لمبا;15470033:
السلام عليكم ازيكم
بصو بقي انا كنت عايز اعمل قاعده علي الارض ايه رايكم في شكل ولون القاعده ده واشتريه قماش نوعه ايه وهو ممكن القي زيها جاهز واختار لون دهان الحائط ايه والستائر بصو يعني عايز تفكروا معايه اعمل ايه وكمان كنت محتاره في لون الانتريه وكمان دهانات الشقه يلا بقي حد يقولي افكار
عسوله عمرو هو مفيش فرق كبير بينهم بس في ناس مش بستريح لاحمر اوي ومشيها ياجميل
هي جميلة فعلاً بس معرفش في بيوتنا هنا هتبقى عملية ولا لأ
بس انا عن نفسي عجباني جداً ورأيي تجبيها قماش سادة ويكون تقيل ويستحمل
والافضل لو عملتيها يكون لها اطار او قاعدة خشب من تحت تتسند عليها
علشان متكونش على الأرض على طول فتتبهدل وخليكي في الغوامق
اللون اللى في الصورة حلو و ممكن الاورانج الغامق اوي او التفاحي الغامق
وفي اللون الانديجو جميل وموضة برضه و في بقى الالوان التقليدية
بني و نبيتي وزيتي والحاجات دي واستقري على اللون وقوليلنا المساحات
اللى عندك ايه واحنا ان شاء الله نساعدك في اختيار الدهانات
سمسمه23;15470208:
هو فين ياجماعه برنت شوب الى بتجيبوا منوا قماش الستاير
عناوين برنت شوب من السايت نفسه
Cairo: 5 showrooms Down Town50 EL Gomhuria St.
New Maadi11/2 El-Nasr St.
Arkadia MallSecond Floor C48
Nasr city25 Samir Abd El-Raouf St.
Heliopolis25 El-Khalifa El-Mamoon St.
- Giza: 3 showrooms El Haram300 EL-Haram St.
Dokki29 Yathreb St.
Mohandessin20 Shehab St.
- Alexandria: 1 showroom Loran14 M.Ezz EL-Arab St., Horia Road
- Damietta: 1 showroom DamiettaEL-Senaneya , Corniche EL-Nile
- Luxor: 1 showroom Luxor7 Youssef Hassan St.
katkooota_7aboooba ام حــور;15472128:
ازيكم يا بنات
رمضان كريم مع انها متأخرة شوية
كنت عايزة اعرف سعر المطبقية اللى بتتركب فى الالوميتال هى 60 سم
وكمان السلة الدوارة بتاعه الحلل هنكون مقاسين الكبيرة 50 سم والصغيرة 30 سم
وياريت لو اماكن فى اسكندريه
اصل بتاع الالوميتال بيقولى هاتيهم انتى
وانتى طيبة يا قمر منورة من تاني
بصي انا بتاعتي اعتقد اكبر من 60 وكانت ب 200 جنية بس حلوة اوى ونضيفة
اسألي عليها عند العربي معرفش موجود في اسكندرية ولا لأ
nEMaA mAhDy;15472140:
بنات وخاصه كلاسيك عايزه اشوف صوره للون الانديجو بدرجه تكون حلوه للريسبشن وعايزه اعرف ايه الالوان اللى تليق عليه غير الجراى والاوف وايت
ومعلش كمان هل اللون ده موجود دلوقتى فى قماش الستاير واللانتريهات والاكسسوريز وكده ولا هيتعبنى
الأنديجو درجات واعتقد ان دي درجاته مع الافتح او الأغمق بس انا لما نزلت
من حوالي سنة ملقتش اللون ده خاااااااالص الا في حاجات بسيطة جداً
كان نفسي اعمله في الليفنج بس ملقتش منه غير انواع قماش معينه
فعملت منه مع درجات تانية اوضة النوم في الستارة وكرسي التسريحة
مع افتح درجة منه مع اللبني في السجاده
اما الاكسسوارات كفازات مثلاً او كده برضه قليل لما تلاقي انزلي بصي الاول
وقرري لأنك لما بتنزلي ساعات مش بتلاقي حاجات كتير من اللى كانت في خيالك
soshe;15472155:
هاجر على فكرة النبيتى احلى من الاحمر مريح للعين اكتر بكتير بس نصيحة منى جربى اللون قبل ما تعملى الرسمة عشان متعمليش زييى الى بعتهالك قبل كده كان النقاش موريهالى الى هنزلها دلوئتى دى الى عملتها عملتها بالأبيض مكنش حلوة عملتها بالفوشيا طلعت اوحش ده عشان عملتها على بنى بغبائى مخلتش لون الحيطة زى بائى الاوضة بس هو الراجل محسبنيش انه غير اللون لان هو عملها ابيض بالغلط اصلا فعجبتنش وعملتها بالفوشيا وندمت انى غيرتها قولولى رايكو بصراحة جدا هزعل والله لو مألتوش
وانا منزلاها مخصوص عشا اكتر من حد طلبها منى هو ايه الانديجو ده يا نيمو مفهماش
متنسوش تدعولى يا بنات بتوسعة الرزق الله يكرمكو ويبعد عننا شر العين ويكفينا شر المزلة يارب
هي الابيض طبعاً كانت مفتحة الاوضة وكانت عسولة ورقيقة
بس والله التانية مش بشعه بس اعملي بقى ماتشينج في الالوان
في باقي الصورة مع الرسمة ولون الحيطة المخالفة وربنا يتمملك على خير
ويوسع رزقكم يارب ويبعد عنكم كل سوء يا حبيبتي :) F:
دودو1;15475681:
السلام عليكم ورحمه الله وبركاته
ازيكم يا بنات
ياريت يابنات اللى عندها صور للسيراميك الباركيه الشرائح تنزلها يا ريت
اشكاله زي كده
robyandlove;15484110:
السلام عليكم ورحمة الله
رمضان كريم يا قمرات
انا اول مرة اشارك في الديكور
يارب متكسفونيش
وهحاول اقرا اللي فاتني واتعلم من كلامكم
كنت عايزة اوريكم شقتي اللي ان شاء الله هتجوز فيها و تقوليلي رايكوا اعمل فيها ايه احط ايه فين و ايه فين و كده لأني طبعا محتاجة خبرتكوا و انتوا اخواتي و معتقدتش هلاقي احسن منكم
وانا ان شاء الله ناوية اجيب ليفينج كبيرة و سفرة وغرف النوم يعني مش هجيب صالون ولا انتريه لأن مساحة الشقة عندي متسمحش بكده خالص
صورة الشقة
مش انتى روبي رحاب برضه ولا حد تاني ؟؟؟
عامة مبارك عليكي الشقة يا قمر هي تقسيمتها حلوة على فكرة ماشاء الله
انتى زي ما قولت حطي الليفنج في الصالة رقم 2
والسفرة في الصالة رقم 1علشان تكون قريبة من المطبخ
والمدخل ده لو في مكان قدام الباب ممكن تحطي جزامة وفوقيها مراية كأنها كونسول
ده مبدأياً وحددي عايزة ايه بالظبط فيها وانا اقولك
دودو1;15504526:
بنااااااااااااااااااااااااااااااااااات انا بطييييييييييييييييييييييييخه خاااااااااااااااااااااااالص فى التجهيزات والديكور والحاجات دى وحتى مش عارفه ايه الموضه اللى شغاله دلوقتى ولا ممكن اجيب ايه وخايف مووووووووووووووووووت من جهاز شقتى وتشطيبها :'(:'(:'(:'(:'(:'(
وعايزاكم تساعدونى فبلييييييييييييييييييييييييييز متطنشونيش واستحملونى فى اسألتى الكتييييييييييييرة
عايزة بقى اعرف ايه الموضه فى الحمامات من كله السيراميك والارضيات والبانيو والاحواض وكله ويارينت بالصور:(:(:(
شوفي يا قمر عايزة ايه واحنا نساعدك
الموضة في الحمامات يعني مش بيكون لها موضه اوي في حاجات مطرقعه
شوية بس عايزة حمامات كبيرة زي الاحواض الساقطه واللى متقفله من تحت
بس عامة دي مودرن مش كلاسيك
انتى لو حمامك واسع ممكن تعملي نظام الحيطة اللى بيكون فيها وزرة بالطول
مسافه بلاطين مثلاً وبتكون مشجرة
ولو عايزة حاجة بسيطة زي اللى عندي انا عاملة وزرة في تلت الحيطة وبس
وعاملة شكل جميل جداً وسيراميكي النوع الحجري فشكله عسول اوي
mimi_ahmed;15505032:
انا عندى مشكلة كنت شايلة كذا لينك من المنتدى هناااااااا علشان اخد منه افكااار والصووور باظت محدش يعرف حلللل بجد مضايقة اووووووى
شوفي يا قمر انتى عايزة ايه واحنا نساعدك :)