بكل امانه والله العظيم هذه تجربتي من زيت الخروع والثوم والفلفل ونوى التمر

السلام عليكم كيفكم ياعرايس يارب تكونوا بأحسن حال بصراحه انا مو النوع اللي اكتب تجارب دائما او لي مواضيع في المنتدى الأكثر من رائع لأني بصراحه كل تجاربي من المنتدى نفسه فما يصير ارجع اكتب نفس الموضوع:p بس والله للأمانه حكتب تجربتي من الزيوت هذه اللي برضه مااخذتها من المنتدى وحقول عن النتايج بكل امانه شوفوا انا من فترة بسيطه ممكن 3 شهور صرت استخدم خلطة الزيوت هذه وهي كالتالي زيت خروع اضفت عليه حلبه وخليته 10 ايام هذا في علبه لحالها وجبت في علبه ثانيه برضه زيت خروع وكيشور وفلفل حارونوى التمر المحروق خليتهم منقعوين 6 ايام وعشان الفلفل مايعفن دخلت الخلطه في الثلاجه وخليتها اسبوع وبعدين صفيت الزيت من الفلفل جبت العلبتين حق الخروع مع الفلفل والخروع مع الحلبه وخلطتهم مع بعض واخذت راس ثوم وقطعته حلقات وحمست الثوم مع الزيت زي التقليه حق الملوخيه:worn_out: وبعدين صفيت الثوم ورميته ورجعت الزيت في علبه وحده يعني العلبه حق الزيت صارت خليط من فلفل وحلبه ونوى التمر وثوم :struggle: وبعد كذا حطيت حبتين فرنفل عشان الريحه اكيد عارفينه وصرت استخدم الزيت والله العظيم انه شعري بدأينبت وانا الاحظ وقت مااستشور وعمري ماشفت كذا من اي خلطه استخدمتها قولوا ماشاء الله تبارك الرحمن وان شاء الله راح اكمل انا استخدمها مرتين في الأسبوع واخليه 3 ساعات واغطي شعري وترى بعد ماتغسلي شعرك ابدا مافي ريحه هذه تجربتي بكل امانه ماحقول قيموني بس حقول لاتنسوني من صالح دعائكم:)