الى مدريات قطر

أن شاء الله بنات قطر يفيدوكى
وبالتوفيق

شدعوه عاد ردو بلييييييييييييز

فيون;14560464:
السلام عليكم
شخباركم بنات
حبيت اسال بنات قطر بليز ساعدوني
انا بقدم على وظيفة مدرسه عندكم في قطر علما باني سعوديه
ودي اعرف كم الرواتب عندكم وشنو الفرق بن المدارس المستقله او الاهليه
وهل صحيح المختلطه رواتبهاا اعلى
انا تخصصي علماجتماع

وعليكم السلام ورحمة الله وبركاته
مااعرف بالضبط رواتب غير القطريات
المدارس الاهليه مدارس خاصه وطبعا رواتبهم اقل و
تكليف المدرسات يكون اقل لان مافي دوام في الاجازات
وتكون الدورات معدومه خارج المدرسه

نجي للمدارس المستقله
وماادراك ما المدارس المسقله
احيانا الدوام غير محدد
دورات لما بعد المغرب واغلبها تدرس من قبل الرجال
ممكن يكون عندج دوام في الاجازات
ممكن يتصلون يقولون لج بكره (السبت ) تعالي داومي
مع العلم ان يوم السبت عندنا اجازه:(

وماعندنا مدارس مختلطه الا المدارس الاجنبيه
وهي غير تابعه للمجلس الاعلى للتعليم
ويكون المنهج من الدول الناطقه بها
يعني مثلا المدرسه الانجليزيه تكون المقررات من بريطانيا
ونفس الطريقه لكل المدارس اللي مب تابعه للمجلس الاعلى
اللي هو يطلق عليه في الدول الثانيه ( وزاره التربيه والتعليم )
هذي كل اللي اعرفه و
اتمنى اني اكون عطيتج فكره عن المدارس في قطر
والله يوفقج ويرزقج

أهلا أختي

حبيت أضيف على كلام الأخت أغلى الحروف

في مدارس مختلطة وهي " أكاديميات قطر "

يكون التدريس الابتدائي مختلط بنات وبنين وطاقم التدريس أيضا مختلط

مدرسين ومدرسات والدوام لين 3 العصر وممكن يطول

حاليا أشهر المدارس وأكثرها انتشارا في الدولة والمعتمدة من قبل المجلس الأعلى بصورة مباشرة

هي المدارس المستقلة

وهي بصراحة أكثر بنات البلد وللأسف غير مرتاحات للنظام والقوانين فيها

أما بالنسبة لغير القطريات فلا أستطيع أن أفيدك بالرواتب

لأن مستحيل وحدة تعلم كم تستلم آخر الشهر

أخيرا بالنسبة لتخصصك حاليا اتجاه التعليم عندنا أصبح نحو اللغة الإنجليزية

وماعدا مناهج اللغة العربية فبقية المواد باللغة العربية مثل التربية الإسلامية والمواد الاجتماعية

تدرس بلا معايير وبما إنك تخصص على اجتماع وهي مادة تم الاستغناء عنها في مناهج الدولة

فاعتقد هذا يقلل من فرص التوظيف لدينا

ولكن لايمنع أن تراسلي المجلس الأعلى للتعليم وتقديم الاوراق اللازمة وبالتوفيق

نصيحه لج بتشررررررررررررررردين ههههه من المعاناه اللي شفتها
اعتقدى الرواتب 7
لاكن كراااااااف والله تكرهين الفلوس والامراض تيج

هلا حبيبتي بالنسبه للمدارس في الدوحة تنقسم للمدارس المستقلة رواتبهم من 6 الى 7 لغير القطريين وهم يقبلون لغير القطرية بس هناك تعب التحضير جماعي مع المدرسات وهنا المشكالة انتي تلتزمين وتحضرين وغيرك يماطل لين اخر يوم قبل الدرس :(الله المستعان وبعد المدرسة تطلب منك الانشطة الاهتمام بالوحات الخارجية في الساحة ترتيب وتغير شهري من رسومات ولمسات فنية وادخال الدرجات الطالبات بالكمبيوتر و عرض الدروس و التحضير كله اكتروني :'(وحضور الدروس المشاهدة لزميلاتك من مدارس اخرى وحضور الدورات اثناء الدوام او خارج الدوام من 4 - 8 ا او من 2- 4 انتي و نصيبك
وممكن تحضرين يوم الاجازة:badly: يوم السبت اجباري او يخصمون من الراتب و الاجازات المرضية يخصمونها من الراتب يعني شغال كد من الساعة 7 صباحا الى 2 :thumbs_down:الظهر و جدول الحصص مزحوم بالحصص في اليوم تدخالين من 4 الى 5 حصص و البنات اذا اشتكوا عليك يصدقونهم ويكذبونج بكل بساطة ويكتبونج تعهد وينحط في ملفج :|يعني الراتب يطلعونة من عين الموظفة المسكينة بس لهم يوم الله يحاسبهم و هذي المدارس مفصولة البنات عن البنين بس عادي 8o|ممكن ادرسين اجتماعيات و هذا الفرع له معايير

اما المدارس الاهلية هي بعضها مختلاط لان دراستهم بالانجليزيو اغلبهم المدرسين اجانب

الله يوفقك :)

أختي سنو44

أول مرة أعرف إن مادة الاجتماعيات لها معايير :-o

المواد الي لها معايير أربع :

اللغة الإنجليزية - اللغة العربية - الرياضيات - العلوم بفروعه >

أحياء و كيمياء و فيزياء

لها حبيبتي ويعطون المدرسات دورة المعايير بدأت من العام و السنة ومطلعين عين المدرسات مساكين يحضرون لهم من مكتب المعايير يشفون يطبقونها او لا انا متأكدة زوجت اخوي ماخذتها العام وقصوا عليهم قالوا بنعطيكم زيادة الف ريال ما شافوا شىء بس الشرعية لي ما عندهم معايير حاليا بس مادة الاجتماعيات ماتدخل هذي السنة في الاختبارات الوطنية

سنو44;14567886:
لها حبيبتي ويعطون المدرسات دورة المعايير بدأت من العام و السنة ومطلعين عين المدرسات مساكين يحضرون لهم من مكتب المعايير يشفون يطبقونها او لا انا متأكدة زوجت اخوي ماخذتها العام وقصوا عليهم قالوا بنعطيكم زيادة الف ريال ما شافوا شىء بس الشرعية لي ما عندهم معايير حاليا بس مادة الاجتماعيات ماتدخل هذي السنة في الاختبارات الوطنية

شكرا غاليتي على المعلومة

الله يعينهم لأن شيء مستجد وكما جرت العادة في مدارسنا المستقلة

التخبط في كل ماهو مستجد والضحية هي المعلمة المسكينة