علبة شادوهات من اختياري

السلام عليكم و رحمة الله و بركاته

اتمنى ان الكل بخير و صحه وعافيه
وربي يحقق للجميع امانيهم يا رب
ويحفظ امة محمد اجكعين

-=-

فكرة الموضوع مب يديده بس دامني طبقت هالشي حابه اراويكم اياه
اغلب الاوقات وخص يوم بنسوي لوك سريع نحتاج شادوهات معينه مع بعض
انا عندي بيجمنتس ماك روعه لكن اذا محتاجه لهم لطلعه صعب اشل ويايه كم لون
ف تذكرت ان عندي علبه مكياجي ما استخدمها ابد ( عطوني اياها هديه على مشتروات لي )
ف قلت دامني مجربه احول البيجمنتس لشادوهات من قبل ليش ما اعبي الباليت بالواني المفضله

===================
الأدوات:
1-علبة شادو فاضيه



2-كحول ( تلقونه في الصيدليه )



3-اي كوب ضغير او اي شي ثاني للخلط
4-ملعقه ضغيره



5-بيجمنتس ( شادو حر )



==

الخطوات سهله و بنكررها مع كل لون
ناخذ مقدار ملعقه او ملعقه ونص ( ملعقة شاي ) و نبدى نقطر فيها الكحول
ملاحظه: المحلول نحطه قطره قطره لان ما بنحتاج وايد منه لازم الخليط يكون متماسك مب سائل










ونحطه في الباليت اول لون سويته بدون تصوير



ولا تهتمون لشكل الشادو بخبركم ليش



ونكرر العمليه لكل الالوان

شكل الباليت عقب صف كل الالوان الحين لو لاحظتي ان بعض الشادو شكله مش مرتب او مش متناسق عادي - اضربي بخفه الباليت على طاوله مرتين بيترتب الشكل عندج





====

بعد ما خلصت هذا شكلهم



وثاني يوم بعد ما جف الكحول





==

الحين نييب اي قطعه صغيره من القطن و ريال



نلف الدرهم بالقطعه



ونضغط على الشادو



الشكل النهائي



=-=

الحين عندي علبة شادو يديد من اختياري

-----------------------------------------------

اذا لاحظتوا ان شي لونين تغيروا في العلبه و هم



ليش؟ لانهم مات ( بدون لمعه ) بعد ما جف عنهم الكحول تكسروا !! ف قلت بخبركم ان تجربتي ويا البيجمنتس اللي بدون لمعه فشلت اما باقي البيجمنتس كلهم فيهم شيمر ( لمعه ) ف مشى الحال وياهم