ملف خاص بجميع احتياجات عروس الرياض (متجدد)

بسم الله الرحمن الرحيم

السلام عليكم ورحمة الله وبركاته

اعجبني موضوع هنا بالمنتدى لاحد الاخوات وحبيت اسوي مثله بس بالرياض

واتمنى من الاخوات من مدينة الرياض يساعدوني في هالموضوع وبس .

راح ابداء بمراكز التجميل .

مركز ايان طريق الملك فهد بعد سوق الخضار . ت:012725555

اسعار الليزر عندهم للجسم كامل يتراوح مابين 2000_2500
وافضل دكتوره عندهم الدكتوره جهان . وافضل ممرضه هيا و جهان بعد
وماعندهم ذاتي .

مركز مساعد الزلال طريق الملك عبدالله على ما اعتقد . ت:014533666

اسعار الليزر عندهم للجسم كامل مابين 2500 _3000
وافضل دكتوره على ما اعتقد اسمها اروى وعندهم نظام الذاتي .

بعض اسواق الرياض اللي ممكن العروس تجهز منه من كل شي

المملكه _ الفيصليه _ حياة مول _ بنوراما _ صحاري _ صحاري بلازا _ القرعاوي _ العثيم مول _نجود
رويال مول _ الرياض جاليري _ المارينا مول _ العليا مول _ الاندلس _ سيتي مول _ الرمال سنتر _ سنتربوينت _ ستي ماكس _ امممم هذا اللي ببالي الحين

افضل الاماكن اللي ممكن تشترين منها لمطبخك وعن نفسي راح اجهز مطخبي منه ان شاء الله

ساكو عنده اشياء تجنن بس اسعاره شوي غاليه
ايكيا عندهم بعض الاشياء مو كل شي حلو واسعارهم اشوفها مبالغ فيها
عندك الدانوب لقيت عنده تخفيضات بترامس نفس اللي بساكو وتجنن
ونفس الشي الدانوب عنده طقوم صحون وكاسات تجنن
وعندك السيف والسعر الاخير اسعارهم حلوه

وافضل الصالونات للمكياج والتسريحات عندك

فاشن _ ارابيل _ قطرة ندى _ سواريه مكياجهم مره ناعم وحلو بس تسريحات لا
امممم عندك وحده اسمها شاهده تسوي مكياج واسعارها من 700 وفوق اما العروس غاليه
وعندك وحده اسمها عاليه تسوي مكياج وتسريحه واسعارها غاليه بعد ارقام عاليه وشاهده راح اجيبها قريب
وراح اجيب لكم صالونات حلوه ومجربه قريب ان شاء الله

افضل محلات للورد عندك زهرة الربيع لها 3 فروع بس اللي اعرفه طريق الملك فهد وطريق الملك عبدالله

محلات الفساتين الجاهزه

عندك المتنبي و حياة مول الدور الثاني والمارينا مول الدور الثاني نجود واهو افضل شي بس اسعارهم شبه غاليه
وعندك شارع العليا العام فيه محلات فساتين وفيه مجمع الموسى عن نفسي مو مره حلو
وعندك الفيصليه والمملكه
ووووووو بوتيكات عند فندق الخزامى اسعارهم معقوله والعليا مول وعندك بسمه الجزائري
هذا اللي حظرني الحين واللي تعرف محلات او شي تكتبه وانا راح اظيفه بهالرد عشان اللي
يدخل مايقعد يحوس بالردود .

اممم عندك محلات الذهب

عندك طيبه وعندك الثميري بس لازم تدورين زين لانهم يجيبون احيانا اشياء روعه
وطبعا عندك بعض الاسواق الكبيره فيها محلات بس ياخذون زياده منك لانهم يحسبون اجار المحل
هذا اللي ببالي الحين واذا حظرني شي بكتبه ان شاء الله



ملاحظه : اي شي جديد بكتبه ,راح اكتبه بهالرد لاني ما احب الحوسه بالردود