زوجى ونجمى المفضل

كيفكم يا عروسات منتدنا الجميل
اليوم انا حابه اكلمكم شوى عن شىء اساسى فى علاقتى مع زوجى ومش عارفه اذا كان فى حد تانى مثلنا ولا لأ تعالو نشوف
نجمى المفضل هو النجم الهندى شاروخان مللك الافلام الهنديه وملك الرومانسيه والسبب الرئيسى فى خلافات كتير بينى وبين زوجى هههههههههههههههه
عارفين ليه لانه بيغيير منه عليى كنت الاول مش مصدقه بس بعد كده اتاكدت انه فعلا بيغيير بس مش منه اللى فهمته انه بيغيير من اهتمامى انا بافلامه وحواراته واخباره اللى بتابعها فى كل مكان وبالرغم من انى مش مقصرة مع زوجى فى شى وانى بهتم بيه على اكمل وجهه ومش ناقصه حاجه من الاهتمام الا ان الراجل راجل برضو ومش بيسمح لاى شى تانى ياخد مراته منه حتى لو كان فيلم او ممثل بس انا بالتدريج قدرت اخلى زوجى يفهم ويعرف ان لولا ان بتفرج على نجمى والرومانسيه الى بيقدمها لما كنت اعطيه كم الرومانسيه الى بداخلى
وانى لما بكون زعلانه او متضايقه بيكون ششاروخان هو الى بيخفف عنى ههههههههه
اه والله مش عارفه دى مبالغه ولا جنون بس هو ده الى بيحصل لدرجه ان لما زوجى بيزعلنى وعايز يصالحنى بيجبلى فيلم لشاروخ يصالحنى بيه
على كل حال انا بحس ان تعلق الواحده بممثل او مطرب مش شىء سيى قوى فى حين انه بيدفعها الى الرومانسيه مع زوجها ممكن اكون غلط او صح واكيد فى من يوافقنى الراى وفى من يعارضى
ياريت اعرف رايكم ولو فى تجارب تقولها لينا
اشكركم