مشكلتى امى وحماتى وارجو الرد بسرعة

السلام عليكم ورحمة الله وبركاتة
المشكلة ان امى وحماتى مش حابين بعض المهم تطور الموضوع بان حماتى شتمت امى فالاول جوزى تعاطف معى وادانى العذر بقطع علاقتى بحماتى وعدم ذهابى بيت اهلة ثم بعد قعديتن مع الموقرة حماتى اتقلب الحال ولازم تروحى هناك انتى دلوقتى بتتبعينى انا مش بتتبعى اهلك وكان وقتها بيستعد للسفر لدولة اخرى وحصلت طبعا خناقة كبيرة منة وهددنى فاخر الخناقة انة هيسبلى البيت لحد ميعاد سفرة لما لاقنى مصرة على موقفى وبعد كدة تراجع عن موقفة وتحجج انة هدد بانة يسيب البيت لان اعصابة تعابنة عشان السفر ودى اول مرة يتغرب المهم انة لما سافر طلب منى افضل على الاقل على اتصال بيهم تليفونيا وفعلا بعد ضغط منة سمعت كلامة وبقيت على اتصال بيهم وطبعا بعد فترة طلب انى اروح لهم وطبعا رفضت بشدة وفهمتة انى بتصل بيهم بس لظروف سفرة ودة حقة عليا فحالة السفر بس غير كدة لا ومن ساعتها وهو متغير معايا واتصالة بيا قليل جداااااااااااا لكن انا حاسة ان موقفى صح ويمكن كمان اقل من الصح لانى باتصل بيهم لان امى كمان ليها حقوق عليا ولازم احافظ على كرامتها مهما حصل ،عايزة اوضحلك ان موقف جوزى اتغير لان حماتى دخلتلة من مدخل انى باعمل كدة عشان ابنى اللى جاى ( لانى حامل فالشهر الثامن )ميعرفش اهل ابوة وتبقى صلتة مقطوعة بيهم وكمان انا متجوزة جديد وعشان كدة طبعا تاثير حماتى على جوزى اقوى من تاثيرى انا عليةبكتييييييير مع انة بيحبنى جدا وانا كمان طبعا بحبة جدا ارجو الرد بسرعة