الغسالات في مصر ... ساعدوني يا مصريات

السلام عليكمم ورحمة الله وبركاته
اعذروني لاني بنشر استفساري في ركن تجهيزات العروس بس ماعرفتش اكتبه فين
وقلت اكيد القسم هنا فيه خبره عند البنات في انواع الاجهزة
غسالتي باظت وصلحناها كذا مرة وبتبوظ تاني ... ماركتها فيلبس وكل ما حد يشوفها من عمال الصيانة يقول دي ممتازة ما تفرطوش فيها ... بس المشكلة انها مش جديدة كانت مركونة كتير في الشقة قبل ما نتجوز يمكن باظت من الركنة وانا زهقت تصليح فيها وعايزة اجيب غسالة جديدة

شوفت امبارح ماركة LG عند رضوان العجيل الديجيتال18 برنامج 8 كيلو الباب بيفتح فيها على الاخر 180 درجة وحلتها كبيرة وب 3450 جنيه
بس انا ماعرفش الماركة دي كويسة ولا لأ
سامسونج عندهم ال 4 كيلو ب 2500 تقريبا او 2 750 مش فاكرة
انا كنت مجربة قبل ما اتجوز ماركة ايديال زانوسي كانت ماشية كويس
عايزة تجاربكم مع الغسالات في مصر ارجوكم علشان الغسيل متلتل في الحمام ومش عارفة اشغل الغسالة ... هي بتشتغل اه بس بتطلع كهربا وبتنقط مية من وراها وانا خايفة الكهربا تمد للمية في الارض طبعا واموت وانا بنشفها و تنزلوا نعي في القسم بفقدان الاخت بيبي بيبي هيهيهيه بعد الشر عليا