إذا شعرك مجعـــــــــــــد ومنتفـــــــــــــش................. تعالي لقيت لك الحل

مشكورة حنان البحر

تسلمين (wink)

مرحبا
مشكوره على النصيحه الحلوه
المهم عندي سؤال هو بلسم او كريم شو هو بطبط ابغي اعرف علشان
ومشكووووووووووووووووووووووووووره

مشكوورة حبيبتي

قبل امس اشتريته بس لسه ماجربته....

اذا عجبني ابدعيلك ......واذا ماعجبني ابدعيلك بعد....

بلسم ...

نجرب وش خسرانين :)

مشكوره و ما قصرتي

حنان البحر يعني على ضمانتج شعري بيستوي سايح ؟!!

لووووول ------------------->>>>>>>>>>>>> وحدة ما صدقت:s2:s2:s2

اختى ذكرتي انه لشعر الغيرناعم قلتى انه لمانغسل الشعر ننشفه بالفوطة شوي ونحطه ونتركه هل معناه انه راح يحافظ على التموجات بشكل جميل اوراح ينعم،ممكن التوضيح والي عندهاصوره ممكن تحطها،وشكرا

سؤال الأخت ليلى مهم

يعني ياريت الي يكتب موضوع او يذكر علاج او طريقة يذكر تفاصيلها عشان الكل يستفيد ..:)

بعدين من اسمه مبين انه بلسم جاف .. يعني يترك على الشعر بدون غسل .. ولا انا غلطانة ؟

ينفع مع الشعر اللي ناعم بس تصير في تدرجات قليل!!!!!!!!!!!!!!!!


ارجو الجواب بسرعة لأني بروح اشترية بكرة

من نفس النوع في ماركات ثانية تستخدم مع الشعر المملس و النتايج اكثر من روعة

مرحبا اختي انا سئلت كثير عنه فى محلات البودي شوب بالكويت كلهم قالوا اول مره نسمع عنه فيه للشفاه مش للشعر اذا وحده من بنات الكويت استعملته تقول لي من اى فرع حصلته وبسئلك يا اختى اهو للشعر الجاف الخشن وهو عباره عن شنو تمليس اذا تمليس الله يخليك قولي لانى مو حابه اجرب انواع التمليس لخطورتها على الشعر




منو تعرف بنات كريم او اي شي ينعم الشعر من محلات موثوق فيها 0

شكرا لكل من كتب موضوع يستفيدون منه الاخوات 0

حنان ياعمري
انا شعري مو خشن
بس مو ناعم حرير
ممكن استخمه
وممكن تكتبين اسمه بالانجليزي ياقمرررررر:cool2:

[CELL="filter:;"][ALIGN=center]

السلام عليكم ورحمة الله وبركاته

مشكوره اختي

وربي يعطيك الف عافيه

اختك

بنت المملكة

[/CELL]

الاخت العزيزة *نونا *

واخواتي العزيزات السلام عليكم ورحمة الله

بنات حبيت افيدكم بتجربتي اللي لمستها من استخدمت نوع معين من انواع حمام الزيت وكريم تنعيم الشعر،،، انا من فترة طويلة شعري ملعوزني ومتبهدلة منه بطريقة ترفع الضغط لانه جاف بطريقة فضيعة "تقولين ليفة وخصوصا الجزء السفلي" ومن اخلص من الدش ويجف ينكش عليه تقولين جنية والمشكلة يوم استشوره يطيح وايد وما تخوز عنه التموجات الكبيرة وعجب فترة قصيرة يرد مثل ما كان ولا كأني مستشورتنه،،، حتى زوجي وايد يعلق عليه ويقولي ليش ما تهتمين بشعرج،،، وانا من النوع اللي وايد هيزة يعني كسولة في هالامور وما اتبرض لها السوالف واذا بجرب خلطة معينة ايربها بالزور مرة ومرتين واوقف،،، مع انه شعري قبل ومن كنت صغيرة ناعم وسايح ويلمع بدرجة تقطع قلبي يوم اشوف نفسي في الصور الجديمة،، اقول في خاطري ياربي شو استوى بشعري،،،

المهم زوجي كذا مرة ينصحني استخدم حمام زيت من نوعه المفضل اللي يستخدمه دوم وهو ما شاء الله عليه شعره حرير ويجنن من كثر ما يعتني فيه،،، دايما يتبرض ويسوي حمام زيت لشعره عجب كل دش ياخذه وتخيلي يمكن ثلاث مرات يوميا،،، "ريلي خجاج شويه:D2"،،، والطريقة على قولته وايد سهلة وما يبالها شي اللهم اول ما ابلل الشعر اغسله طبعا وبعدين احط حمام الزيت عليه واغطيه بالكاب مال الدش ولين ما اخلص من الاغتسال جد مرت مدة لا باس فيها واشطفه آخر شي،،،

طبعا اختكم الله يهديها من كثر ما هيه ما تتبرض لهاي السوالف ما يربت لدرجة يوم يسألني استخدمتيه اقوله هيه لو حتى بعدني ما يربته،،، المهم يوم شفته قام ينزعج وايد من شكل شعري قلت لازم اهتم فيه دوم واسوي اي اشي عشان يعتدل شوي،،، ومن اسبوعين الحينه وانا اسوي حمام زيت لشعري ولاحظت فرق كبير في ملمس شعري قبل كان وايد خشن وجاف ومن استخدمته اول مرة حسيت بالفرق الكبير في النعومة كانت تجنن من اول يوم،،، طبعا ما صدقت على طول خبرت زوجي بالفرق وكيف انا مستانسه وقالي: "يوم اقولج،،، بس ما تسمعين الرمسه"،،،

المهم،،، من 4 ايام بالضبط ،،، صديقة صديقتي كانت ناوية تفتح محل يديد خاص بالمكياج والشعر والعطور وكانت صديقتي اتمول لبضاعتها وتبيع السامبل اللي عندها بسعر ارخص،،، وعن تجربة منها هيه والكثيرات ممن استخدموا كريم لتنعيم الشعر نصحتني اني استخدم الكريم هذا من كثر ما كنت اتشكى من شعري،،، المهم اشتريته من عندها بسعر 100 درهم وسعرة الاصلي 250 هذا طبعا عجب ما يفتحون المحل،،، وهو من ماركة كندية اسمها "مارسيل" انا ما سمعت عنها بس ربيعتي تقولي انها مب موجودة في الامارات وهيه من النوع اللي يسافر كندا وايد وقالت لي انها ماركة معروفة وعالمية هناك ما تقل اهميتها عن الماركات العالمية وتقولي انه الاقبال عليها شديد هناك حتى دايما اغراضهم "آوت اوف ستوك" يعني مخلصة،،،
المهم قلت بيربه شو بخسر،،، وطبعا عقب حمام الزيت حطيته على شعري عجب ما جف شوية،،،"ترومين تحطينه عليه وهو خرسان بعد" بس ما تصدقون النعومة اللي تم عليها شعري من استخدمت الكريم،،، والله من كثر ما انا مستانسة من شعري كل ساعة واحين اتلمسه وامسح عليه من كثر الوناسه عشان احس بالفرق،،، طبعا الين الحينه ما زالت التموجات الكبيرة في شعري،،، بس على الاقل نعم بطريقة وايد حلوة وعطاه لمعة رهيبة،،، والله ها ثاني يوم لي بعد ما استخدمته ولين الحين شعري ناعم،،، ويمكن اذا استخدمته مدة طويلة تخف التموجات اللي في شعري،،،

انا ما ادري اذا موجود عندكم في الكويت او حتى دول الخليج بس انتو يربوا وخبروني يمكن ينفع وياكم،،، بس ها بنات ما اوصيكم على حمام الزيت اللي استخدمه بالفعل احسن نوعيه جربتها من وانا وصغيرة،،، ينعم الشعر بطريقة وايد حلوة ويعطيه ريحة تجنن،،،،

بنات ابغي رودود افعال يالله عشان احس اني مهمة شوي،،، "وحدة ما احد عاطنها ويه:sad: :no: :no: :cry::D2 "،،،، واللي يبغي يجرب يخبرني،،،

سلام

حبوبتي أوركيد

مشكورة على عرض تجربتج المفيدة .. ممكن تخبريني شو اسم المنتج هذا وكيف ممكن ألقاه في الامارات وفي أبوظبي أو العين تحديدا .. أبي شعري يصير ناعم عشان ريلي يحب الشعر الناعم وأنا شعري منتفش لكن مب خشن ويوم كنت صغيرة كان مثل الحرير لكن بعدين استوى كشة منفوشة

وتسلمين الغالية

انا بعد ابي اعرف وين احصل هالمنتج انا من بوظبي ...

وشو اسمه حمام الزيت اللي مدحتيه ؟؟؟؟

وربيعتج كيف ممكن نحصلها عشان نشتري المنتج منها ؟؟

والله بتسوين خير فينا بدل هالشوار حرق شعرنا وتلفه ؟!!!1

اخواتي الغاليات،،،

عيون السهد،،، والتوأم واللي طرشولي على الخاص،،،،

اعتذر عن تأخري في الرد والله كنت مب صاحية والحمدلله انا بخير الحينه،،،
بالنسبة للبنات اللي سألوا عن رقم الحرمة وكيف يوصلولها،،، بصراحة انا كلمت صديقتي عشان تكلمها ويوم أستأذنتها في الرقم ما طاعت "قلت في خاطري هي الخسرانة" المهم بنات وخصوصا اختي "التوأم" هيه بتفتح محل في ابوظبي في المستقبل بس لين الحينه ما حددت المكان بس اكيد لازم بخبركم عنه المهم بعطيكم تفاصيل الكريم مع حمام الزيت،،،


اولا:

حمام الزيت هو موجود في الصيدليات وكذلك الجمعيات (ارخص في الجمعية)،،، بس امانة انه احسن حمام زيت جربته من بين حمامات الزيت اللي خذتها من قبل من الصيدليات،،، وينعم الشعر بطريقة ممتازة ويخليه املس وناعم ويلمع في نفس الوقت وسهل التسريح ايضا،،،وانا متأكدة انه الكثيرات يستخدمونه،،،، المهم،،، هو شكلة دائري ولونه عنابي على ابيض وعليه خطوط صفراء،،، وسعره تقريبا 23 درهم على ما اذكر ما ادري 32،،، ما يفرق وايد بس مب مشكلة،،، واسمه هو : "Kolestral"



ثانيا:

كريم تنعيم الشعر وهو للعلم خالي من المكونات الكيميائية ومصنع من الحليب "مكتوب عليه Milk Production" واحب انبه البنات انه ينعم الشعر ويجعله سهل التسريح وليس سائح،،، يعني ما يعطي نتايج السشوار من ناحية انه يسيح لكنه ينعم الشعر بطريقة وايد حلوه ويحافظ على نعومته فترة اطول ويقضي على "كيبلات الارسال" اللي تطلع على الشعر بعد ما يجف من البلل،،، وريحته هادية جدا وحلوة في نفس الوقت،،،

الكريم من ماركة اسمها "مارسيل" وما ادري اذا موجودة في الخليج بس هيه ماركة معروفة وعالمية وصديقتي شارتنها من كندا،،، المهم انتوا يربوا تدورون عليه وان شاء الله تحصلونه،،، المهم ،،، اسمه بالفرنسي لانه صناعته فرنسية وهو Lait Capillaire ومكتوب عليه من فوق Jean Hurrat ،،، لونه ابيض عادي،،،،


وسمحولي على التقصير

غاليتي اوركيد تسلمين لنا

بس بصراحه انا ابي منتج يخلي الشعر مجعد لانو شعري مايتجعد :down:

لوك واحد سايح وبس 00 اذا فيه منتج تعرفيه يجعد الشعر ومضمون دليني

عليه 00 تسلمين لنا وتحياتي لكِ

شوق العيوووون