تزعلني من جـديد وغلاها كـل يوم يزيـد " أمـي"

سـلام عليكم

آسفه بزعجكم وياي شوي بس صدقوني لو ماشفت وضعي يحتاج لنصائح منكم كان ماحطيت هذا الموضوع وعلى فكره انا مسجله هنا بعضويه ثانيه واحب اساعد الكل فحل مشكلاتهم ,, ماني بانانيه بس لموضوعي اشتركت .. بس عضويتي الاولى يعرفها كثير وماحب مشكلتي احد يعرفها عشان كذا اكتب لكم باسم غير

(( الي حاب يقرا مشكلتي بالموضوع الاولي حتى يفهم اكثر ))

http://forums.3roos.com/showthread.php?t=555766

مابطول

كتبت من قبل مشكلتي مع امي

ماقول الوضع للحين متأزم بس عرفت اصلح شوي اخطاء ..

اذا تكلمت لي ما ارد لان اذا رديت راح تعصب اكثر

بس الي زاد الطين بله دائماً تستغرب من هدوئي حتى لما تقول اني سويت شي غلط وتعرف اني ماسويته تستغرب من هدوئي واني ما ادافع عن نفسي

كل هذا ولد عندها مشكله جـديده

بدل لا احل المشكله زدت عليها مشكله زايده :(

صارت ماتوثق فيني

تقول انتي اكيد ف اشياء تسليج ف النت وطريق الخطأ والحرام

( الله يبعد الكل ويبعدني )

واني وربي شاهد على كلامي

مشتركه منتدديات اتعلم اللغه الانجليزية او اني ابحث بطبخات واحب ابدع فيهم

واحيان اسولف مع اصدقائي في المسنجر وربي شاهد ان مافي شاب يقدر يقنعني اكلمه والحمد لله دام اني على هالطريق مرتاحه وعلى كل مشاكلي هذا يهون علي

اني بنت بعمر 18 وجم شهر ادرس بالجامعهـ ..

مايحتاج اقول شالمشاكل والشك الي توجه لي بما اني طالبه جامعيه

غير الشك انها وايد تجرحني تجرحني جرح ماقدر انساه ابد خصوصاً اني حساسه وباي مشكله افكر فيها

بنات تخيلو مرة من المرات كنت لابسه عبايه احد يصير لي وقلت لها ترى هذي مو مالتي بدلت معاها بالغلط

الا تقولي اجوف ريحتها حلوة اثاريها مو لج
:confused:
:confused:
:'(

مقوله هالكلام ينقال ؟؟؟!!!!!

وعلى فكره لاتفكرون ان ريحه دفيفي مو حلوة لكن هي غرضها دايم تحبطني وبس

وما ترتاح اذا تشوفني افرح حتى اذا اقول اي فكره اي شي صح ماتحاول تفتخر فيني

اني مافكر ان بيوم راح اطلع من البيت وافتك لان هذا بنظري مو حل

اني الحل الوحيد اني اشوفها تفتخر فيني وقدامي

انا متاكده انها تفتخر فيني بس ليش ماتبي توضح لي انا بنتها الوحيده بس المعامله ليش

انا ماتمنى اكون مثل كل بنت صديقه امها ؟؟

او اذا رجعت من الجامعه اقول لها المواقف الي تصدقيني من حلوة ومحرجه ؟؟

والي يخنقني اني ماحب اتكلم لأي احد بالي تسويه امي معاي

ماحب اخليها تنزل في عيونهم او انزل مقامها تراها امي ولدتني وربتني احبها موت ومهما تسوي فيني اضل ابوس التراب الي تمشي عليه

انا مو طماعه ابي بس اعيش مرتاحه

تدرون بنات شنو اتمناه .. اقعد من النوم الصبح قلبي مايدق

اقعد احس حتى الي يمي يسمع دقات قلبي من الخوف ياترى اليوم شبيصير شنو بتقول شنو بتسوي واذا رجعت نهايه اليوم بنام احاتي اليوم الي بعده

حتى وانا نايمة المنبه مال النوم لما يرن احس بخووووف ما احس بإماان معقوله كل هذايصير ببلد امان وفي بيت امان وبغرفه آمنه

اول مايصير كل هذا اذكر الله ارفع يدي واقول ربي ماغيرك يعرف كل الي بقلبي كل شي تشوفه صح لي ان شاء الله يصير .. ويارب انك تهدي امي علي

الحمد لله هذا يساعدني اقوم واكمل يومي بشكل طبيعي اروح الجامعه واضحك مع البنات وافرفش معاهم انسى الدنيا ودايم يقوولون لي قعدتج ماتنمل

والي جرحني ان وحده منهم قالت يابخت امج فيج

مع انه كلام مدح صح ؟؟ الا اني حسيت اني بللللعت شي كبببببير وواقف ببلعومي مو راضي يروح غصيت وقلت اي وانا يابختي بأمي

( اانا تكلمت بشكل سطحي ماحبيت اوضح المشاكل اكثر بس انتو اكيد فاهميني )

مادري شلون اتصرف شلون اتفاهم معاها

وعلى فكره قبل لا انسى . بما ان عمري مؤهل لزواج بنات وايد يكلموني يقولون عطيني رقم امج واحنا بنكلمها اقولهم لالا مافكر حالياً ويسالوني كالعاده ليش اقولهم مافكر يقولون طيب نقول لامج اول اقولهم امي ماعندها مانع بس انا مافكر

وتدرون ليش اجاوب جذي لانها تشك فيني .. لان اول مرة صادني هالموقف عطيتهم فعلاً رقم امي واتهمتني باني احبه وسويت هالخطه عشان يجيني ومحد يعرف وانا عشان اقطع الشك باليقين رفضته حتى لا تشك فيني

اكتفي بكذا ..
واتمنى كل من يمر على موضوعي ينصحني ويهون علي الي انا فيه

الله لايحرمني منكم يارب

الله كريـم الحمد لله على كل حال :)