تطورات حالة ولدي مع عيونه والحول

السلام عليكم ورحمة الله وبركاته
كيفكم يالغوالي واعذروني عالانقطاع والدخول القليل اتوقع ماحد لاحظ اصلاً :p
حبيت في هالموضوع اطمنكم على وضعو ولدي وعيونه
اول شي خذيت له موعد بمجمع الكحال وهو معروف في طب العيون وفيه استشاريين كبار ولهم سمعتهم وشطارتهم في مجال طب العيون
طبعاً الدخول كان بموعد مسبق والحمدلله لقيت موعد رغم انه كان بعيد بس جا ذاك اليوم ورحت للموعد من 3 العصر وانا حدي متحمسة عشان اشوف وضع ولدي :D
المهم انلطعنا لين اربع ونص على ماشرف الدكتور 8o|
دخلنا عليه وانا انا ماصدقت طلعت كل الي في خاطري طبعاً هريته اسأله وحكيت له مشواري مع المغربي والي قبله وبعده واشوف الدكتور مسكين موقادر يحكي ولاكلمة وكانه يقول تعالي شخصي حالته بدالي :worn_out:ههههههههه
المهم مالكم بالطويلة
كشف عليه وبعدين عطاه قطرة الي كل ربع ساعة وقال اشوفه بعد نص ساعة و
ولدي صياح من القطرة لانه جداً حراقة بالعين
بس ضروري عشان توسع حدقة العين وتسهل الكشف
دخلنا ع الدكتور عقب نص ساعة وشافه وعاد انا كملت اسألة
وخبرته عن الهزة الي بعينه قال انا شايفها:-#
ودي سببها غالباً مشكلة بالنظر وان شاء الله اذا تحسن النظر تخف ومع الكبر تروح
بس الي صدمني عقب مراجعاتي بالمغربي ماذكر لي الدكتور ان عند ولدي قصر نظر :thumbs_down:
وانا قاعدة استغرب ليه لما يطالع لشي بعيد يهز راسه ويحاول يركز او يرمش بعيونه
وشاف الدكتور نظارته ووصف له غيرها وكانت درجتها مختلفة كلياًعن الاولى الي كانت من المغربي :I:
عاد انا سالت الدكتور وقعد يلف ويدور بالكلام ويقول ان عشان هو كبر لازم تتغير النظارة
وكانه مايبي يعيب في تشخيص المغربي:-#
المهم رحت فصلتله نظارة من نفس المستشفى وكان في نظارات بلاستيك ولدي ماصدق شافها مرة حبها ومسك وحدة وقال ابي هذه
عاد زوجي تردد شوي لانها غالية حبتين هذا غير الي دفعناه بالكشف والي حندفعه بالعدسات
اصريت عليه ياخذها قال ليه ناخذها به المبلغ وهو ماراح يلبسها قلت له حليلبسها لانها عاجبته مررة فديته:adore:
طبعاً جبنا النظارة وولدي ماشاء الله عليه مررة انبسط من شكلها وكمان انبسط من درجة العدسات احسه ارتاح عليها كثير لانه صار يشوف تلفزيون كثير ويطالع بدون ماتهز عيونه زي قبل
وبدون مايرمش وصار مايفكها الي لما ينام ماشاء الله واول مايقوم ع طول يدورها يقول وين نطارتي:D
تبعاً الحول يقول الدكتور ماله الا عمليه وماراح يتعدل بالنظارة بس قال لازم يتعدك نظره اول
وعطاه موعد عقب شهرين
اسفة طولت عليكم بس حبيت افيدكم بتجربتي
والخلاصة من الموضوع
اولاً لاتعتمدوا على تشخيص طبيب واحد مهما كان مشهور ومعروف وكبير
جربوا اكثر من استشارة
خلو املكم بربي كبير
واتبعوا احساسكم انتم مهما قال الطبيب ماعليكم منه شوف احساسكم شو يقول
انا احساسي وصلني لهنا واراتحت لاني صدقته وغيرت
ولاتهملوني عيالكم بمجرد تلاحظن اي عرض بسيط بعيونهم
ترى النظر نعمة كبيرة واطفالنا امانه باعناقنا
ولاحظت تحسن كبير في حالة ولدي
وبالختام اسال الله لي ولكم ولفلذات اكبادنا دوام الصحة والعافية
ودعواتكم لولد بتسهيل عمليته ونجاحها :(