السلام عليكم ورحمة الله وبركاته
اختى مشكلتي انى انخطبت من واحد مدخن واهلى ما يدرون عنه
امه قالت لامي انه كــــــــــــــان يدخن ..
امي في بالها انو ( عفا الله عما سلف )
وشافت ان ابوى تقبل العائله وهم ناس محترمين واسرته والله ظليمتهم شينه امه انسانه مؤدبه ولا رضت بولدها كنه متأثر باصحابه وتوه صغير وهم على قولتهم الله يهديه
المهم خبر انه كان مدخن مايعلم به الا أمي
انا جانى ابوى وقالى قدم لك فلان الفلانى وهو من عائله طيبه واحنا شارين عائله منسب زين والشاب قابلته وجلست معه رجل محترم وخلوق وقلبه طيب أستخيري قلت ان شاء الله
واللى تشوفه خير لى انا معك فيه
انا اثق في ابوى واختياره وانا بنته الكبيرة وعنده تحفظ على هذى الاشياء طبعا ابوى ملتزم واعمامى كذلك وعائلتنا ما تقبل مثل هذى المساوئ (الدخان )
انا مادريت الابعد ما تملكت وكلمته بعد مادريت انصدمت وشلون انا بنت فلان الفلانى اتزوج واحد مثل كذا بصراااحة ماتقبلت جا في بالي انى اقول لابوى قلت بيضيق صدره ويمكن يطلقنى منه ويتنكد خاصه انى صرفت من المهر كثر والله كل همى ابوى مبى اصدمه
المهم من خلال مكالماتى له وتعرين كان بس يدارينى وكل شئ يقول لى قال لى انه رجع للدخان انا انهبلت وضاق صدرى ولا كلمته ثمن كلمنى وانا جلست ابكى في السماعه
قال الحين رميته ولا عاد ارجع له لعيونك و...و... و......
المهم كلمنا فترة خطوبتنا على اساس انه تركه ظلت فترة الخطوبه الى الزواج شهرين
من خلا مكالماتى له قال لى عن راتبه طبعا قليل وقال انى باداوم خارج دوام عشان ازيد الدخل وان شاء الله راح يكفى وفهمت انه شايل هم من انى اكون متضايقه
طمنته لانى خايفه انه يرجع يدخن ثمن اسكت عشان ابوى وانا اللى اعيش عمرى تعيسه لانى ما اتقبل الموضوع ولانه حرام هذا الشئ يسويه
جاطارى القنوات الفضائيه مرة من المرات اللى كنت اكلمه فيها واحنا الحمد لله ما عندنا قنوات فضائيه من يوم كنا صغار اصلا ما عندنا تلفزيون ثمن يم طلعت قنة المجد ابوى جابها لنا بس
وانا دارسه بكالوريوس دعوة .
وهو شهادته ثانويه عامه وتوظف بها على بند مو وظيفة رسميه يبي له كم سنه يثبت وجوده ثمن يترسم
المهم على طارى القنوات قلت انا ما ارضى ان بيتى يكون فيه مثل هالقنوات قال طيب ابي اشوف المباراة قلت حط المباراة وشفر القنوات الثانيه انا ابى عيالي يتربون مثل ما تربيت انا ..
قال ان شاء الله ..
جا وقت الزواج واكذب عليك ان قلت لك انى مبسوطة هذيك الليله خايفه من كل شئ حاسه انى بانصدم او كذا مع انى واثقة فيه معطينه الثقه التامه بس من داخلى خايف ومشككه المهم وحنا في شهر العسل مسافرين اكتشفت انه يدخن اشم ريحته ولا حظت انه يتاخر بعد الصلاة يعنى مسافرين وفي بلد غريب واذا كنا بنطلع نتمشى على مابال ابدل ملابسى على طول ينزل قبلى وانا ماكرت انه ينزل عشان كذا على نياتي وي الليل اذا رجعنا يروح يقول باجلس على النت شوى في المقهى وانا على نياتي.
يوم رحنا لشاليه وطول الوقت جالس معاى وتعرين الشاليه فيه مكان مكشوف وفيه مسبح قال باطلع شوى برى الشاليه قلت لا لا تخلينى لحالى قال شوى واجى عند الباب المهم انى اصريت عليه بطريقه لبقة وجلس ثمن طلع ترى عند المسبح وجلس على كرسي مقابل البحر وقال لا تجين انا شوي ورحت بحكم ان مافيه الا انا وهو ولقيته يدخن ...
جلست اصيح ويوم نام في الليل اتصلت على امى وقلت لها
قامت امي تدعى لى .. وتقول لى انصحيه وزي كذا
على طول رجعنا من شهر العسل وبدت على اعراض الحمل
ترك زوجي الدخان وقاطع زملاءه وكل اراح لهم بين فترة وفترة يقول ودي ادخن
ولدت وجبت ولد ولين الحين وانا خايفه
نفسيتى يوم انى حامل تعبااانه وخايفه ومايمدينى اروح عند احد شوى بس اطل اوريهم وجهى واطلع كله عشانه وعشان ما يجلس فاضي ويتذكر الدخان الحين ولدى عمره ثمانيه اشهر يعنى مر على زواجنا سنه وزيادة والحين رجع لأصدقاءه واذا جا من عندهم ريحته شيشه واقول له ريحتك دخان يقول والله مادخنت هو يحلف انه مادخن لكنه يشيش حاولت اكرهه مافاد
صرت اقول له لا تنام وريحتك كذا مرتين او ثلاث مرات غير ثمن صار ما يهتم الحين لو بأقول لاهلى ابوى بيتضايق واكيد مو مخليني استمر معاه .....
اطلع من البيت واهدده اقول يا أنا يالشيشه والدخان أختار
وهذا اللى افكر فيه تكفون انا في حيرة من امرى وش رايكم
ابي حل لمشكلتى ؟؟؟
اختى مشكلتي انى انخطبت من واحد مدخن واهلى ما يدرون عنه
امه قالت لامي انه كــــــــــــــان يدخن ..
امي في بالها انو ( عفا الله عما سلف )
وشافت ان ابوى تقبل العائله وهم ناس محترمين واسرته والله ظليمتهم شينه امه انسانه مؤدبه ولا رضت بولدها كنه متأثر باصحابه وتوه صغير وهم على قولتهم الله يهديه
المهم خبر انه كان مدخن مايعلم به الا أمي
انا جانى ابوى وقالى قدم لك فلان الفلانى وهو من عائله طيبه واحنا شارين عائله منسب زين والشاب قابلته وجلست معه رجل محترم وخلوق وقلبه طيب أستخيري قلت ان شاء الله
واللى تشوفه خير لى انا معك فيه
انا اثق في ابوى واختياره وانا بنته الكبيرة وعنده تحفظ على هذى الاشياء طبعا ابوى ملتزم واعمامى كذلك وعائلتنا ما تقبل مثل هذى المساوئ (الدخان )
انا مادريت الابعد ما تملكت وكلمته بعد مادريت انصدمت وشلون انا بنت فلان الفلانى اتزوج واحد مثل كذا بصراااحة ماتقبلت جا في بالي انى اقول لابوى قلت بيضيق صدره ويمكن يطلقنى منه ويتنكد خاصه انى صرفت من المهر كثر والله كل همى ابوى مبى اصدمه
المهم من خلال مكالماتى له وتعرين كان بس يدارينى وكل شئ يقول لى قال لى انه رجع للدخان انا انهبلت وضاق صدرى ولا كلمته ثمن كلمنى وانا جلست ابكى في السماعه
قال الحين رميته ولا عاد ارجع له لعيونك و...و... و......
المهم كلمنا فترة خطوبتنا على اساس انه تركه ظلت فترة الخطوبه الى الزواج شهرين
من خلا مكالماتى له قال لى عن راتبه طبعا قليل وقال انى باداوم خارج دوام عشان ازيد الدخل وان شاء الله راح يكفى وفهمت انه شايل هم من انى اكون متضايقه
طمنته لانى خايفه انه يرجع يدخن ثمن اسكت عشان ابوى وانا اللى اعيش عمرى تعيسه لانى ما اتقبل الموضوع ولانه حرام هذا الشئ يسويه
جاطارى القنوات الفضائيه مرة من المرات اللى كنت اكلمه فيها واحنا الحمد لله ما عندنا قنوات فضائيه من يوم كنا صغار اصلا ما عندنا تلفزيون ثمن يم طلعت قنة المجد ابوى جابها لنا بس
وانا دارسه بكالوريوس دعوة .
وهو شهادته ثانويه عامه وتوظف بها على بند مو وظيفة رسميه يبي له كم سنه يثبت وجوده ثمن يترسم
المهم على طارى القنوات قلت انا ما ارضى ان بيتى يكون فيه مثل هالقنوات قال طيب ابي اشوف المباراة قلت حط المباراة وشفر القنوات الثانيه انا ابى عيالي يتربون مثل ما تربيت انا ..
قال ان شاء الله ..
جا وقت الزواج واكذب عليك ان قلت لك انى مبسوطة هذيك الليله خايفه من كل شئ حاسه انى بانصدم او كذا مع انى واثقة فيه معطينه الثقه التامه بس من داخلى خايف ومشككه المهم وحنا في شهر العسل مسافرين اكتشفت انه يدخن اشم ريحته ولا حظت انه يتاخر بعد الصلاة يعنى مسافرين وفي بلد غريب واذا كنا بنطلع نتمشى على مابال ابدل ملابسى على طول ينزل قبلى وانا ماكرت انه ينزل عشان كذا على نياتي وي الليل اذا رجعنا يروح يقول باجلس على النت شوى في المقهى وانا على نياتي.
يوم رحنا لشاليه وطول الوقت جالس معاى وتعرين الشاليه فيه مكان مكشوف وفيه مسبح قال باطلع شوى برى الشاليه قلت لا لا تخلينى لحالى قال شوى واجى عند الباب المهم انى اصريت عليه بطريقه لبقة وجلس ثمن طلع ترى عند المسبح وجلس على كرسي مقابل البحر وقال لا تجين انا شوي ورحت بحكم ان مافيه الا انا وهو ولقيته يدخن ...
جلست اصيح ويوم نام في الليل اتصلت على امى وقلت لها
قامت امي تدعى لى .. وتقول لى انصحيه وزي كذا
على طول رجعنا من شهر العسل وبدت على اعراض الحمل
ترك زوجي الدخان وقاطع زملاءه وكل اراح لهم بين فترة وفترة يقول ودي ادخن
ولدت وجبت ولد ولين الحين وانا خايفه
نفسيتى يوم انى حامل تعبااانه وخايفه ومايمدينى اروح عند احد شوى بس اطل اوريهم وجهى واطلع كله عشانه وعشان ما يجلس فاضي ويتذكر الدخان الحين ولدى عمره ثمانيه اشهر يعنى مر على زواجنا سنه وزيادة والحين رجع لأصدقاءه واذا جا من عندهم ريحته شيشه واقول له ريحتك دخان يقول والله مادخنت هو يحلف انه مادخن لكنه يشيش حاولت اكرهه مافاد
صرت اقول له لا تنام وريحتك كذا مرتين او ثلاث مرات غير ثمن صار ما يهتم الحين لو بأقول لاهلى ابوى بيتضايق واكيد مو مخليني استمر معاه .....
اطلع من البيت واهدده اقول يا أنا يالشيشه والدخان أختار
وهذا اللى افكر فيه تكفون انا في حيرة من امرى وش رايكم
ابي حل لمشكلتى ؟؟؟