طّيب للخلّه

لكل عروس اولا وبعدين لكل المتزوجات ............

بعطيكم طريقة جدتي ( الله يحفظها ) لكيفية عمل طيب ( عطر ) لغرفة النوم وانشاء الله تعجبكم

تجيبين اوراق المشموم وتحطينها في مله ( صحن ) وتحطين عليه

العطورات التالية ( جاوي - ريفدور - بنت الامارات -مسك )

وتخلطينهم مع المشموم كأنج تعجنين لين يذبل المشموم ويصير لونه اقرب للسواد بعدين تحطينه في علب مفتوحه تحت السرير و على الطاوله الي مجابله المكيف واتبخرين الغرفه .

وصدقيني ريلج الي بيدعيلي على الريحه الحلوه :up:

ملاحظه :
1- اذا ما حصلتي العطورات المكتوبه حطي اي عطورات مخلطه عندج
المهم المشموم والجاوي .
2- البسي قفاز نايلون وانتي تعجنين ثرى بتصير اصابعج سوده .