ملف استفسارات بنات مصر للديكور ( الجزء الثالث )

ازيكم يابنات

يويو وحشتنى اووووووووى ماشاء الله النجف جميييييييييل

عايزين باقى الشقة ياقمر

banana z3lana;14558959:
ازيك يا عروسه عامله ايه
بصي يا قمر انا هقولك اللي احنا عملناه و تقريبا كان صح و مش احتجنا نكسر حاجه عملناها

اول شئ السباكه
تعملي المواسير و تحددي اماكن الحوض و البانيو و التواليت و البلاعه و حوض المطبخ و السخان و لو هتعملي وصله مياه سخنه للمطبخ او سخان تاني كده يعني
و مكان الغساله الاوتوماتيك

و بعدين الكهرباء
توزعي اماكن الفيش و الاباليك و النجف و اللمبات النيون لو هتحتاجيهم
و مكان التليفزيونات و التكيفات و التليفونات و لو عاوزه ساوند سيستم او اضاءه في الكرانيش او بيت نور او ارج او اي شئ

و بعدين المحاره

و بعدين النجارة بتاعت الابواب و الشبابيك
و الصراحه معرفش الكلام ده برضه للالوميتال و لا لا

و بعدين الكرانيش
السيراميك
المعجون و الضهاره بتاعت الحوائط
كل البياض معادا اخر وش
تركيب الاطقم الصحي بتاعت الحمام اللي هيا التواليت و الحوض و حوض المطبخ البانيو بيركب مع السباكه بس حاولي تغطيه بكراتين علشان بتاع السيراميك ميجرحهوش

الحبة اللي فاتوا دول من اول الكرانيش ممكن يتعملوا سوا او تغيري ترتيبهم مش فارقه

كده انتي خلصتي كل الاساسيات و الباقي رفايع
اعمليهم حاجه حاجه و الترتيب مش مهم
مثلا
الشبابيك الالوميتال بتاعت الحمام و المطبخ
وشوش الكهرباء و الفيش
اوكر الابواب و الشبابيك
طقم الحنافيات

اه صحيح لو هتعملي شقاط مطبخ او حمام في الحيطه اعمليه قبل السيراميك علشان متكسريش تاني
لو نسيتي زي حالاتي هاتي الشفاط اللي بيركب في الشباك

لما كل ده يخلص و الشقه تبقي عروسه اعملي اخر وش بياض

دي عصاره افكاري مع ااشقه

لو غلطت الحقوها يا بنات و صلحوا اللي انا قلته
لو سؤال تاني قوليلي

ميه ميه صح كده بالظبط

كلاسيك ما شاء الله نجفك جمييييييل والله عقبال متنزليلنا باقى الشقه

مبروك الجزء الجديد يا بنات

حد يقولى ايه احلى الوان للرسيبشن مودرن يعنى الوان البياض والانتريهات مع العلم ان الليفنج غالبا هيكون بنى فى تفاحى عايزه الوان تدى فخامه وشياكه بس فى نفس الوقت مودرن

سلام عليكم يا بنات

مبروووك الجزء الجديد :celebrate:

ياااااااه بقالي قرن مش عملت مشاركة في الديكور

كلاسيك يا حبيبتي ما شاء الله النجف عسول ربنا يبارك لك في كل حاجتك

و يسعدك يا جميل

انا محتارة اجيب ايه في الحمام طبق و لا ايه :-#

زوجي مش عاجبه الطبق ممكن يكون ايه البديل ؟

و يا ترى اضاءة الطبق بتبقى قوية على اساس انه متغطي يعني ؟

اه و كمان و حابة اجيب اكسسوارات مودرن بتبقى منين في القاهرة ؟

انا عندي اسئلة كتير بما اني غايبة عن الديكور من زمان بس مش هاتحفكم باسألتي مرة واحدة :D

بحبكوا في الله :L:

nemo nemo;14560576:



حد يقولى ايه احلى الوان للرسيبشن مودرن يعنى الوان البياض والانتريهات مع العلم ان الليفنج غالبا هيكون بنى فى تفاحى عايزه الوان تدى فخامه وشياكه بس فى نفس الوقت مودرن

على فكرة يا نيمو انا بحب اسمك أوي لاني بموت في نيمو السمكة العسولة :L:

و الله يا نيمو انا باحس ان كل الالوان تليق مودرن في الانتريهات بعكس الكلاسيك مش أي حاجة تليق عليه

دا رأي شخصي طبعا :o

بس يا ستي عشان مش تقولي طنشت اني اجاوبك

ممكن موف أو ازرق أو ارجواني أو جراي أو فوشيا حاجات كتير

بس لو حابة تبقى حاجة فخمة جدا ارشح لك الجراي

يارب اكون افدتك بأي حاجة يعني :o

صباح الخير يا بنات انا متبعاكم بقالى فترة بس مشاركاتى قليلة اوى
و كنت عايزة اسألكم على كام حاجة عايزة اروح انا و خطيبى نتفرج على مطابخ جاهزة مش عارفة اروح فين رحنا قبنورى و هنروح ان شاء الله فرع القوات المسلحة اللى فى العباسية لو حد يعرف اماكن تانية ياريت تقولولى
و هسال بردو نفس سؤال هوبا اجيب الحوض اللى بعنتين منين و بكام ؟
و ربنا يجازيكم كل خير
:D

hoba bodyyy;14566279:

بنات حد يعرف اجيب الحوض منين ويبقى بكام انا عايزه واحده ب عنتين وصفايه يبقى بكام ؟؟

انا جبته من الفجاله
في صيني بيبدأ من 240 جنيه تقريبا
و في فرانك سامي هوا زمان كان الماني دلوقت بقي الماني مصري و متقوليليش يعني ايه علشان معرفش
2 عين ب صفايه كان ب 600 و شويه
كل حوض بيبقي 40 سم و الصفايه 40 سم
لو عاوزاني اسئلك خطيبي على اسم المحل بالظبط و السعر قوليلي
عامه الفجاله مليانه كل الاشكال و الانواع

hoba bodyyy;14567498:

تسلم ايدك يا دودو بجد وياريت تسألى خطيبك علشان لو معجبنيش حاجه اجرى على المحل على طول وانتى ايه رأيك فى الصينى يا قمر

اقولك الحق
انا مكنليش اي رأي
انا كنت شايفه انه مش فارقه اصل اكيد الصين مهما كانت عارفه ان ده حوض يعني مايه ساقعه و سخنه و صابون و مواد كاويه والذي منه فأكيد متعالج

فمكنش فارق معايا و بعدين بجد هتلاقي اشكا في الصيني هتلاقي حاطين مكان كده تحطه فيه الصابون السائل
انما حمايا العزيز كان مصر علي فرانكي سامي ده و قعد يقول ايطالي و لا الماني باين
لحد ما لاقاه خامات مستورده بس صنع في مصر

*miso*;14563223:
على فكرة يا نيمو انا بحب اسمك أوي لاني بموت في نيمو السمكة العسولة :L:

و الله يا نيمو انا باحس ان كل الالوان تليق مودرن في الانتريهات بعكس الكلاسيك مش أي حاجة تليق عليه

دا رأي شخصي طبعا :o

بس يا ستي عشان مش تقولي طنشت اني اجاوبك

ممكن موف أو ازرق أو ارجواني أو جراي أو فوشيا حاجات كتير

بس لو حابة تبقى حاجة فخمة جدا ارشح لك الجراي

يارب اكون افدتك بأي حاجة يعني :o

انا كمان بكوت فى نيمو السمكه علشان كده سميت نفسى ع اسمها :D

ميرسى يا ميسو ع ردك عليا

فينكم يا بناااااااااااااااات ؟؟؟؟؟؟؟؟

مشمشة
دول شوية صور كدة لستاير عندي هما كلاسيك بس الفكرة بتاعتهم تمشي معاكي

دي ممكن تعملي بدل القطيفة قماش برنت شوب

ديه اللي تحت خليهاشيفون والبلتكانة لومودرن ممكن تكون فضي او لون الستارة وتطعميها بالفضي

ودول بقي حبة انتريهات ممكن تمشي للرسيبشن



يارب يعجبوا او يفيدوا حد وادعولي يهديني لخطيبي
اسعار النجف الكلاسيك وانواعهاايه؟

nemo nemo;14560576:

ميه ميه صح كده بالظبط

كلاسيك ما شاء الله نجفك جمييييييل والله عقبال متنزليلنا باقى الشقه

مبروك الجزء الجديد يا بنات

حد يقولى ايه احلى الوان للرسيبشن مودرن يعنى الوان البياض والانتريهات مع العلم ان الليفنج غالبا هيكون بنى فى تفاحى عايزه الوان تدى فخامه وشياكه بس فى نفس الوقت مودرن

ممكن نبيتي في بيج

او مشمشي برضه موضه وشيك وفي الزيتي والموف

والبياض احسن حاجة الاوف وايت والكريمي

*miso*;14563172:
سلام عليكم يا بنات

مبروووك الجزء الجديد :celebrate:

ياااااااه بقالي قرن مش عملت مشاركة في الديكور

كلاسيك يا حبيبتي ما شاء الله النجف عسول ربنا يبارك لك في كل حاجتك

و يسعدك يا جميل

انا محتارة اجيب ايه في الحمام طبق و لا ايه :-#

زوجي مش عاجبه الطبق ممكن يكون ايه البديل ؟

و يا ترى اضاءة الطبق بتبقى قوية على اساس انه متغطي يعني ؟

اه و كمان و حابة اجيب اكسسوارات مودرن بتبقى منين في القاهرة ؟

انا عندي اسئلة كتير بما اني غايبة عن الديكور من زمان بس مش هاتحفكم باسألتي مرة واحدة :D

بحبكوا في الله :L:

اعتقد مفيش غير الطبق او كشاف عادي لمبان نيون يعني

وبعدين انتى هتحتاجي الضوء القوي في الحمام ليه ؟


الاكسسوارات في محلات كتير بس فيه سنتر اسمه داري في الهرم

في كل حاجة انا جوزي كان هناك امبارح وعجبه اوي

ولو عايزة حاجات ارخص شوية في حارة اليهود في العتبه


شكراً لكل البنات تسلمو ياارب

وان شاء الله ادعولي اكمل البيت وانزله في اقرب وقت

كلاسيك معلش ممكن اسالك سؤال

انا عجبنى لون الدهان عندك هو كاكاو فاتح تقريبا صح طيب عندك حيطه مختلفه ولا لا ولو انا عايزه اعمل اللون ده ايه اللون المختلف ممكن يليق عليها غير البنى طبعا والانتريه بتاعك لونه ايه ؟؟؟؟؟؟؟؟؟؟ على ما تنزلى الصور بئى

ميرسى للبنانيت اللى ردوا عليا شكرا يابنانه وشوشو وكل البنات
وربنا يكرمكم كلكم وعقبال كل عروسة ماتفرش شقتها وكل البنات تتجوز السنادى يارب
انا هتجوز على اول السنه الجايه ياااااااااارب ان شاء الله واكيد اول ما ابدأ فالتوضيب هحتاج ماشورتكم ونصايحكم يا احلى بنات مشاء الله كلكم زوقكم جميل اوى :)

شفتوا اللى حصلى

نزلت اتفق على الستاير

بما انى فرشت مودرن

لقيت الراجل بيقولى دى مش عملية ومش عارف اية وحاجات كدة :hysterical::031::031::031::'(:badly:

وقالى متر البراقع العادى اللى هو على خشب ب5ج

اما اللى على مواسير ب8ج
ومفيش ستارة قالى ينفع تتعمل كل الموديلات اللى اختارتها قالى مش تنفع تتفصل اعمل اية انا بقاااااا

هتجنن هى كانت ناقصة الستاير كمان
بنات هى الستاير اللى على المواسير فعلا مش عملية
ولا الراجل مش عارف يعملها وبستهبل وخلاص

طب اعملهم فييين حدي عرف مكان بيفهم فى الكلام دة

كلاسيك جيت اعمل زى الستارة بتاعتك

لقيت الراجل بيقولى الحلقات اللى بتخش فيها الماسورة مش موجودة فى السوق ومش هتلاقيها

صباح الورد على وردات الديكور الحلوين
صباح الانوار يا كلاسيك يا سكره
ليا سوال في السريع لواحده صحبتي من الزقازيق
عاوزه تعرف مكان بيبع الاستيكرات بتاعه الحيطه اللي زي اللي على النت
او بنوته تكون بتبيعهم من الفيس بوك وتقدر تاخدها منها في المنصوره او الزقازيق او اي مكان قريب ليها هي مش هتعترض

وكمان هي عندها اوضه الاطفال عباره عن سرسين ودولاب بلاكار كبير والخشب لونه بني شيكولاته والسيراميك بني
ومساحه الاوضه 4في 4
احسن حاجه تدهن الاوضه لون ايه ياقمرات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
متكسوفنيش قدام البت
انا وعدتها اجيبلها الديب من ديله
ونفسي افرحها اوي لانها تعبت كتير في حياتها
ادعولها ربنا يتلها على خير يارب وتتجوز السنهدي اللي بتحبه وربنا يعوضها عن كل اللي شافته
امين يارب العالمين

nemo nemo;14568243:
كلاسيك معلش ممكن اسالك سؤال

انا عجبنى لون الدهان عندك هو كاكاو فاتح تقريبا صح طيب عندك حيطه مختلفه ولا لا ولو انا عايزه اعمل اللون ده ايه اللون المختلف ممكن يليق عليها غير البنى طبعا والانتريه بتاعك لونه ايه ؟؟؟؟؟؟؟؟؟؟ على ما تنزلى الصور بئى

بصي هو اسمه انتيك وايت

وممكن التفاحي والزيتي والمشمشي والنبيتي يمشوا معاه

انا عندي ركنة بس مش انتريه ولونه بني في تفاحي

مشمشة.;14572859:
شفتوا اللى حصلى

نزلت اتفق على الستاير

بما انى فرشت مودرن

لقيت الراجل بيقولى دى مش عملية ومش عارف اية وحاجات كدة :hysterical::031::031::031::'(:badly:

وقالى متر البراقع العادى اللى هو على خشب ب5ج

اما اللى على مواسير ب8ج
ومفيش ستارة قالى ينفع تتعمل كل الموديلات اللى اختارتها قالى مش تنفع تتفصل اعمل اية انا بقاااااا

هتجنن هى كانت ناقصة الستاير كمان
بنات هى الستاير اللى على المواسير فعلا مش عملية
ولا الراجل مش عارف يعملها وبستهبل وخلاص

طب اعملهم فييين حدي عرف مكان بيفهم فى الكلام دة

كلاسيك جيت اعمل زى الستارة بتاعتك

لقيت الراجل بيقولى الحلقات اللى بتخش فيها الماسورة مش موجودة فى السوق ومش هتلاقيها

بصي انا بتاع الستاير قالي كده برضه وكنت خلاص هاعملها كلها شرايط على المواسير

وبعدين وجوزي بيشتري باقى طلبات الستاير قالي انا لقتها وهاجيبها

لو تحبي اسألهولك جابها منين وتسألي يمكن فيه لسه لأنها مش موجوده

في السوق غير عند ناس معينة




لاسبوزا


خليها تشوف في فروع يوتن الموجوده هناك

اما الفيس بوك انا معرفش غير واحده في القاهره ولسه مشترتش بالفعل

عايزه صور انتريهات مودرن شيك لانه هيبقى الانتريه الاساسى عندى
ساعدونى بليز

ما شاء الله يا كلاسيك الركنه شكلها جميل يلا اعترفى بئى القماش منين وبكام ولا هى جاهزه