ملف استفسارات بنات مصر للديكور ( الجزء الثالث )

مدام دكتور تيمو جميلة أوى النجف وبتاعة السفرة ما شاء الله خرافةةةةةةةةةةةةةةةةةةةةةةةةة

esraa_ali;14708790:
nor elsama
طمنتينى ان فيه منهم ف دمياط ...انتى من دمياط صح ؟؟
ما تقوليلى اسعارهم ف حدود كام كده ولو تعرفى معرض شغله كويس جدا وراقى و بيعمل عمولة ياريت تقوليلى فين بالظبط لانى من الشرقية يعنى هاجى اتوه عندكم

ايون انا من دمياط ياجميل بصي بالنسبة لاسعارهم ففعلا ماسالتش عليهم خالص بس هما موجودين وكتير جدا كمان بس بجد ماجاش ف دماغي اني اعرف فكرة عن اسعارهم
بصي ياستي انا والله اشتريت عفشي جاهز بس هديكي كام نصيحة صغيرة كدة ممكن ان شاء الله تفديك
اول واحدة ماتوقعوش نفسكم مع سماسرة
يعني لو ليكو اي معرفة في دمياط خليه معاكو يعرفكو الاماكن مالكوش يبقي اسالو لكن لو وقعتو في ايد سمسار يبقي اولا هيضرك اكتر من انه هيفيدك لان مصلحته الاولي والاخيرة نسبة السمسرة اللي هياخدها من المحل وطبعا هياخد منكم برضه
ثانيا بالنسبة للعمولة فاحسن ورش خشب موجودة في منطقة اسمها الخياطة
ثالثا بصي ياستي دمياط في نظري انا مافيهاش مكان يخلي من صناعة الاثاث يعني كل ماتمشي خطوة هتقعي في محل
رابعا لو عاوزة بقي اماكن معينة لمعارض ممكن اكتبلك شوية اماكن معينة لكن بالنسبة للعمولة بجد انا مش خبرة قوي فيها لاني انا اشتريت جاهز لكن كنا بقولك عاملين خشب اخواتي عمولة في الخياطة دي لانها انضف مكان بيعمل خشب في دمياط
اي استفسار انا تحت امرك وعلي فكرة دمياط مش كبيرة قوي قوي يعني اسالي علي المكان اللي عاوزة تروحيه هتوصليه مش سفر ولا حاجة

نور السما والله انتى بنوتة جدعة وخلتينى اتفائل ودلوقتى ندااء الى نور السما انتى مندوبنا السامى فدمياط ف بليز بقا اماكن ورش و معارض و عناوين لنتوه ف بلادكم ونيجى نرخم ونبات عندكوا هههههههه
هو الجاهز بيكون مضمون ف خشبه بردو ولا هتخم فيه ؟

بنائا على طلب بنانا
النجف الريسبيشن هنزله بعد قليل باذن الله

soshe;14713224:
مدام دكتور تيمو جميلة أوى النجف وبتاعة السفرة ما شاء الله خرافةةةةةةةةةةةةةةةةةةةةةةةةة

ربنا يخليكي ياقمر مايغلوش عليكي

esraa_ali;14714148:
نور السما والله انتى بنوتة جدعة وخلتينى اتفائل ودلوقتى ندااء الى نور السما انتى مندوبنا السامى فدمياط ف بليز بقا اماكن ورش و معارض و عناوين لنتوه ف بلادكم ونيجى نرخم ونبات عندكوا هههههههه
هو الجاهز بيكون مضمون ف خشبه بردو ولا هتخم فيه ؟

مطلب جماعي يانور افيدينا انا هاشتري الشهر الجاي ان شاء الله

مشمشة.;14701575:

بنات دى تنفع تتحط فى فتحات الترابيزة

هي فكرة حلوة بس هما كام فتحه يعني لو كذا واحده وحطيتي

دي في النص هتبقى حلوة

مع انى شايفه انها خسارة تتحط في الترابيزة خاصة لو حطيتي فوق

الترابيزة فازة مش هتبان

كريز;14712080:
اول مره اشارك ف الموضوع لانه عاجبنى قوى
عيزه اجدد ستاير بيتى بس عيزه اخد فكره عن الاسعار والانواع القماش
لانى معرفش فيها حاجه خالص
اه والاولوان ال طالعه موضه

انتى عفشك كلاسيك ولا مودرن والواناته ايه يعني هتختاري الوان

الستاير بناءاً على ايه العفش ولا الدهان ولا ايه ؟

وادى صورة النجف الى عندى فى الريسبيشن

وانا قولت انها شبه بتاعة صالون بتاع مدام تيمو

واى خدمه يا بنانا





هاا ايه رايكو

fulla2010;14719978:
وادى صورة النجف الى عندى فى الريسبيشن

وانا قولت انها شبه بتاعة صالون بتاع مدام تيمو

واى خدمه يا بنانا





هاا ايه رايكو

فراولة حبيبى;14713915:

واتمنى من الاخت nor elsama تنزلنا احسن اماكن الموبيليا فى دمياط جاهز او على الخشب

وفين اماكن العفش المودرن برضه خشب او جاهز بعد اذنك ياجميل

esraa_ali;14714148:
نور السما والله انتى بنوتة جدعة وخلتينى اتفائل ودلوقتى ندااء الى نور السما انتى مندوبنا السامى فدمياط ف بليز بقا اماكن ورش و معارض و عناوين لنتوه ف بلادكم ونيجى نرخم ونبات عندكوا هههههههه
هو الجاهز بيكون مضمون ف خشبه بردو ولا هتخم فيه ؟

مدام دكتور تيمو;14717241:
ربنا يخليكي ياقمر مايغلوش عليكي


مطلب جماعي يانور افيدينا انا هاشتري الشهر الجاي ان شاء الله

والله بكتب حالا وانا هعيط لاني خلاص كنت قربت اخلص وانزل الرد وفجاه الجهاز رستر لوحده كعملية رذاله فاعذروني هكتب تاني والله حالا وانزله بقي في رد لوحده خلال شوية صغيرين :'(:'(

fulla2010;14719978:
وادى صورة النجف الى عندى فى الريسبيشن

وانا قولت انها شبه بتاعة صالون بتاع مدام تيمو

واى خدمه يا بنانا





هاا ايه رايكو

ماشاء الله زوقك جميل ربنا يهنيكي ياجميل ويسعدك

جميلة اوي يا فله
و حلو فكرة الدهبي في السيلفر جدا

نقول من تاني وان شاء الله بس اقدر افيدكو لو بشئ بسيط
في اول حاجة حابة اقولكم ان دمياط الصناعة الاساسية فيه هو الخشب والاثاث وده اللي عاوزة اعرفكو عليه انكو كل ماهتمشي خطوة في دمياط هتلاقي ورشة خشب او معرض موبيليا سواء كان كبير او صغير
تاني حاجة بجد هتلاقو كل الازواق المودرن والكلاسيك والحلو واللي مش لذيذ وكله كله يعني فيها كل الاذواق وكل مستويات الاسعار وزي ماتحبو بقي
ثالثا زي ماقولت ليكو دمياط مش كبيرة قوي انكو تخافو ان تتوهو فيها يعني اي مكان عاوزين تروحوه هتسئلو اي واحد ماشي هيقولك وهيوصفلك بالتفصيل فمتقلقوش
رابعا بقي وهي نصيحة قولتها قبل كل بلاش السماسرة لانهم اول مابيشوفو عربية غريبة مش ملاكي دمياط او مش اجرة دمياط او مجرد يشمو ريحة انك غريب هيلزقو ليكو وهيعمل ليكو من البحر طحينة وفي النهاية هو بس المستفيد لانه بياخد سمسرة من المحل اللي هتشترو منه ومنكو انتو كمان ومش مهم بقي غالي ولا رخيص وحلوولا وحش
خامسا بقي علشان ماعنديش تفاصيل كتير عن النقطة دي بس برضه متاكدة من اللي بقوله وده بالنسبة لصناعة الخشب الابيض اللي هو العمولة انا اعرف ان احسن مكان في الموضوع ده مكان اسمه الخياطة ده فيه احسن وانضف ورش خشب ابيض واعرف مكان تاني بس ماليش خبرة فيه هو الاعصر وبرضه شارع عبد الرحمن دول الاماكن اللي بتبيع خشب ابيض واعرفها وبالنسبة للتشطيب بالمرة ففيه منطقة اسمها الشعرا (الشعراء)
اعذروني خبرتي قليلة في الخشب الابيض لاني حبيت اشتري جاهز وايام اخواتي ماكنتش بروح معاهم بس هما اشترو من الخياطة وشطبو في الشعرا

سادسا بقي بالنسبة للمعارض
عندكو عد لايعد ولا يحصي
بس ركزو معايا
اول ماهتنزلو دمياط هيبقي ده طريق كورنيش النيل عندنا اسمه البحر المهم ان الطريق ده كله معارض بس بجد هي غالية جدا جدا جدا وممكن تجيبو الاوض اللي فيه من اماكن تانية بنص التمن
بس دي معارض واخدة شهرتها وموقعها متميز فبتستغل كدة فامنصحكوش اساسا تضيعو وقتكو فيها غير الي عنده استعداد ومش فارقة معاه السعر يجيب الاوضة بمبالغ عالية جدا
دلوقتي بقي هقولكو الاماكن اللي اناروحتها وطلع عيني هناك لاية لما لقيت اللي ربني وفقني بيه والحمد لله متوافق تماما مع ذوقي
واحب اقولكم معلومة بس الاول ان المعارض هنا فيه منها المتخصص يعني تلاقيه بيبيع نوم وسفرة بس او صالون وانتريه بس او اطفال بس وفيه اللي تلاقيه بيبيع كل حاجة فاستعدو للسلالم اللي هتطلعوها وتنزلوها في اليوم ده بجد بلبس مريح
عندكو بقي طريق بورسعيد ده كله معارض وقريب منه علطول طريق اسمه المحور وبرضه ده كله كله معارض
وفيه برضه الخياطة اللي كنت قولت عليها من شوية فيها برضه شوية معارض تمام
واخر منطقة اسمها ارض الحرس دي برضه كلها معارض
وبرضه في منطقة اسمها السنانية
دي الاماكن اللي ركزت في بحثي عليها بس وماروحتش اماكن تانية بس هقول تاني كل ماهتمشو في دمياط هتلاقو معارض ومحلات موبليا
اي استفسار او سؤال عن اي حاجة تانية انا تحت امركو ويارب بس اكون فيدتكم ولو في جزء بسيط في رحلة البحث والشقاء
وفي النهاية ربنا يوفقكو جميعا ويتمها علي كل عروسة بالخير ويسعدنا اجمعين

جودى مودى: بالنسبة لورق الحائط اسعاره بتختلف من ناحية الخامة والول بيكون فيه كام متر
يعنى فى رول بيكون 5 متر وده ممكن يعمل من 150 لحد 250 وفى نوع تانى بس ده اشكال مودرن كله والرول بيكون 15 متر وعرض 106 وده اشكاله تحفة وسعره من 250 لحد 300
وكل ده هتلاقيه ف العتبة

ازيكم يابنانيت
جبتلكم حاجات من الشقه بما ان النت جه اخييرا
ده الانتريه



ودي السفره




دي أوضة النوم





المره الجايه هجيبلكم بقية الستاير والنجف واصورلكم الليفنج
هاه ايه رأيكم بقا

ما شاء الله شقتك جميله يا هوبس وياريت تورينا المطبخ بتفاصيله " معلش اهتمامى بالمطبخ لانى بغير بتاعى" ربنا يسعدك ويرزقك بالذريه الصالحه

katkooota_7aboooba ام حــور;14726834:
ما شاء الله شقتك جميله يا هوبس وياريت تورينا المطبخ بتفاصيله " معلش اهتمامى بالمطبخ لانى بغير بتاعى" ربنا يسعدك ويرزقك بالذريه الصالحه

انا كنت حطيته قبل كده ياكتكوتة
هتلاقيه في المشاركة دي
http://forums.3roos.com/showpost.php?p=14508259&postcount=5637

.. Hopes;14726814:
ازيكم يابنانيت
جبتلكم حاجات من الشقه بما ان النت جه اخييرا
ده الانتريه


ودي السفره


دي أوضة النوم


المره الجايه هجيبلكم بقية الستاير والنجف واصورلكم الليفنج
هاه ايه رأيكم بقا

ماشاء الله زوقك راقي بجد وعجبني قوي اختيارك للسجاد وكل التفاصيل الصغيرة اللي في الصور ربنا يهنيكي يارب ويسعدك وتتهني بشقتكو وحاجاتك قوليلي بقي معلش سؤال صغيور وبايخ رينج النجفة بتاعتك دي كان بكام لاني عاوزة اجيب نجفي الاستايل ده كدة بس لسة مااعرفش اسعاره بالضبط فحابة اخد فكرة سوري بجد لبواخة سؤالي

عادي ياحبي ولا يهمك
هو النجفه دي كانت ب150 وفي حاجات مودرن كتير في شارع الكهربا بس فاصلي جااااامد

بسم الله ماشاء الله

الله اكبر

شقتك جميله يا هوبس تتهنى فيها يارب وعقبال ما تمليها نونن صغنننين

بجد زوقك رائع سا هوبس ربنا يسعدك يارب بحاجتك