الحريم وسوالفهم ......محور نقاش

السلام عليكم ورحمة الله وبركاته

اخواتي اعضاء المنتدى ارجوا منكم قبل ماابدأ في النقاش انكم ما

تتحاملون على الموضوع واتمنى انكم تنظرون له نظره واقعية.... رحم الله

امرء عرف قدر نفسه وانا في هالموضوع احب انوه ان النقاش هذا ما يعم

على الكل بل بعض الحريم ....ارد واكرر البعض وليس الكل

وانشاالله بيكون للحديث بيقية (بفضل تواصلكم معانا )

ان الريل ملزوم بمصرف الحرمه سواء كانت تشتغل او لا وفي كل الحالات

اذا هو زين وولد اياويد وكرم تراه ما بيقصر على حرمته في اي شي قدر

استطاعته بس الحريم الله يهديهم ماعندهم شغله غير مطالعة فلانه شو

اشترت وعلانه شو يابت من السفر وفلنتانه شو مفصله وبتلاقيها صرفت

المعاش كله على الخياط (هندي ياريت مواكن عشان نقول ان فلوسنا ما

راحت بلاش ) وبو الخامات والعطور والمكياج و الشيل والعبي لا وبعد

طالعين في موضه هالايام تلاقي الوحده تقول لربعها وتتفاخر : تراني ما

البس الا من مانجو وبرمود وزارا ............الخ وما اتعطر الا من باريس

غاليري واريج وما اشتري الوقي الا من افن بلاك ومد نايت

وفيرليدي ........و غيرها من الموشحات اللي نسمعها كل يوم واللي ما

يدفع ثمنها احد غير الريل المسكين اللي يدفع دم قلبه وهو ساكت واذا

شافته الحرمه قالتله :ها حبيبي انت ما تبغي شي ( بعد ما نشفته من

الفلوس) يقوم يبتسم ابتسامة غيظ ويقول: لا يا عمري يوم اشوفك

مشتريه جني اشتريت ؟!؟!؟!

.............................................................هذا لليوم وللحديث بقيه