طريقتي الخاصة للعناية ببشرتي

السلام عليكم بنات
راح اشرح لكم طريقتي الخاصة بعناية ببشرتي و راح انزل لكم الصور بعدين<<< للحين اتعلم اشلون انزل الصور :D
و هي قسمين الوجهه و الجسم :

الاشياء اليومية للوجهه:
1. اسخدم له مقشر الحليب من تايلند ما اعرف اذا موجود في البحرين بس انا اوصي ناس يجبون لي دايما و هو ما يحتاج ماي و احط على الوجهه مباشرة و بحركة دائرية و بنعومة
2. اغسل وجههي بجل جونسن اند جونسون
3. غقب الصابون اجفف و جههي و اخلي عليه ماي ورد و ما اجففه و اخليه بروحه يجف
4. احط كريم للوجهه و في الصيف او ابي اطلع احط سن بلوك اس بي اف 50 لان عندي حساسية من الشمس

الاشياء الاسبوعية:
1. مقشر المشمش
2. ماسك الطين و هاي احسن شيء نفع معاي
3. صابون كلين و كلير
4.ماي ورد
5. كريم للوجهه
الحين نجي للجسم:
الاستحمام اليومي:
1. صابون فا مع مفركة الحمام المغربي انا ما اقدر استخدم صابون جل يسبب لي حساسية
2. استخدم كريم ماركس اند سبنسر الي على ريحة خوخ
3. استخدم بودرة معطرة و خليها علي جسمي كامل استخدم مال رصاصي او مال ماركس اند سبنسر

الحمام المغربي و هاي طريقتي الخاصة اسويها في البيت:
1. اغسل جسمي و شعري عادي و بعدين احط بلسم حق شعري و اجفف جسمي ما يكون وايد جاف و لا يكون وايد رطب
2. استخدم طين البحر الميت هاي بعد يجبون لي من الاردن ما اعرف اذا في بالبحرين و طريقته ان تخلين طبقة خفيفة على كل الجسم و تنظرين لما يجف و في ذاك الوقت انا اسوي بديكير لي و لما يجف اخذ مفركة جافة و بحركة دايرية اشيل الطين و بعدين اغلسه بماي بارد
3. استخدم صابون حمام مغربي و اشتريه من العطار و ريحته ما ادري اشلون ما حبيته و شكله سائل شوية و لونه بني و كنت اخايفه انه مخترب المهم قبل ما استخدمه سويت فحص على جلد ان حطيته على يدي منطقة صغيرة و شفت ان ما اتحسس منه فبديت استخدمه المهم اخليه علي جسمي كامل و انطر عليه شوية و بعدين بمفركة الحمام المغربي افرك بحركة دايرية و من تحت الي فوق و اظل افرك الي ما اتعب بعدين اغسله بماي فاتر لا حار و لا بارد بس صج احس جسمي يصير ابيض و ناعم ما شاء الله
4. ماي بارد و يكون مخلوط معاه ماي ورد و هاي اخر شيء اغسل جسمي من راسي الى ريولي
6. بعد ما اخلص و انشف جسمي استخدم كريم من بودي شوب البتر بودي كريم على ريحة التوت او اي ريحة ثانية و احط بكمية وفيرة
7. احط بودر رصاصي او ماركس

طبعا بعد الاستحمام الاسبوعي نوووم مباشرة لان صج احس تعبانة و لازم اشرب ماي وايد

على فكرة انا ما عندي مناطق داكنة الحمدلله او رووس سوداء في الوجهه و هاي طريقتي من انا صغيرة بس زدت عليها الطين و صابون المغربي و ما شاء الله صج تكون بشرتي ناعمة حتى عقب ما اشيل بالموس الشعرة ما تكون يابسة و ما احس بخشونة على فكرة اشيل جسمي كامل بالموس ما عدا منطقة الابط بالشمع في صالون

ان شاء الله راح انزل الصور باقرب فرصة و ان شاء الله احد يستفيد :L::L::L: