السلام عليكم ورحمة الله وبركاته
بدخل بالموضوع على طول
عزيزاتي انا ملكت لي تقريبا 5 شهور او اكتر او اقل مو فاكره
اخواني لهم فتره يقولو انتي تكبرتي بعد ماتزوجتي ..وربي ما احس اني تغيرت انا زي ماكنت زمان
اعطيكم مثال
من زمان وانا اقول لأخواني كل واحد يسوي شي بالمطبخ شاهي اندومي اي شي يغسل اشيائه وكنت وراهم لو طنشو اروح ورا اخواني ويلا نظف انا مو شغاله عندك ..ممكن تستغربو تصرفي لكن انا ممكن انظف المطبخ بعد كل وجبه غدا وعشا ...لكن ما انظف اللي يسووه اخواني من اكل بصراحه هم لو سوو بس اندومي يطلعو قدر للسلق وطاوه عشان بالنهاية يحطو فيه وكل الملاعق اللي بالدرج ويكبو ويحرقو والله احيانا اكون فاضيه اقوم اسويلهم واسويلي عشان بس لايوسخو بس لمن ما اكون فاضيه اخليهم يسوو وينظفو وراهم وهدا المفروض
دحين بعد الملكه انا متبعه معاهم نظام اول وقالي اخوي الصغير انتي تكبرتي بعد ماتزوجتي
اختي جلست تقولي انتي شخصيتك ضعيفه قدام زوجك وقدامنا تكوني قويه روحي استشيري دكتور نفسي عشان دا الشي
يابنات انا والله شخصيتي مو ضعيفه قدامو لكن لأني احبو وتعرفو كيف تكون وقت الملكه كلها دلع وحب
لمن قلتلها لا انا شخصيتي مو ضعيفه معاه لكن مالو داعي اقوي شخصيتي عليه هو زوجي وماجات مناسبه يشوف شخصيتي فيها كلها كم ساعه يجلس معايا ويروح لبيتو
قالتلي انتي تكبرتي بعد ماتزوجتي...ياهوو قولولي كيف تكبرت
قبل فتره كان يوم ميلادي وجابلي باقة ورد وعطيت لكل أخواني ورده
الورده اللي عطيتها اختي راحت تلعبها وتنفظبها الغبار وتدوسها برجولها وتسويبها حركات جد تقهر
يعني انا معطيتك هالورده المفروض احتفظبها لنفسي وتلعبيبها بهالشكل
والله يابنات زمان كان بنفاس اختي التانيه ناس مهدينها ورود واخدت ورده واحتفظتبها وجففتها بكتاب
والله زعلت لمن شفتها تسوي بالورده اللي مهديتها ياها كده بجد انقهرت ندمت اني عطيتها هي
انا والله ماهمتني انو ورده انا بس اديتها هالورده لانها اختي وابا افرحها بس ماتوقعت هالشي منها
لمن قلتلها اني ندمت اني اديتك لأنك سويتي بها كده وكده قالتلي انتي تكبرتي ومدري شوو
قلتلها تخيلي اهديتيني شي وسويت فيه زي ماسويتي...قالت عادي
قلتلها لانك ماجربتي هالشي
زوجي سافر للمدينه وحب يهدي اهلي وماعرف ايش يجيبلهم
جاب لكل واحد هديه واختي جابلها سبحه شكلها مرا حلوو ولمن سئلنا عنها زمان بمحل لقيناها يمكن بـ 80
هي ماعجبتها قلت مو مشكله مو لازم تعجبها او لا...لكن اليوم جلست تلعبها برجولها...ياهوووو حاطتها برجولها وتلعبها ..زعلت منها قلتلها والله ماتستاهليها قالتلي انتي ايش دخلك زوجك اللي اهداني هي انتي ايش دخلك مو انتي اللي اهديتيني هي لمن انتي تهديني هي ازعلي
قلتلها كيف ما ازعل...
والله يبنات هدايا كتيره جاتها من صحباتها ومخبيتها..وربي عطر ابو عشره جاها من 5 سنين ولمن دحين محتفظه بيه بالدولاب ماتستخدمو وكل الهدايا اللي جاتها
انا زعلانه ليش تسوي كده بهدية زوجي
لمن قلتلها قالتلي انتي شفتي نفسك بعد ماتزوجتي منتي اول ولا اخر وحده تملك
قبل يومين اتخاصمنا
حلمت حلم ومرت فتره قلت احكيلها هو وانا نفسي افضفض ابا اقولو
قلتلها امانه عليكي لاتفسريه قالتلي طيب قولي...بعد ماحكيتلها قامت تفسر على مزاجها اقولها وقفي اشبك
قلتلك لاتفسري ..قالتلي لا بفسر تفسير تاني أحسن..قلتلها لاتفسري انا امنتك وانتي تفسري
عصبت وقالتلي انتي غريبه مرا محد يكلمك اعوذ بالله منك
انقهرت وربي قلتلها قوليلي ايش تكبرت فيه
جلست تذكرلي الاحداث اللي فوق هدي...قلتلها انتي شايفه انو هدا تكبر..!!؟
طيب انتي تعرفي ايش الفرق بين الانسان الحساس زياده والمتكبر قالتلي مدري ومارضيت تسمعني واصرت على كلامها اني متكبره
يابنات انا اعترف اني مرا حساسه
بس هالمواقف لو مرت عليكم انو ايش بتتصرفو لاتقولو طنشي
الطناش ابدا مو حل
اعذروني ع الكلام الملخبط انا جد مضايقه من هالكلمه
والله مني متكبره
انا يمكن سرت حساسه اكتر بعد الزواج والضغط اللي عايشه فيه لكن والله ماعمري اتكبر على ناس انا احبهم
بليز يابنات علموني هل انا معايا حق ولا لا
وكيف اتصرف
بدخل بالموضوع على طول
عزيزاتي انا ملكت لي تقريبا 5 شهور او اكتر او اقل مو فاكره
اخواني لهم فتره يقولو انتي تكبرتي بعد ماتزوجتي ..وربي ما احس اني تغيرت انا زي ماكنت زمان
اعطيكم مثال
من زمان وانا اقول لأخواني كل واحد يسوي شي بالمطبخ شاهي اندومي اي شي يغسل اشيائه وكنت وراهم لو طنشو اروح ورا اخواني ويلا نظف انا مو شغاله عندك ..ممكن تستغربو تصرفي لكن انا ممكن انظف المطبخ بعد كل وجبه غدا وعشا ...لكن ما انظف اللي يسووه اخواني من اكل بصراحه هم لو سوو بس اندومي يطلعو قدر للسلق وطاوه عشان بالنهاية يحطو فيه وكل الملاعق اللي بالدرج ويكبو ويحرقو والله احيانا اكون فاضيه اقوم اسويلهم واسويلي عشان بس لايوسخو بس لمن ما اكون فاضيه اخليهم يسوو وينظفو وراهم وهدا المفروض
دحين بعد الملكه انا متبعه معاهم نظام اول وقالي اخوي الصغير انتي تكبرتي بعد ماتزوجتي
اختي جلست تقولي انتي شخصيتك ضعيفه قدام زوجك وقدامنا تكوني قويه روحي استشيري دكتور نفسي عشان دا الشي
يابنات انا والله شخصيتي مو ضعيفه قدامو لكن لأني احبو وتعرفو كيف تكون وقت الملكه كلها دلع وحب
لمن قلتلها لا انا شخصيتي مو ضعيفه معاه لكن مالو داعي اقوي شخصيتي عليه هو زوجي وماجات مناسبه يشوف شخصيتي فيها كلها كم ساعه يجلس معايا ويروح لبيتو
قالتلي انتي تكبرتي بعد ماتزوجتي...ياهوو قولولي كيف تكبرت
قبل فتره كان يوم ميلادي وجابلي باقة ورد وعطيت لكل أخواني ورده
الورده اللي عطيتها اختي راحت تلعبها وتنفظبها الغبار وتدوسها برجولها وتسويبها حركات جد تقهر
يعني انا معطيتك هالورده المفروض احتفظبها لنفسي وتلعبيبها بهالشكل
والله يابنات زمان كان بنفاس اختي التانيه ناس مهدينها ورود واخدت ورده واحتفظتبها وجففتها بكتاب
والله زعلت لمن شفتها تسوي بالورده اللي مهديتها ياها كده بجد انقهرت ندمت اني عطيتها هي
انا والله ماهمتني انو ورده انا بس اديتها هالورده لانها اختي وابا افرحها بس ماتوقعت هالشي منها
لمن قلتلها اني ندمت اني اديتك لأنك سويتي بها كده وكده قالتلي انتي تكبرتي ومدري شوو
قلتلها تخيلي اهديتيني شي وسويت فيه زي ماسويتي...قالت عادي
قلتلها لانك ماجربتي هالشي
زوجي سافر للمدينه وحب يهدي اهلي وماعرف ايش يجيبلهم
جاب لكل واحد هديه واختي جابلها سبحه شكلها مرا حلوو ولمن سئلنا عنها زمان بمحل لقيناها يمكن بـ 80
هي ماعجبتها قلت مو مشكله مو لازم تعجبها او لا...لكن اليوم جلست تلعبها برجولها...ياهوووو حاطتها برجولها وتلعبها ..زعلت منها قلتلها والله ماتستاهليها قالتلي انتي ايش دخلك زوجك اللي اهداني هي انتي ايش دخلك مو انتي اللي اهديتيني هي لمن انتي تهديني هي ازعلي
قلتلها كيف ما ازعل...
والله يبنات هدايا كتيره جاتها من صحباتها ومخبيتها..وربي عطر ابو عشره جاها من 5 سنين ولمن دحين محتفظه بيه بالدولاب ماتستخدمو وكل الهدايا اللي جاتها
انا زعلانه ليش تسوي كده بهدية زوجي
لمن قلتلها قالتلي انتي شفتي نفسك بعد ماتزوجتي منتي اول ولا اخر وحده تملك
قبل يومين اتخاصمنا
حلمت حلم ومرت فتره قلت احكيلها هو وانا نفسي افضفض ابا اقولو
قلتلها امانه عليكي لاتفسريه قالتلي طيب قولي...بعد ماحكيتلها قامت تفسر على مزاجها اقولها وقفي اشبك
قلتلك لاتفسري ..قالتلي لا بفسر تفسير تاني أحسن..قلتلها لاتفسري انا امنتك وانتي تفسري
عصبت وقالتلي انتي غريبه مرا محد يكلمك اعوذ بالله منك
انقهرت وربي قلتلها قوليلي ايش تكبرت فيه
جلست تذكرلي الاحداث اللي فوق هدي...قلتلها انتي شايفه انو هدا تكبر..!!؟
طيب انتي تعرفي ايش الفرق بين الانسان الحساس زياده والمتكبر قالتلي مدري ومارضيت تسمعني واصرت على كلامها اني متكبره
يابنات انا اعترف اني مرا حساسه
بس هالمواقف لو مرت عليكم انو ايش بتتصرفو لاتقولو طنشي
الطناش ابدا مو حل
اعذروني ع الكلام الملخبط انا جد مضايقه من هالكلمه
والله مني متكبره
انا يمكن سرت حساسه اكتر بعد الزواج والضغط اللي عايشه فيه لكن والله ماعمري اتكبر على ناس انا احبهم
بليز يابنات علموني هل انا معايا حق ولا لا
وكيف اتصرف