ملف استفسارات بنات مصر للديكور ( الجزء الثالث )

اميرة انا هعملة ساقط ف الرخامة بس بصراحة انا مش عارفة يعنى اية بصفاية

اما موضوع تعرفى ازاى ان حد رد على مشاركتك

بتقرى كل المشاركات اللى بعد مشاركتك وتشوفى مين رد عليكى

يا بنات بليييييييز ساعدوني انا نتضايقة اوي و متنكدة و كمان نكدت علي خطيبي

بسبب ان بتوع الغاز النهاردة دخلوا الغاز بس في مشكلة في كوع ماسورة دخلوة من الريسبشن يعني في

حيطة في الريسبشن فوق في الزاوية كدة معدية كوع ماسورة و طبعا باين أوي ياريت اللي مرت بمشكلة زي دي او حتي اي حد يقولي افكارة أعمل اية في الحتة دي بجد هتجنن وانا هعمل مودرن ان شاءالله وادعولييي عشان واقعة مع خطيبي اليومين دول بجد الواحد علي أخرةةةةةةةةةةةةةةةةةةةة

مشمشة.;14656284:
اميرة انا هعملة ساقط ف الرخامة بس بصراحة انا مش عارفة يعنى اية بصفاية

اما موضوع تعرفى ازاى ان حد رد على مشاركتك

بتقرى كل المشاركات اللى بعد مشاركتك وتشوفى مين رد عليكى

مشمشة ازيك يا جميل ؟ ميرسى على ردك اصلى كنت فاكرة انة بيتبعت نوتيفاكشن على الميل اتارى انى لازم اقرا كلة بس مش مشكلة كلة افادة بالنسبة للحوض اللى بصفاية
بصفاية دة اللى هو الحوض استانلس و جمبة حتة ستانلس مستقيمة كدة فوق الرخامة اكيد شوفتيها لو تحبى ممكن ارفعلك صورتة
بس بيقولولى عملية اكتر مش عارفة

حبيباتي عاملين اية يا قمرات واحشني جداااااااااااااااااااا

زي مانتو شايفين في مقدمة المشاركة بتاعتي
انا قولت مادخلش عليكم وايدي فاضية وقولت اجبلكم معايا صور ستاير خلاصة تجميعي تحويشة عمري من الصور للشهور الماضية ههههههههههههه
بس بليززززززززززززز رجاء خاص من كل المشرفات العسولات ارجوووووووكم ماتحذفوش المشاركة دي رجاااااااء خاص بجد لاني بقالي اربع أيامبحاول اارفعهم والنت يفصل ويبوضلي كل حاجة بجد تعبت في رفعهم

علشان الفايدة تعم






















































































ياااااااااااااارب يكونوا عجبوكم او اخدتو منهم اي افكار










سؤال ديكوري كدة ؟؟؟؟؟؟هو يستحسن اوضة النوم نكون جمب الحمام الرئيسي ولا عادي واية الاحسن الوردي (الروز)) والا الاحمر لاوضة النوم

MARMORA_A;14650291:
هههههههههه وانا زيك بالظبط ياشيمو الظاهر كل الطنطاوية كده
اقول لخطيبى الوميتال واخر كلام
بعدها كام يوم اقوله الخشب شيك وهكذااااااا لحد الان

ربنا يخليكى طمنتينى شوية



حد يفيدنى كمان زى شيمو^o)

والله العظيم مطبخ ماما الوماتال وزباله ولسه عامله من شهر ١٠ اللي فات وعامله تقنع روحها انه كويس خليك في الخشب مضمون وانتي ممكن تدهنيه دوكو اللون اللي انتي عايزاه وممكن تلزقيه قشره

amira_salam;14656010:
بنات عايزة اسألكم على الحوض ف المطبخ اعملة ساقط فى الرخامة ولا بصفاية ؟؟
خطيبى عايزنى اعملة فى الرخامة علشان اشيك كمان بيقولى ان اللى بصفاية بيحتاج حاجة معينة فى تركبية بس انا حاسة ان اللى بصفاية عملى اكتر اعمل اية ؟؟ لو حد عند خبرة فى الموضوع ياريت يشاركنا

كمان حاجة تانية ازاى اعرف ان حد رد على مشاركتى :)

حبيبتي

احنا عاملينه في بيت بابا ساقط في الرخامة و انا هاعمله كدا إن شاء الله

و فعلا انا باحسه اشيك بس هي وجهات نظر:)

بس مش فاهمة قصدك ازاي اللي بصفاية عملي اكتر ؟

حبايبي

انا بافكر اجيب برواز فوق السرير إن شاء الله بس السرير عندي مش وسط الاوضة بالظبط

يا ترى هيبقى حلو ؟ على اساس ان البرواز هيبقي مش متوسط الحيطة

يا بنات قولولى ايه رأيكم فى الصالون ده بس انا ممكن اعمله بنفسج فى فضى
وفكركم سهل حد يعرف يعملى الخشب الفضى ده بسهوله ولا محتاجه نجار شاطر



ولو انا هعمل لون موحد للمطبخ اللى هو التفاحى فى معظم ادوات المطبخ ايه رأيكم فى الطبخ نفسه لو خشب هيبئى حلو ولا الوميتال احسن ؟؟؟؟؟؟

السلام عليكم ازيكم يا حلي بنات
انا لقيت كتير بيسألو عن المطابخ انا هنزل صورة لمطبخي وهو خشب زان وحلو ماشاء الله واي سؤال انا جاهزة

amira_salam;14650914:
مرمورة يا جميلة انا كنت محتارة بردة بس احترت اسبوع واحد :D مش اكتر و بعدها توكلت على الله و قولت خشب

كويس لحد الان رجعت عن قرارى وبقى خشب :lol::lol: تعبت نفسيا وربنا:(

amira_salam;14656010:

كمان حاجة تانية ازاى اعرف ان حد رد على مشاركتى :)

تابعى الردود ياحبيبتى :)

Love You 7abibi;14657621:
انشاءاللة وادعولييي عشان واقعة مع خطيبي اليومين دول بجد الواحد علي أخرةةةةةةةةة

ياحبيبتى ربنا يصلح احوالك مع خطيبك
بس اكتبى ان شاء الله وليس انشاء الله فالمعنى مختلف :-#

the happy flower;14658256:
والله العظيم مطبخ ماما الوماتال وزباله ولسه عامله من شهر ١٠ اللي فات وعامله تقنع روحها انه كويس خليك في الخشب مضمون وانتي ممكن تدهنيه دوكو اللون اللي انتي عايزاه وممكن تلزقيه قشره

خلاص ان شاء الله خشب ويااااارب ماارجع فى كلامى:(

nemo nemo;14658542:

ولو انا هعمل لون موحد للمطبخ اللى هو التفاحى فى معظم ادوات المطبخ ايه رأيكم فى الطبخ نفسه لو خشب هيبئى حلو ولا الوميتال احسن ؟؟؟؟؟؟

ما شاء الله يانيمووو حلو اووووى
وبعدين بالنسبة للسؤال
ف نوووووو كومنت ههههههههههههههههه:-# اسكتى انا حالا اتثبت انى اعمله خشب يارب ماارجع فيه تانى:(

nemo nemo;14658542:

وفكركم سهل حد يعرف يعملى الخشب الفضى ده بسهوله ولا محتاجه نجار شاطر
ولو انا هعمل لون موحد للمطبخ اللى هو التفاحى فى معظم ادوات المطبخ ايه رأيكم فى الطبخ نفسه لو خشب هيبئى حلو ولا الوميتال احسن ؟؟؟؟؟؟

الصالون سها جدا اي واحد بتاع دهان صالونات يعماهولك لان في كللل الالوان علي فكرة في دهان الخشب
بالنسبة للمطبخ الاتنين حيكونوا حلوين قوي وانا بحب البيج مع التفاحي

red roseee;14658241:



حبيباتي عاملين اية يا قمرات واحشني جدااااااااااااااااا
سؤال ديكوري كدة ؟؟؟؟؟؟هو يستحسن اوضة النوم نكون جمب الحمام الرئيسي ولا عادي واية الاحسن الوردي (الروز)) والا الاحمر لاوضة النوم

شكرا علي الستاير الحلوة ديه
وعادي مش لازم الحمام يكون جنب اوضة النوم المهم تكون اوسع اوضة في الشقة ونا بحب الوردي اكتر لان بيقولوا ان الاحمر لون مثير للاعصاب ومحدش يقدر يقعد فيه كتير علشان كدة بيستخدم في محلات التيك اواي علشان الناس تاكل وتجري

*miso*;14658278:
حبيبتي

احنا عاملينه في بيت بابا ساقط في الرخامة و انا هاعمله كدا إن شاء الله

و فعلا انا باحسه اشيك بس هي وجهات نظر:)

بس مش فاهمة قصدك ازاي اللي بصفاية عملي اكتر ؟

حبايبي

انا بافكر اجيب برواز فوق السرير إن شاء الله بس السرير عندي مش وسط الاوضة بالظبط

يا ترى هيبقى حلو ؟ على اساس ان البرواز هيبقي مش متوسط الحيطة

أنا كان نفس الموضوع بس هنعمل اية انا هستهبل واعمل نفسي مش واخدة بالي المهم وسطني البرواز في وسط السرير ماهو مش معقول هنسيب الاوضة قرعة:(

nemo nemo;14658542:
يا بنات قولولى ايه رأيكم فى الصالون ده بس انا ممكن اعمله بنفسج فى فضى
وفكركم سهل حد يعرف يعملى الخشب الفضى ده بسهوله ولا محتاجه نجار شاطر



ولو انا هعمل لون موحد للمطبخ اللى هو التفاحى فى معظم ادوات المطبخ ايه رأيكم فى الطبخ نفسه لو خشب هيبئى حلو ولا الوميتال احسن ؟؟؟؟؟؟

الفضي في الموف الغامق بيكون تحفة بس اهم حاجة مش النجار الاهم الاستورجي لازم يكون نضي عشان الدهانات انواع واعتقد احسن حاجة في الفضي الايطالي

hananany;14658766:
السلام عليكم ازيكم يا حلي بنات
انا لقيت كتير بيسألو عن المطابخ انا هنزل صورة لمطبخي وهو خشب زان وحلو ماشاء الله واي سؤال انا جاهزة

مطبخك ماشاء الله تحفففففففففففة وراقي جدا

ياجماعه انا كمان حيرانة اعمل المطبخ خشب ولا الوميتال وياريت الى عملوا خشب يقولولنا النجارين االى عملوا عندهم فين والاسعار

Love You 7abibi;14657621:
يا بنات بليييييييز ساعدوني انا نتضايقة اوي و متنكدة و كمان نكدت علي خطيبي

بسبب ان بتوع الغاز النهاردة دخلوا الغاز بس في مشكلة في كوع ماسورة دخلوة من الريسبشن يعني في

حيطة في الريسبشن فوق في الزاوية كدة معدية كوع ماسورة و طبعا باين أوي ياريت اللي مرت بمشكلة زي دي او حتي اي حد يقولي افكارة أعمل اية في الحتة دي بجد هتجنن وانا هعمل مودرن انشاءاللة وادعولييي عشان واقعة مع خطيبي اليومين دول بجد الواحد علي أخرةةةةةةةةةةةةةةةةةةةة

نفس الموضوع عندى وكمان العداد محطوط فى الريسبشن

مش هتقدرى تعملى حاجة غير وانتى بتدهنى الشقة تتدهنى المواسير اون الحيطة مش هتبان اوووى

سمسمه23;14661048:
ياجماعه انا كمان حيرانة اعمل المطبخ خشب ولا الوميتال وياريت الى عملوا خشب يقولولنا النجارين االى عملوا عندهم فين والاسعار

انا من الاسكندرية وعملتو عند واحد في محرم بيك وهوكان عارض المطبخ عند الملواني الي في المنشية ولحد دلوقتي موجود لو حد عايز يشوفة واتكلف 14000 لان مطبخي كبير ما شاء الله تقريبا 4 في 5 وانا حطيت صورتو في الصفحة السابقة واي سؤال انا في الخدمة :adore:

يا بنات بصو الديكو ر ده



عايزه اعمله بس ع حيطه مش سقف زى كده يعنى




حد يعرف بيتعمل ازاى جبس وللا كسر فى الحيطه ولازم يبئى الحيطه ليها شكل معين علشان يتعمل الديكور ده ومين اللى المفرو يعمله يعنى محار لا بتاع جبس ولا ايه بالظبط ردو عليا بالله عليكم

بصي يا نيمو نيمو دي اسمها تجاويف جدارية ممكن بتاع المحارة يعملها وهتبقي احسن وامتن من الجبس

نور ...;14664057:

يابنات لو سمحتم تعرفوا ايه عن اثاث in and out كويس والا اى كلام

مشمشة.;14664123:

حبيبتى انا اعرف انة حلو بس غالى ناااار

MARMORA_A;14650291:
هههههههههه وانا زيك بالظبط ياشيمو الظاهر كل الطنطاوية كده
اقول لخطيبى الوميتال واخر كلام
بعدها كام يوم اقوله الخشب شيك وهكذااااااا لحد الان

ربنا يخليكى طمنتينى شوية



حد يفيدنى كمان زى شيمو^o)

اولا السلام عليكم انا مش باشارك كتير لكن باتابعكوا والصراحة استفدت منكوا كتير اوي بصي الالوميتال ليه مميزات وعيوب وكذلك الخشب الالوميتال ميزته في ان فية تنوع جامد في الالوان زي مانتي عايزة وممكن تعملي الوان مطرقعه على كيفك كمان مفيد انه ممكن تغسلية انشالة بالخرطوم وانت مطمنة كمان مش تقلقي من الحشرات ابدا بس عيبة انه غالي شويه ومحتاج صيانة كل فترة بس لو عاملاة عند حد موثوق ولازم تاخدي بالك من قطر القوائم كام بوصه طبعا احسن حاجه 4.5 او على الاقل3.5 وكمان تاخدي بالك من نوع الفايبر كبعا برضة احسن حاجة فيبر ملمس جلد اما الخشب في بيبقي ارخص شويه وساعات بيبقى شكلة اقيم بس لو خشب زان ودهان جامد وفي كمان اللي هو خشمنيوم ودة مش اي خد يعملهولك لانه فيه خم جامد بس هو اغلي كتير اوي لوقالك مثلا اقل من2000 للمتر لازم تشكي وهو بيجمع بين مميزات الاتنين وبالنسبه للرخام الرخام اللي هو اسود بيلمع ده اشيك واغلي اقوي واحد دة اللي انا اعرفة ويارب اكون افدتك