كحل اللي مادري شسمه

هلا حبيبتي.. وصلتي وعيني خير..

أولا الكحل الكومبكت أو بالعربي المضغوط .. شكل من أشكال الكحل

يأتي في المرتبة الثانية في سهولة الوضع بعد الكحل القلم اللي نقدر نقول إنه الأسهل

والأصعب طبعا الآيلاينر السائل المطاطي اللي مجرد تخلينه يجف وماتقدرين تعيدين عليه لأنه يبدأ يتقطع

أحيانا اللي كلش مايعرفون يستخدمون الآي لاينر السائل أو الكحل البودرة دائمًا أنصحهم يرسمون عينهم بالكحل القلم الأسود

وبعدين يرسمون فوقه بالفرشاة والكحل البودرة كبداية .. وبعدين لما تتعود يدج على استخدام الفرشاة تبدئين تستغنين عن قلم الكحل

عموما نبدأ في موضوعنا وهو خطوات وضع الكحل البودرة :

الخطوة الأولى في وضع المكياج تتأكدين من توحيد الملمس حول العين .. وعدم تكتل كريم الأساس أو البودر حول محيط العين



بعد ماتوزعين كريم الأساس بالشكل الصحيح ويكون محيط العين نظيف ومتساوي الملمس ..

وعشان تحافظين على سلامة الأساس في ويهج .. يفضل تخلين شوي بودرة حرة .. مثل بودرة جونسون مثلا في بداية الخد

لأن الآي شدو والكحل .. وخصوصًا الكحل البودرة ممكن يتنثر شوي منه على الخد فيشوه المكياج ..

بعدها تستخدمين الفرشاة المناسبة

واللي اهي طبعا بتكون شعراتها ناعمة عشان لا تألم عينج .. وراسها ضعيف عشان تتحكمين بسمك الخط اللي تحبين ترسمينه

ولها أنواع .. والنوع الأول من make up forever وتستخدم للخط الضعييف ..



أما الخط السميك فتستخدمين له الفرشاة اللي أسمك شوي بس لاحظي إنها مابتكون سميكة وايد

لأن إذا ترسمين خط ضعيف وبعدين تعرضينه شوي شوي.. أسهل وايد عن ترسمين خط عريض وبعدين تتمين سنة تنظفين فيه وتعفسين ويهج كله


Makeup brush made for La Bella Donna’s mineral makeup


وأخيرا وليس آخرا استعملي الفرشاة الكبيرة اللي مثل فرشاة البلشر عشان تنفضين البودرة الحرة أو بودرة الكحل الزايدة اللي تصير فوق الخد



وأبهري الجميع بعينين أخاذتين محددتين بعناية




تحياتي

أنيقة