففف ماعمرهم شافو وحده حلوه ياربي :o:o:) امدحي نفسك قدامه
اشغليه فيكي بدال مو مشغول بغيرك خليه عيونه عليك تاكله من الغيرره عشان محد يطالعك :o:D
وداايم قولي له كذا بس عاد انتبهي تزودي العيار هههههه :D

حتى بالجمعات العائليه افشري لا جيتي بيتكم عليه قولي كلهن حريم اخوانك يسألوني منين شاريه لبسك جونااااان عليك مشاء الله
والا عطرررك ريحته تهبل من وين شاريته ؟؟
قولي له قلت لهم من حبيبي اهداني ياه وتتدلعي عليه :oF::D

بيني له انك حلوووه وجميييييله والناس تناظرك وصدقيني بينتبه عليك بالطلعات الله الله بالسناعه عاد اكشخييييي :adore::adore::adore:
وربي يهديهم الرجال :cool:

الله يهديه ....

بنت سبتمبر;14674620:
سلام شخباركم
الموضوع باين

انا غيورة على زوجي جدا وما احب ان ينظر الى احد غيري

وكم مرة انبهة ان النظرة الغير شرعية تعتبر مثل الزنا وحرام وهو هم يووافقني الراي

بس ااذا اروح معاه محل عام او تسوق واخليه لحالة واروح اتجول اراقبة من بعد ألاحظ وين ينظر ووين يشاهد

المهم رحت معاه محل تسوق وقلت له عبال ما تدفع وتوقف في الصف انا افتر لي شوي
فكان ما يدري اني اراقبه من بعد..بس الي لاحظتة ان في بنت كانت لابسة تنورة قصيرة واهي حامل وكل شوي تنزل ع الارض تاخذ شي وهو كان ينظر له ...انا قلت فبالي معليه مو قصده ..اكيد كان شكلها ملفت لان الكل كان متحجب الة اهي وما قصدة بالنظر لها شي ...رديت مرة ثانية طالعتة الة اشوفة ينظر لها ويلعق في لسانة ,,واقول في بالي يلهوي!!:-o بعد مو كفاية يطالع الة يلحس في لسانة ؟؟وش هالحالة ..مع اني واثقة من زوجي انة يحبني حيل ومسحيل ينظر الى اي احد غيري واحاول ابعد عني هالافكار السلبية قد ما اقدر بس والله كذا مرة يعني من بداية الزواج للحين ألاحظ فيه هالطبع ...ادري بتقولين لي كفاك غيره واستهدي بالله ..انا ما همني شيء هو الي عليه الذنب ولكن بنفس الوقت ودي اكون له ستر عيل ليش الله شرع الزواج!! ولا ابيه ياخذ ذنوب على الفاضي +لاني غيورة وابي اكون الوحيدة في عينة مع العلم انا مو مقصرة وياه ومعطتة الحنان والحب والدلع الي يبيه

شوفي اختي .. انتين لاتحاولين تراقبين نظراته لان جدي بتتعبين ، حاولي قد ماتقدرين

انش تلفتين انتباه زوجش بحيث ان مايمديه يتلفت لشي غير ..مثلاً اذا كنتون في السوق

حاولي تشغلينه :

حبيبي اختار ليي شي على ذوقك ؟

شوف هذا الفستان تتوقع يناسبني ؟

حبيبي دور ليي هالغرض الفلاني ؟

حاولي قد ماتقدرين تستشيرينه في الشراء وفي الأسعار ... وعند الكاشير مو توقفين بعيد

عنه وابتسمي اليه .. واذا كان الصف طويل اذا حسيتينه بينشغل باله بالنظرات روحي اليه

سوي روحش بتسألينه عن شغلة .. او بتوقفين تسولفين اياه عن لايتملل ...


وبالنسبة للرجال بشكل عام ترى فيهم هالطبع يعني لاتضايقين روحش واجد بس حاولي

قد ماتقدرين ان مهما شاف ومهما طالع تكونين في نظره الاجمل والأحلى في كلشي

واذا كنتين حنونة عليه ومراعتنه ومريحتنه لاتحاتين شي ..

بنت سبتمبر;14788296:
مشكورين خواتي

بس هو مش فقط بالسوق

حتى بالجلسات العائلية ينظر لزوجات اخوانه وانا ما ينظر لي

على الرغم ان ما يتكلم معاهم بس نظرة دوم عليهم ..ما ادري يربي ليش جدي ناقصني شنو ..الجمال والخلق من ربي ما بقدر اغير شيء

شوفي اختي هو مو بس الجمال الي يلفت لرجال ، ساعات يمكن الكلام الي يتكلمونه

والموضوع وطريقه الكلام تخليه ينتبه للي قاعدين اكثر منش ، انتين في الجلسات العائلية

اعتبريه موموجود واندمجي ايه الموجودين بدل ماتركزين عليه وسولفي بدون ماتطالعينه

واضحكي واستانسي ولا تكونين ساكتة بس وتراقبين حركاته .. مع الأيام بتحسين انه يجيه

فضول ويطالعش او اذا تكلمتين بصوت واطي يبي يعرف شتقولين ...

انتي مثلي


بس انا اللي يقهرني مو بنات البرا

لا بنات العايله الكريمه

يحرجني بنظراته لهم

وهم عاد تريقون


زوجات اصحابه راسه بينصقع في الارض من كثر مايوطي راسه


بس العايله ماغير يناظر يمين وشششمال


حتى خواتي



ما اقول الا الله يصلحهم