الله يسعدكم ويدخلكم جنات النعيم ممكن مساعده لاختكم

السلام عليكم

والله اني متضااااااااااااايقه حييييل وقلت ممكن فيه احد يفيدني ويساعدني

انا تعبت بحيااااااااااااااتي كثير والحمد لله على كل حال اهلي والحمد الله يحبوني وطيبين معيا عندي
اخت اكبر مني وانا الثانيه واللي بعدي اربعه الله يحفظهم
اختي الكبيره من النوع الانطوائي جدا
المهم اهلي طيبين بسسس مرررره عصبين


اللي مضايقني اني كونت داااااايم اكلم اهلي واروح عند بيت جدتي ام امي لانو عندها بنت تصير خالتي بيبيني وبينها سنتين فقط يعني هيا اصغر مني بسنتين المهم كونت انام واروح الجامعه والاسواق واتمشى معاها لكن كانت هيا معاملتها معيا جدا جدا جدا سيئه والله ما فيا اكتبها لاني لوكتبتها ما حخلص وبتعب

مع اني كووونت اعز واحب خالتي اكثر من اخواتي بعد ما شوفت انها تعاملني معامله سيئه ولما اجي بطلع اللي في قلبي واقولها انتي ليه كذا تسوي فيا ما تخليني تقول لاااا ومو وقتو وووو
الين صرررت اكرهااااا
انتو كذابتقولو اني حقوده وووو لا بلعكس بس هيا ما خلتني
افهم ليه هيا معاملتها سيئه معيا مع اني احبهااا عشان في يوم انسى اللي سوتو وغير كذا انها تتمادى معيا وتحب بنت خالتي اكثر مني مع انو معامله بنت خالتي معاها سيئه

المهم قولت انا : لازززم اتحمل العيشه معاها عشان امشي حياتي لانو اهلي شيدين وعصبين وانا معاها اقدر اخرج وووو فتحملتها من اجل مصلحتي وانا اقولها بصوووت العالي انا غلطانه اني تحملتهااااا

المهم دعيت الله انو يعطيني القناعه فيهااا والحمد الله فعلا ربي استجاب دعوتي ورزقني كمان بزوووووج
المهم انا نصدمت من ردددددده فعل جدتي ما تصورون ولا فيا اوجع قلبي واقولكم ايش سوووت عشان تزوج بنتها معيا

اشيئا ورب المصحف ممكن لو اقول ايش سوت ما تصدقوووني تشيب الرأس لكن الله يستر عليهاااا المهم
قووولت انا خلااااااااااص ما اجيهم الا في المناسبات وغير كذا تفكيررر خالتي جدا سئ في النااااس وتحب تفتن بين اثنين وتنقل الكلام ولو هيا حالفه ع المصحف حتى في اخواتها فما بالكم انا المهم قلت ابعد بخيري وشري مع انو انا مايجي مني شر ابدا
المهم مرت الايام وتزوجت والين اليوم ليا 9 شهور متزوجه وسبحان الله كل ما اروح بيت جدتي في المناسبات ادعي الله وما الاقي خالتي في خير ليا
المهم اليووووم كمان رررحت عندهم عشان بدي حاجه من جدتي واواصلها لاماما وحسييييت بضضضيق فضيييييييييييييع حتى جدتي كلااامها كلوووو في اذا تزوجت بينتي واذا تزوجت بينتي ومو بس قدامي في كل مكان تتكلم في بنتهاحتى لما خرجت من عندهم تخصمنا انا وزوجي ومع العلم انو من يوم تزوجت الين دحين وانا لازم امررررض بشي زكام سخونه الم في معتدتي املاح والحمد الله على كل حال

حبيت اخذ رأيككم وتســـــــــــــــــــــاعدوني وتعتبروني اختكم ايشششش اسوي حتى لما اشوفهم واسمع اخباهم اتضايق

وانا قولت اذا تزوجت خالتي حتى فرحها ما احضرو ولو انو هيا تزوجت ما افكرت حتى بامها وانا جابلوي المرض من يوم ما عرفتهم الين اليوووم ايششششش اسوي عشان انساهم وانسى جررروحهم ايش اسوي؟؟؟