ملف استفسارات بنات مصر للديكور ( الجزء الثالث )

بصى هو طبعا ده كلاسيك صررررررررررررف وبما انى ماليش علاقه بيه بتاتا بس برضه هقولك رأيي
انا حاسه ان اللى محلى السرير العمودين اللى فى الاخر والتسريحه حلوه والدولاب عاجبنى اوووووووووووووى

salad;15645124:
انا قصدى مثلا انا عندى الريسبشن حرف ال الانتريه والصالون سجاد عادى ممكن اجيب فى السفره شاج ولا لازم الريسبشن كله يبقى شاج

بصي السفره خسارة تجيبي فيها شاج لأنك اكيد هتحطي السجاده تحت السفرة

وكده جمالها وقيمتها هتضيع ده رأيي

moonlightmoon;15648936:
يا بنات عايزه مساعدتكم ضرورى جدا وياريت كل اللى يشوف البوست دا يرد عليه انا بجد محتاره جدا جدا فى اختيار اوضه النوم شويه يعجبنى الكلاسيك وشويه المودرن بجد احترت اوى
انا عاجبنى كام صوره هوفقهم مع بعض بس عايزه رأيكم ضرورى



دا السرير بس هصغر الاعمده اللى فى الضهر وهشيل الاتنين الصغيرين اللى فى اخر السرير دول



ودى التسريحه هعملها جملى برضو والشغل اللى حولين المرايه هياخد نحاسى زى ضهر السرير بالظبط ومن تحت هيبقى وحدتين من الكمودينو بنفس شغل الاطار المعمول نحاسى



ودا الدولاب هحاول اوفقه مع شكل الاوضه بحيث انى هشيل التفريغات اللى فوق دى وهحط من على الجنبين بدل الدهبى الاعمده ومن فوق الحته اللى من فوق فى السرير
يارب تكونوا فهمتونى

هما بصراحة كلاسيك اوووووي وانا برضه مبحبوش

بس هي اكيد شيك ولو حابه تعمليها اعمليها غامق بلاش لون فاتح

لأن اي لون فاتح هيبينها انها قديمة من زمان يعني

miss_mony2;15650724:

سلاد ماشاء الله شقه اخوكي حلوة جدا الله اكبر
بنات عايزة ستاير مودرن غير اللي في النت دول زهقت منهم وحساهم هبببببببببببل معلش استحملوني والا هعييييييييييييط

طيب انتى عاوزاها بسيطة ولا سيمي مودرن ولا عادية مفيهاش شغل من فوق

على فكرة انا بحب الاستيل اوى اوى والاوضة دى تحفة ياريت تتنفذ كده

كلاسيك انا مش هحطها تحت السفره دى جنب السفره فيه مكان كبير فاضى كنت عامله فيه مشايه بس عاوزه سجاده افضل

بنااااات عاوزاكم فى استشاااره ضرووورى جدا ان شاء الله هنزل اجيب السيرامبك للشقه

هجيب للريسبشن والطرقه بورسيلين والليفنج وغرفه الاطفال واوضتى باركيه اللى هوا dhf تقريبا اسمه كده
المهم مش عارفه اجيب منين البورسيلين وسيراميك الحمام والمطبخ ناس تقولى فينيسيا وناس تانيه تقولى لااا كليوباترا وانا محتاره اجيب منين احسن وعاوزة اعرف اييه الفرق بيب البورسيلين والسيراميك


وشكرا ليكم كلكم

ازيكو يا بنات
انا الحمد لله جبت التنجيد خلاص والستاير
واخترت الوان مكنتش موتقعاها ههههههه يللا الحمد لله
الصالون هيبقة لبني
والركنة كافيه
والانتريه جراي في سيلفر واحمر
والستاير قريبة من الكلام ده :) كله
لوحد عاوز يسأل عن اسعار او حاجة انا في الخدمة

ام عمر افندى;15668870:
بنااااات عاوزاكم فى استشاااره ضرووورى جدا ان شاء الله هنزل اجيب السيرامبك للشقه

هجيب للريسبشن والطرقه بورسيلين والليفنج وغرفه الاطفال واوضتى باركيه اللى هوا dhf تقريبا اسمه كده
المهم مش عارفه اجيب منين البورسيلين وسيراميك الحمام والمطبخ ناس تقولى فينيسيا وناس تانيه تقولى لااا كليوباترا وانا محتاره اجيب منين احسن وعاوزة اعرف اييه الفرق بيب البورسيلين والسيراميك


وشكرا ليكم كلكم

البورسلين اشيك يا بوسي واغلى طبعا
بصي بيبان من اللمعة خسارة تحطي عليه سجاد ههههههه
والمتر باة اقل حاجة شوفتها درجة تانية المتر ب 59 وفي معاكي لحد 100 ببيتهالي مش عارفة في اكتر والا لاء





دول كده بروسلين طبعا
اسيراميك باة هتلاقي ب 30 و40 المتر
وهكذا

تجيبي منين باة انا بقول مش تسممعي كلام حد انزلي لفي وشوفي في الاخر ممكن تجيبي من كل حتة حاجة انا جايبة من رويال
وقالولي عليه حلو اوي بس المطبخ كليوباترا
فعادي يعني
بس انا عاوزةا قولك نصيحة لوجه الله
الباركيه dhf ده شوفيه بعنيك ونقي لون فاتح
اختي عملته كرهني في شقتها بصراحة مطفي وغامق وكئيييييييييييييب
ومعاه ملمع فاشل معمل حاجة بهدل الدنيا بس:thumbs_down::thumbs_down:
مش عارفة هوا وحش واالا اللون غامق اوي هيا عاملاه بني شيكولاتة
الموهم شوفي بعينك يعني احسن :)

يابنات ضرورى عايزة صور المفارش اللى بتتحط تحت ازاز التسريحة والكمود

miss_mony2;15652051:

يارا بصي هي اهم حاجة عندي ستارة اوضة الانترية تكون شيك وبسيطة ومودرن في نفس ذات الوووقت فهمتيني

بصي كل اللى ع النت متشابه انا نقيتلك دول بحس انهم شيك وسيمبل اوي







خاصة دول

salad;15652595:
كلاسيك انا مش هحطها تحت السفره دى جنب السفره فيه مكان كبير فاضى كنت عامله فيه مشايه بس عاوزه سجاده افضل

اعتقد عادي بصي انتي بعينك لما تروحي تتفرجي هتعرفي

هتبقى كونتراستد مع باقي السجاد ولا لأ

.* اميرة *.;15670184:
يابنات ضرورى عايزة صور المفارش اللى بتتحط تحت ازاز التسريحة والكمود

والله يا ميرو انا كنت حاطه هنا صور المفارش اللى جبتها حلوة اوي وبسيطة

وكنت جيباها من معرض عندنا في الزقازيق كان بيبعها الصينيين

ولما رحت سيتي ستارز اخر مرة لقيت واحد من اللى بيقفوا في بارتشنز دول

بيبعهم وهما في منهم مفارش للسرير والسفره كمان

اهم دورتلك عليهم لحد ما لقيتهم


دي التسريحة




والكمودينو





او ممكن تجيبي حاجة زي كده بس ده كان طقم اتنين مربع وواحد مستطيل

ربنا يكرمك يايارا متشكرة قوى

روووووفه حبيبه قلبى واحشااااااااانى يا مضرووبه

يبقا خلاص ان شاء الله بورسيلين اصل فى ناس كتير قالولى مش عملى عشان بيزحلق اووى بس انا مش مقتنعه بالموضوع ده

وبالنسبه للباركيه انا شفت الغامق والفاتح فى شقه صاحب جوزى حلو عجبنى اوى بس لما شفت الكتالوج فى درجه حلوووة جدا هيه لا فااااتحه اوووى ولا غامقه درجه وسط كده تحفه هيه دى اللى ناويه عليها ان شاء الله

مشمشة.;15673034:
[BACKGROUND="70 #FFCCFF"]

بنات قولولى بقاا اخر كلام اعمل خشب اوضة الاطفااااال بنى ولا ابيض

انا الاوضة نفسها لونها لبنى * ازرق

جوزى بيقولى الابيض واللبنى فى الخشب مش عملى وعاايز يعملها بنى

انتوا رايكم اية

واللى عندة موديلات سراير اطفال تكون حلووووووووووووووة كدة وعسولة تدارى موضوع اللون البنى دة يورهالى ضرورى جدااااااااااااا

لانى خلاص ان شاء الله هبداء اعمل فيها

[/BACKGROUND]

بصى انا رائى الاستر افضل لان جمال الخشب فى اظهار ثمرته كمان لو حبيتى تدهنيها بعد كدا ممكن تجيبى الاستورجى فى البيت ويعملها بعكس اللاكيه هضطرى توديها الورشه عشان تترش بالدوكو بس بلاش موضوع البنى ده هتبقى قاتمه اوى ممكن تعمليها بيج اللى هو مدى على اصفر زى كدا :

يابنات انا عاوزة اعمل خدديات اعمل ايه بفكر اجيب قماش واعمل كام واحدة
بس فين وازاي باة

[BACKGROUND="70 #333333"][BACKGROUND="70 #CC99CC"]

esraa_ali;15678379:

مش عارفة ابدء منين ولا ازاى ولا متأكده حد هنا هيفتكرنى ولا لا
انا كنت هنا زماااان ومشيت لان الدنيا شالتنى وحطتنى و وقفت تجهيز وكنت متنكدة و محبتش افضل هنا واشع نكد بقا :thumbs_down:....بس الحمد لله ربنا يسرها جدا و فرحنى الحمد لله وهرجع اجهز و اشطب شقتى وافرح بيها ان ربنا اراد يارب و اخيرا رجعت للملجأ بتاعى :D...ودلوقتى فيدونى انا شقتى ع الطوب الاحمر واحمد مش هنا وانا هبقا شبه مسئولة عن كل حاجة وقرايبه معايا بس عاوزة ابقا فاهمة و كأنى لفيت وكله عشان مش ابقا بطيخة:| ....ف فيدونى دلوقتى لو عاوزة اعمل حركة البرواز دى بتكون بالطوب الاحمر الاول ؟؟
http://go.3roos.com/fo33nnp52u9
و بردو عاوزة اعرف ازاى اعرف اماكن الاباليك والاسبوتات وانا لسه مش اختارت عفشى ولا عرفت ايه هيتحط فين ما يمكن اعمل ف مكان و اضطر اخط مثلا فيه حاجة غير اللى ف بالى ؟؟ فهمةنى ايه النظام

و فيه اوضة نوم تحفة ب 16 الف كبوتنيه زى ما انا نفسى بس خايفة من تنضيفه و خايفة الدهان يصفر لانه ابيض و انا هقفل الشقة سنيييييين

اسووو حمدلله علي السلامة وربنا يجمعك انتي وأحمد قررررريب ياااااااااارب ويلم الشمل بقي عاجلا عاجلا
نفسي افيدك والله باي حاجة...بس انا في الحوارات دي حمادة بالجنزبيل
ههههههههههه:lol::lol:

تعالي بقي التجهيزااااااااااات
« تجهيزات عرائس ' مصر ' لشهر ذو القعدة 1432 - 2011 م / الجزء : 165 »

[/BACKGROUND][/BACKGROUND]

يارا وكل البنوتات عايزة افكار لترتيب تسريحة اوضة النوم بس تكون ناعمة مافيهاش زحمة