ابي رأيكم بمشاكلي ***تأجيل العرس *** الروتين الممل

السلام عليكم ورحمة الله وبركاته

ابيكم يا بنات ويا شباب اتساعدوني بهاذي المشكلتين الهامتين الي راح اطرحها عليكم وانه ما اعتبرها مشكله مشكله لكنها خلتني محتاره لدرجه كبيره
المهم
1.المشكله الاولى .

انه صار لي سنتين مخطوبه وطالت مدة خطوبتي وطال فيها قهري ومعاناتي حسيت اني مليت من كل شئ وكل شئ صار روتيني في حياتنا انه وخطيبي حتى طلعاتنا صرت ما احس لها طعم لان حالتي النفسيه حيل تعبانه
كان المفروض زواجي يكون بهاذي الصيفيه لكنه تأجل لظروف قهريه بسبب حالة وفاة جدي ........ والحين الاغلبيه من الاهل معارضين على زواجنا انسويه قريب معترضين لان يدهم في الماي مب مثل النار بسب الوفاة الي راح يمر عليها شهرين
بس
الحمد لله وقفت وقفت رجاله وقويت نفسي انه وخطيبي واعترضنا عليهم كلهم وحجزنا لكل الحجوزات للحفله وقلت لهم الي يبي يجي الحفله حياه الله العين اوسع له من المكان والي ما يبي يجي يضرب راسه بأي طوفه قدامه ادري تماديت معهم بس هاذي حالتي صارت مأساة وهم * هم
لاني مقتنعه ان هالمسأله تهمنا انه وخطيبي بالدرجه الاولى ؟؟؟؟؟؟؟؟؟

طيب هاذي المشكله الاولى هل انه اخطأت بقيامي بهاذي الخطوه مع ان الاغلبيه غير موافقه ولكن القليل منهم ما راح يجي الحفله
ادعولي ان الله يتمم لنا بخير ونرتاح

2. المشكله الثانيه

انه اخذت خطيبي عن حب وكان معاي بالجامعه واحس انه كل طوايفي بهالدنيا كلها ....... لكن
صار لنا سنتين مخطوبين احس ان الاشواق والحب صار بارد وفتر وصارت اغلبية حياتنا روتين يعني احس الملل تسلل في حياتنا يمكن بسبب فترة الخطوبه الطويله ؟؟؟؟؟؟؟؟ او يمكن لاني ما اترك خطيبي ولا يوم الا واشوفه واقعد معاه واكلمه طوال السنتين يمكن ايام قليله جدا فترة الهواش والزعل الي لاعت كبدي منه .......فترة الامتحانات ........فترة يكون هو مشغول حده او مشغوله حدي
بس غير جذي مافي نهد بعض تعودنا على هالشئ يمكن اطول فتره تركنا بعض فيها يومين ونص
يمكن لان العادات والتقاليد العائله تسمح بالسهر والطلعه والقعده ابروحنا وعلى طول

عشان جذي ابيكم اتساعدوني اوجد طريقه نجدد فيها الاشواق والحب فيما بينا
مثلا اقترحت عليه اننا نغيب عن بعض قبل العرس بشهر كأننا مسافرين او بس الويك اند
بس ما اعتقد انه بيقدر يتركني ولا انه راح اقدر اتركه
وبصراحه خايفه عليه يتعود على اشياء ما احبها مثل السهر والطلعه مع ربعه الي قلل روحاته لهم
وخايفه انه يرجع للتدخين بغيابي ؟؟؟؟؟؟؟ و اذا تركته ابروحه بيقعد يحوس بهالقنوات العربيه الي صارت ماسخه في عرضها وبرامجها واغانيها ؟؟؟؟؟؟؟ مادري احس انه ما بيقدر يتحمل طول فترة غيابي ....... وخايفه وخايفه من اشياء واااااايد ...... انه اعتبره مثل ولدي الصغير ومن بداية خطوبتنا خليته يتعود على اشياء كثيره بس خايفه فترة غيابي عنه يرجع لهم ...... حتى انه خايفه على نفسيتي تتعب لاني ما اقدررررررر افارقه ابدا
بس هاذي احسن طريقه لتجديد حياتنا وقتل الروتين والملل وخصوصا انه عرسنا راح يصير في الدوام لان خلصت اجازاته واجازاتي كل مره نأخذ اجازه ويتفركش العرس ؟؟؟؟ حتى اني انحرجت من زملائي وزميلاتي لكل مره أأجل فيها عرسي
ادري اني ثقيله في كلامي سامحوني ضايقتكم
بس ما صدقت افضفض اشويه عن حالي احس روحي مكبوته والحين انفرجت وارتحت وقدرت اجمع افكاري بس ابي مساعدتكم وخبراتكم لي
ان شاء الله القى تجاوب منكم
الله يوفق كل المخطوبات الي تأجل عرسهم والمتزوجات الي يعيشون بنفس حالة الروتين .. يارررررررررررب .......ادعوا لنا يا مسلمات ويا مسلمين واكيد دعائكم مستجاب