تجهيزاتي

فاطِم;14625097:

سلاما عليكم .. F:

حبيت اخلي لي توبك استفسر فيه
وترتبون معاي وتقولون لي رأيكم

ببدي اسئلتي
وان شاء الله ما تخيبوني يا اهل البحرين

في المواساه وش يلبسون ؟

عادتـاً يلبسون شي بسيط وسمبل
تقدرين تلبسين مثلا تنورة وبلوزة
او جلابية زاهية وحليوة اذا جسمج حلو عليه الجلابية
او سكني جينز وتوب طويل

ووين اروح اشتري تنصحوني
شنو اسوي في هاليوم ؟ :o

مافي مكـان معين تشترين منه
المحل الي اتحصلين فية شي حلو وناسبج اشتري منه
بالنسبة شنو اتسوين في ها اليوم
ريحي روحج اول شي وابتعدي عن كل شي اسبب لج ضغط او اوتر اعصابج
نامي من وقت قبل ابيوم عشـان تقعدين امصحصة وويهج امنور
واهم شي خلج قد ما تقدرين طبيعية وسمبل قدام النـاس الي بيون اجوفونج
ولا اتكثرين مكياج في ويهج حطي شي هادء
يعني بوردة وكحل وقلوس وبلاشر على خفيف

+
انا حاليا افكر في تاريخ العقد
وترتيب الايام ..
الخميس عقد
الجمعه حنه
السبت حفلة

وساعات افكر اخلي العقد والحنه في يوم
يعني اعقد الصبح واتحنى الليل
.
.
عندي دوام وما اقدر الا في ويك اند ^o)

اذا بتسوين ثلاث ليالي ورى بعض بتتعبين وااايد فا الاحسـن
مثل ما قلتين اتخلين الخميس العقد والحنه
يعني سوي العقد الصبح وفي الليل اتحني ومنه حفلة حنه وملجة في نفس الوقت
وخلي الجمعة راحة
والسبت الحفلة

موفقة اختي

اريج حبيبتي شكرا على الرد
الحمد لله تم كل شي على خير :adore:

نظرا للظروف الراهنه
راح اسوي حنه
وعقبها حفله ملجة وخطوبة نفس الوقت
راح البس فستان خطوبة على طول ..

والله كريم ..

شرايكم ؟ :clock:

ألف ألف مبروووك حبيبتي والله يهنيج ويتمم لج على خيير

في المواساه وش يلبسون ؟
ووين اروح اشتري تنصحوني
شنو اسوي في هاليوم ؟ :o
+
انا حاليا افكر في تاريخ العقد
وترتيب الايام ..
الخميس عقد
الجمعه حنه
السبت حفلة

وساعات افكر اخلي العقد والحنه في يوم
يعني اعقد الصبح واتحنى الليل
.

بالنسبة للبس عن نفسي لبست تنورة وبلوزة ومعاها جاكيت صغيرون..
واهم شي يكون شي بسيط مب مبالغ فيه .. ولو فكرتي في فستان بعد يكون ناعم ومب فاضح لانها مناسبة بسيطة
او اذا حابة ميني جلابية ..

بالنسبة لشتسوين .. ما تسوين شي =P
تكونين منخشة وقت الي يحضرون وبعدها بنادون عليج عشان تسلمين وتقعدين..
والرجال بيتفقون ع المهر وغيره وبخبرونكم وبصير التصفق بعدين ^^


بالنسبة لـ 3 ليالي ما انصح خصوصا انهم ورا بعض
بالنسبة للايام افضل الاربعاء والخميس
خصوصا انج تجوفين ان كل جمعة يكون في شي .. فتجنبا لحدوث اي طارئ
والاربعاء اذا تحنيتي من 8 مثلا ما راح تتأخرين ان شاء الله
يعني اذا حابة تداومين .. او تاخذين اجازة يوم واحد