حاسه روحي مخنوقه

مشكلتي مثل ما ذكرت قبل اني متزوجه من سنتين وما عندي اولاد والعيب من زوجي, وانا عايشه في بيت اهل زوجي ومعاملتهم ليي سيئه ويضايقوني كل ما يشوفوني واني ما اقعد معاهم بس اذا بروح شقتي امر عليهم وهم يتعمدون يفتحون باب الصاله واذا شافوني طايفه يغزرون فيي وويبوزون وحتى يقطون عليي كلام جارج مثل كلمه ياحمارة او يقولون ليي ويع واني اسكت عنهم وامشي ومرة رديت عليهم واخبر زوجي ويحقرني ويحسسني اني الغلطانه ولانه اهله يجدبون ويشوشونه عليي ومرة كنت راكبه شقتي وقالت ليي حماتي ويع رديت علها ومثل اسلوبها بالعكس قلت ليها ليش الغلط وجت ليي هي وخواتها وامها اللهي ام زوجي بعد وظلوا يصارخون ويقولون ليي وايد حشي وحده من خوات زوجي قالت ليي اطلع من حياة اخوها واني لصقه فيه وحرام يضيع عمر اخوها ويايي واتصلت الى اهلي وجوا ليي ويوم ثاني اشتكوا علينا في المخفر دخلنا بدون اذن وابويي بالرغم من الي سووه فيي سلم على ابوا زوجي واستاذن ودخل بكلم احترام واخذني وطلعت وياهم وبعدها زوجي جا ليي بيت اهلي معاه شيخ دين عشان يرجعني الشقه وانا رجعت واهل زوجي ما بذر منهم اي اعتذا على اللي سووه فيي وردوا على عادتهم وكلامهم كل ما يشوفوني واني بعد ما رجعت الشقه ما شفت تغير ورجعت بيت اهلي وقلت الى زوجي خلاص طلقني وبعدها بكم يوم اتصلت الى زوجي قلت اليه برجع اليه واني غلطانه وحقه عليي لكنه قال ليي ما برجعني اول بيادبني وظليت ثلاث شهور في بيت اهلي وكل مرة اتصل اليه يجرحني ابكلامه ويقول ليي يبي ينتقم مني واني جرحته لما طلعت ورجعت الى زوجي بعد ثلاث شهور ونفسيتي تعبانه وكنت على طول اصيح واهله بعد على عهدهم ومعاملتهم الخبيثه ليي وبعد اربع شهور زوجي قرر يسافر يدرس دين في العراق وخبرني بسافر وراه بعد شهر او شهرين واني في بيت اهلي بعدها يقول ما حصل مكان لانه بنسكن في بيت وهو يدور بيت ويقول ليي اذا ما حصل اباضل في بيت اهلي لين ما يرجع وطبعا بيرجع ثلاثة شهور وبيرجع يسافر , وبعد هذا كله صارت مكرمه ملكيه كل اسرة يعطونها الف دينار وصار كل ما اكلم زوجي عنها يقول لي مع السلامه ويبند التلفون ويقول لي لا اساله عن الالف وصرت اتصل اليه ولا يرد على التلفون الا بعد كم اتصال واذا اساله او بس اجيب طاري الالف يبند التلفون في ويهي واني عصبت وطرشت اليه مسجات اقول اليه فيهم هو ظالمني وما يحق اليه يهجرني خمس شهور لان شرعا ما يصير واني ما اسامحه ولا ابري اليه ذمه وهو ما رد عليي ولا اتصل الى اربعة ايام ويوم رابع اتصلت اليه وهو مارد عليي وطرشت اليه مسج اخبره اني فاتحه المسن بعد ما فتح المسن ولا رد عليي , واللحين بغيت اعرف شلون اتصرف وهو ما يبي يسمع مني شيء احاول اتصل اليه لو اخليه لين ما يتصل واطنشه ويمكن بعد ما يتصل ليي شنو اسوي اذا ما اتصل ليي بعد فترة طويله , ومسامحه على الاطاله .