اللي اسويه صح او غلط ؟؟

twonty;14645192:
تدرين زوجج به شي من زوجي انه اذا ادمن شي يلهى معاه (اذا منزل حلقات مسلسل على الكمبيوتر ينسى العالم اللى حوله لدرجه اناديه ما يرد يقول ما سمعت وانا مندمج)واذا يطالع التلفزيون ومن ذي الامور,انا ما قريت المشاكل اللى مريتي بها من قبل لكن اقول يمكن ريلج متملل من الروتين اللى هو به ويبي يغير فامب لاقي الا انه يطلع المزرعه ويمر اصدقائه خليه على راحته وارجعي وكلميه بالموضوع ولا تعصبين لانه انت حامل وتعبانه ما يسوى عليج.تدرين فيه وحده زوجها يروح الدوام يرجع يوميا يروح للعزبه ويجتمع مع اصدقائه ما يتغدى مع حرمته ولايتعشى لا وعياله بعد صغار و كبار تقول تعودت انه يطبخ في العزبه ويطلع مع ربعه وانا مع عيالي اقوم بواجباتهم ومن سنوات وهم على ذي الحال ,بس بينهم الود والاحترام.
كثير رجاجيل جذي ما يهتمون لعيالهم بس يحنون نبي عيال وبالاخير حنا اللى نستحمل كل شي فاتعودي عادي كثير ازواج جذي .
الهي نفسج بأي شي علشان يخف الضغط عنج او دوري عمل اذا هو راضي واذا تضايقتي كثير اكثري من دعاء المصيبه والاستغفار

محبة الرشاقة;14645715:
قولولي اللي اسويه صح او غلط ؟؟ اني اهمله ومااقعد معاه .. لان يحسسني انه احنا اخر اهتماماته

هالعبارة استغربت منها هو متى بتشوفي عشان تهملي وماتقعدي معاة ما حسب كلامك بجي عشان ينام يعني مافي اي علاقة بينكو هيك مابنفع بالمرة وانتي ايش انتي وابنك حالحياة مستحيلة انا لو منك بجلس معاة بهدوء وبتتفقو على شئ واحد انو لازم يقسم وقت مش كلو اللو هاي اسمها انانية يوم ليكي يوم لنفسو يوم لابنكو هيك حياة اخد وعطاء وتضحية وحب عشان تتقدرو تعيشو بجو من الاستقرار وطمانئنية ربي ير امرك

life is dream;14645942:
اختي الغالية ....مشكلتك هي مشكلة كل البيوت تقريبا ....بس همس في اذنك الزوجة هي اللي تعرف كيف تخلي زوجها خاتم في اصبعها ...وانا لي تجارب وايد مع زوجي اللي كان عنده نفس مشكلتك واكيد كل رجل يختلف عن الثاني بس خير الامور الوسط لا تهتمي فيه اكثر من اللازم .....اهتمي بنفسك اكثر ....


وعلى فكرة الزوج يحب الزوجة المتجددة مو الزوجة الحلوة

حبيبة حبوب;14646079:

ام شهوده

في البداية بعد مو حل انج تنامين لما يوصل
جذي العلاقة بينكم راح تنتهي لانج ما تشوفينه ابد

مثلاً وقت إلي يرجع خلج قاعده مع التلفزيون تابعي اي برنامج
ولما يرجع خلج عادية ولا تعطينه اهتمام تكلم معاج اهلاً وسهلاً ما تكلم طنشي
واذا كلمج خلج مبينة انج مشغولة شوي لا تردين عليه بسرعه
واذا قالج شي قولي له عادي مندمجة حرام يعني آخذ شوية وقت لفنسي
واهم شي خلج لابسة وحاطة شوية ميك اب يعني كاشخه واذا قالج ليش حاطة ميك اب او كاشخه قولي له جذي حق نفسي يعني تشوف معاي احد اكشخ له او طالعه مكان مثلاً علشان اكشخ ؟؟؟ كاشخه حق نفسي بس ...
واذا حسيتي انه جاء بيقعد معاج او شي
قولي له آنه تعبت من القعده وباقوم اريح وخلية ورحي نامي
حسسية انج مهتمة في نفسج علشانج انتي مو علشانه ...
حاولي تطنشينة شوي مثل ما اهو مطنش
وخلج جذي جم يووم وشوفي شنو يصيرر
ولا تضاييقين روحج وايد

ترا اغلب الرجال جذي ما يقعدون في البيت كلا برى

Dior Me;14646095:

حلك في إنك تطلعوا من البيت الكبير وتسكنوا لوحدكم في شقة بعيد عن أهله !! ..

إذا فيه إمكانية عندكم لتنفيذ هذا القرار ..
حاولي تتكلمي مع زوجك وتنقلوا بأسرع وقت..
إنتي أدرى بوضع زوجك المادي .. إذا يقدر وماعنده مشكلة
حتى لو شقة غرفتين وصالة ومطبخ وحمام كفاية عليكم ..
وإذا رفض وهو قادر على هذا الشي .. كلمي أهلك يكلموه
وحتى لو مايقدر وأهلك يقدروا يساعدوكم .. ليش لا !!
زوجك مو حاس ان عنده بيت هو مسؤول عنه
عنده زوجه وطفل والحياة ماشية وماله من هذا الزواج إلا غرفة وبس ..
حاس إن البيت شايلكم وشايل غيركم ..
عشان كذا قاعد يدور شي يلهيه لأنه تعود إن كل شي مشترك في حياته مع أهله ..
خروجكم لبيت مستقل وحياة مستقلة بيحسسه بالمسؤولية أكثر ..
مجرد مايخرج من عمله بيرجع لبيته مشتاق لشعوره بالراحة في بيته الخاص ..
يلبس زي مايبغى .. ياكل متى مايبغى .. ينام في الوقت اللي يناسبه ..
يشوفك براحته وانتي رايحة جاية في بيتك لابسة زي ماتبغي ..
تتحركوا بحرية و تحسوا بمعنى الخصوصية ..
طقت في راسكم تخرجوا آخر الليل مالأحد عندكم شي ..
تخرجوا وترجعوا براحتكم ..
هذي التفاصيل المهمة في حياة الزوجين هي اللي تقربهم من بعض اكثر
و تحسسهم بإن لهم كيان وحياة ملكهم يعيشوها بطريقتهم من غير قيود أو ضوابط مفروضة من العيلة الكبيرة ..

لأنه يفتقد لهذي الخصوصية والحرية .. صار يدور اشياء يلهي نفسه فيها
ولاتلوميه .. يمكن هو متضايق أكثر منك بس مايقول ولا يبين ويمكن عنده أسبابه
ممكن ظروفه المادية ماتسمح له يسكنك برا في المستوى اللي تتمنيه ..
يمكن أهله ضاغطين عليه ومحرصين عليه من قبل مايتزوجك مايتكلم في موضوع الخروج من البيت ..
إذا المشكلة مادية .. جربي تشوفي أهلك لو يقدروا يساعدوكم
حتى لو زوجك رفض قولي له دين علينا وبنسدده لاتشيل هم ..
وإذا المسألة قانون عائلي غير قابل للنقاش .. هنا وقت أهلك وتدخلهم ..
يتكلموا معاه ومع أهله لأن هذا حق من حقوقك
والمفروض مايتسببوا في مشاكل من هذا النوع ويخربوا علاقة زوجين لسه في أول حياتهم بسبب الأنانية ..

كل الحلول اللي بتنقال لك غير هذا الحل ممكن تجيب نتيجة .. بس مؤقتة
لا الزعل بينفع ولا المشاكل ولا روحتك بيت أهلك ..
إنتي كذا زي اللي ينظف جرح ملتهب تنظيف أي كلام من برا ويغطيه وهو من داخله ملوث..
لاالجرح التأم ..ولا الإلتهاب راح ..
وبقي الجرح موجود وكل فترة وفترة يرجع يلتهب والألم مكانه ماتغير ..
عشان يروح الإلتهاب لازم يتنظف الجرح من داخل ..
أوقات يحتاج لفتحه وتحمل ألمه عشان يتنظف من داخل ويلتئم بشكل سليم ..

وانتي لازم تسوي كذا ..
صلحي الأساس عشان تختفي المشاكل الفرعية اللي كل يوم طالعة لك بشكل وحالة ..
ولين يجي اليوم اللي تطلعوا فيه لبيتكم
حاولي تتحمليه شوية .. ولاتطفشيه باللوم والعتاب كل يوم عشان مايمل
فهميه إنك متحملة لأنك متأملة يجي يوم خروجكم لبيتكم الخاص قريب ..
وإن اللي يصير منه متعب كثير ويأثر عليكم تأثير سلبي
ضروري يتصرف بسرعة ويصلح هذا الوضع ..

وربي يعينك ويسهل أمرك إن شاء الله

أشواك ورد;14647829:
مرحبا معاج أشواك عزيزتي , انسي كل كلمه قلتيها , انتي بنفسج عيشتي

نفسج هالحاله ترى الإكتئاب امره هين يي بسرعه ما يصدق خبر , لا

تستسلمين حق هالأمور , المشكله في عدم الثقة الزوج يحب الزوجه الي

واثقه من نفسها , الي تعابير وجها وتعابير لسانها وتعابير

حركاتها ماتدل ابدا على عدم ثقتها وانما العكس , هذي نقطه عيشيس حياتج

استانسي اشغلي نفسج بأي شئ , سوي لج برنامج , اذا مسموح لج تطلعين

في الحديقة المجاوره اذا عندج حوش امشي في الحوش كل يوم نصف

ساعه , مشاهدة البرامج المفيده التفاح الأخضر , ذا دكترز , اوبرا , عندج

ثلاث اشيا ابتكرتهم لج ابتكري انتي الحين اشياء ثانية اهتمامج

بولدج قراءة الكتب التي تعينك على معرفة الإهتمام بالطفل , بالنسبة

لموضوع الجماع انسيه وعيشي حياتج ترى التفكير في هالأشياء غير أنه

تعب وتبعد سبحان الله , لما تجوفينه سمعيه كلام حلو مب لأنه مب عشان

خاطره لأنج انتي مستانسه وتغيرتي , ولا تكونين

صريحه معاه في كل شئ , يعني مثال لا تقولين انا مستانسه , الريال يفهمها

وهي طايره ابتسامتج تكفي , احضنيه من الخلف وقولي له بصوت واطي

احبك , واموت فيك , لما يناظرج فاجئيه بغمزة عين , مره ببوسه وطيريها

له , خليه يلاحقج بفنج مب بإصرارج , خليه لما يطلع

يفكر فيج , خليه يفكر في الحركات الي تسوينها الي تدل على ثقتج بنفسج ,

الله يديم عليكم السعاده , الرجل ما يحب فتح تحقيق وين كنت ليش تأخرت ,

لا اذا تأخر , قولي له وحشتني موت , نومج وهو داخل البيت , ممكن تزيد

الطين بله , انت لما تنامين من حقج تنامين بس ما تنامين عشان تغيضينه ,

عطيه مساحه في الروحه واليه ادعي له , الله

يوديك سالم ويرجعك سالم , الرجل يحب الصوت الرقيق , همس , الدلال

والدلع الريحه الزينة النظافة الشخصية , ادخلي على قسم العلاقات الحميمية

لمعرفة ما يحبه الرجل , بالنسبة لولدج الله يحفظه كم عمره , لازم تعلمينه

الأدب حبيبتي .

آم جود;14649077:

الله يعين خيتو

احس لرجال كلهم نفس الحركات في هالنقطه
خخخخخ
والله مادري ماعندي حلول لاني تعبت من هالنقطه
بس خلي يخصص ليكم وقت انتي ولدش يجلس معاكم
لو نص ساعه على الاقل
بتحسي براحه نفسيه
الله يكون في العون غاليتي