يبه شلونك ...ملل هالكون من دونك
يبه شلونك؟؟ وتمضي رحلة الدنيا ....
بليا طلة عيونك....
يبه شلونك؟؟وشلون المرض وياك ؟؟
بعد ماهدك بدنياك ..عساها تغمض جفونك ؟؟
تبي تدري عن احبابك؟؟عن عيون تغنا بك ؟؟عن قلوب دفنها الشوق ..وإذا جاها الغفا جابك...
يبه حنا صرنا كبار... توفقنا وتخرجنا ....
يبه ماعاد فيه صغار....يموج بهالزمن كل شيء ...
وحنا ماتموجنا ...على ذاك العهد نسري ...
نبيع العمر والدنيا ...ولاتخلف بنا ظنونك...
يبه شلونك؟؟تبي تدري عن اخباري؟؟
عن أفكاري؟؟ وتذكاري ؟؟
اشيلك داخلي جمرة ....وبعيون الحزن عبره...تغرقني ...وتحرقني....
اشوفك نجمة تجبر ..مراعيها.... يراعيها
واشوفك للرجولة اسم ..اذا شد الزمن تقسى ...واحلم من معاني الحلم ....احسك مقبل بكرى ...وعيا لايجي بكرى ....
يبه تذكر زمان مر؟؟
يبه تذكر مجالسنا ؟؟
مقلطنا ومجلسنا؟؟
وحارتنا ومسجدنا ؟؟
يبه تذكر هدايا العيد؟؟
صلاة العيد..وبشت العيد؟؟
يبه تذكر سوالفنا؟؟
لاجل هذا
وكل هذا..
اقول اليوم يايبه ...
ملل هالكون من دونك...
يبه وينك؟؟... ولهت لنظره من عينك .....
يبه وينك؟؟
اشوفه طول غيابك ...ومن وداك...ماجابك....
قالوا مايدوم الزين ...وانا عندي امل للحين ....
ولكني أعرفك وين!!...
يبه وينك؟؟عسى الداعي يبه بس خير!!؟
عساك بخير ..مداين تكرم لعينك...
بس ارجوك علمني...
علمني ..يبه وينك؟؟
متى رجوعك..يبه بس تكفى علمني...
وش احلى من طلوع اثنين؟؟
طلوع الشمس .... وطلوعك....
يبه وينك؟؟
سؤالي عنك يالوالد ....صار كما الموال..
واشوفه طال ... والله طال...
حزين بلحنه ...وحروفه ...يخاف ..يموت من خوفه ....وقلب.. كان اقوى قلب ...ضعف من .. قسوة..
ظروفه...يبه ..ارجوك علمني...
تشوف اللي انا اشوفه ..؟؟
انا اشوفك نهار وليل ...
في وسط المجلس تصلي... وتدعي الرب ييسرلي ...
يبه..
ماعاد بي من حيل ...وين الحيل ..
وانا اشوفك نهار وليل ..مع اني ادري ماترجع ...
غريبه... بعدها تدمع ...عيوني من هموم البين ...وادريبه مكانك وين ...!! مع هذا ..ارد
وأسأل !!
يبه .. وينك !!
ولاكني اعرفك وين !! شبكت العشر في غيابك ...على راس كساه الشيب ..ومن وداك.. ماجابك...
ولا ادري وش يخبي الغيب ..وجرح عذب أحبابك..يبه عيا يخف ويطيب ..!!
يبه .. كل جرح في الدنيا ..مصيره بالدوا يلتم ...ولكن البلا من جرح
نزف فرقاك بليا دم ...وهذا الفرق في جرحي ...عجز يلقا دوا الدكتور ....انا جرحي غريب الطور !!!
ينزف .... بس بليا دم ...وزاد الهم فوق الهم ...ودام انك يبه غايب ...جروح الغيبه ماتلتم ...
بس عندي امل للحين ..!! ولاكني اعرفك وين ....!!
يبه.. ذكراك تفرحني ...
في نفس الوقت ... تجرحني.. لامن جبت في طاريك ... دموعي غصب تفضحني ....
يبه ...
تذكر ليالي الصيف ؟؟؟
عرس .. الحي ورقص السيف ؟؟
وكرم قلبك مع هالناس... كل كان في بيتك ضيف ...
يبه وينك؟؟
تعال وشوف ..
كبرنا مثل ماتمنيت ...درسنا كل ماحبيت ....نصلي مثل ماوصيت ...وندعي لك في كل ظروف ..
يبه... وينك؟؟
تعال وشوف ...صحيح الدنيا ماترحم ...
تجرعنا التعب انواع ....ولكن الامل ماضاع ...
وانا عندي امل للحين ... ولاكني اعرفك وين..
يبه.. تذكر شطانتنا ...
انا واخواني واخواتي ...معانا عيال حارتنا ....
نلعب في زوايا البيت ...يبه... والله انا حنيت ...
لذاك الوقت في وجودك ..الا ياريت ..الا ياريت ...
ترجع يايبه .. حنيت ..
حسافه الدنيا ماترحم ..
!!! خذت منا سعادتنا ...خذتك بعيد...وخلتنا ...
يبه ارجع .. مثل شمس الفجر ... اطلع ...
يبه ...ارجع ..... اذا لي خاطر..... فــ قلبك.......
تعال وزورنا بس يوم...مع انه مايكفينا ... نشوفك يوم...نبي حضنك يدفينا ...ونشوفك دوم...
لكن قلت الحيلة ...ويمكن مـــ البطا ضاعت ...
وقلنا يوم ....
يبه سامحني بترخص ...قبل ينشف حبر الأقلام ....كلامي بعده ماخلص ...
ولكن موعد الأحلام حان ....
ولازم.. اوفي له ...بعد ماضاعت الحيله...اشوفك والوعد باكر...
اذا فكر يجي باكر...وبرجع أسألك وينك....
بس لازم تجاوبني ...عندي امل للحين ! ! ولاكني اعرفك وين...
يبه ... شلونك؟؟
ملل هالكون من دونك...
يبه شلونك؟؟
وتمضي رحلة الدنيا بليا طلة عيونك
لاجل هذا ...وكل هذا.. اقول اليوم يابيي ...
ملل هالكون من دونك...
فقدان الاب وبكل المقاييس ليس بسيطا ....
أن تفقد (أباك) معناه انك تخسر الجدار الذي تستند اليه..
ان تفقد (اباك )معناه ان تحس بمعنى الوحدة ,فقد فقدت من يمد يده
ليساعدك .. ولو مدت لك الف يد ...
فإنها لاتغني عن يد والدك المليئة بدفء وحنان الابوة ...
أن تفقد (اباك) معناه الالم الدائم ...
والحزن العميق ..
والشعور بالضياع والوحدة والفراغ والوحشة ...
إحساس لم يعرفه الامن جربه وعاشه ..
إحساس لم يعرفه الامن ذاق طعم مرارة اليتم ..
إحساس لم يعرفه الامن ذاق ظلم ونظرات الأقارب السامه ...
أطال الله في عمر ابائكم ..
فانتم بدونه لاظهر تستندوا عليه في الشدة ...
والحضن الدافيء في الرخاء ...
لاحرمكم الله من آبائكم ...
......
شعور فقدان اغلى مانملك ...
اقسى من اي شيء ربما يجوب خواطرنا ...
اتمنى
ان تذكروا والدي ..
بدعوه خالصة بظهر الغيب ..
لاحرمكم الله غاليكم ..
