ملف استفسارات بنات مصر للديكور ( الجزء الثالث )

مشمشه طب ورينى الموديل كده

ماااشى هرفعة وانزلهولك هدور علية على النت اصلى ف الشغل مش البيت

حبيبتى هى شبهة دى

بيقولى الفستونات على ماسورة لوحديها والجناب على ماسورة يبقا مش هيبقا مكان للخفيف وهيبقا شكلها وحش انا بصراحة مش مصدفقة

soshe معلش يا قمر مش عارفة الاقيلك المشاركة تقريبا الصور عدى عليها سنة فمش باينة
بس ولا يهمك هنزلك صور دلوقتي

مساااااااااااااء النور يا بنوتات عاملين اية
اخباراتكم الديكورية اية ؟؟


بناء على طلب العسولة سوشي !!
دي مجموعة من صور للكرانيش وحجات الجبس واتمنى اكون قدرت افيدك يا سوشي وافيد يابنوتات .....




































وبس
يارب نعجبكم

ريد روز حبيبتى ربنا يخليكى ليا يارب الصور حلو وأنا سيفتها عندى
دودا اعملوها ابيض

dodda2;14816065:

مساااااء الخيرررر يابناااااات

عندى كام سؤال وياااااريت تردوا عليا

دلوقتى احنا بنوضب شقة اخويا وعايزة اعرف
الشبابيك والأبواب الأحسن نعملهم
لون فاتح ابيض مثلآ او اوف وايت
عشان يليق على اى لون فى الحيطان
ولا بنى احلى ويبقى بنى مط ولا اييييه

والسبوتات اللى فى مراية الحمام
بتبقى بفيشة ولا زرار

يااااااريت تردوا علياااا ضرورى

اعملوها بنى او بنى محروق انا اخويا عامله فى شقته وعامل الكرانيش نفس لوب الابواب والحيطة درجة من درجات البيج بس والله وهم الى شاف شقته عجبه الالوان قوى

رووفة;14813908:
ربنا يكرمك يا وحي انا عملت سيرش عليه شكله حلو
بس هوا مايتخلعشي يعني كويس وكده
وبعدين بيتمسح عادي ^o)معلش غباوة باة ههههههه
وهوا كده اغلى من السيراميك صح ؟؟

بصي هو طبعا عايز محافظة جااااامدة
يعني بيتمسح بخيشة او شرشوبة معصورة خالص
تكون مندية بس و تحاولي مايقعش علية ماية
وطبعا بيركبوة بطريقة معينة مايتخلعش طبعا
الا لو غرق ماية مثلا بيطلع لوحدة

هو طبعا لو جبتي نوع حلو زي البلجيكي
خيكون مكلف اكتر من السيراميك
بس انا زي مابقولك عاملة 3 أوض بس

dodda2;14816065:

مساااااء الخيرررر يابناااااات
عندى كام سؤال وياااااريت تردوا عليا

دلوقتى احنا بنوضب شقة اخويا وعايزة اعرف
الشبابيك والأبواب الأحسن نعملهم
لون فاتح ابيض مثلآ او اوف وايت
عشان يليق على اى لون فى الحيطان
ولا بنى احلى ويبقى بنى مط ولا اييييه

والسبوتات اللى فى مراية الحمام
بتبقى بفيشة ولا زرار

يااااااريت تردوا علياااا ضرورى

نودي الرسمة الاولي احسن بكتير اصل مش ينفع تبعدي التلفزيون عن الركنة كده ده هو بيكون اساسي معاها، والسفرة مش هاتبقي حلوة بردو لو جنب النيس في الرسمة التانية دي، خليكي في التنسيق الاولاني احسن بكتير وبلاش موضوع انك تعلقيه في الحيطة ده مش هاتبقي ظريفة في الريسيبشن بره خالص.

وبالنسبة للسفرة لازم يبقي تحتها سجادة وتبقي مالية المساحة بتاعتها كلها وزيادة شوية عن الكراسي كمان لبره هو ده المفروض بالنسبة للسفرة دايما


والبلاط انا جبت البوابة نضفته وغسلته كويس اوي وجبنا كلور خام تقريبا وبقت تحطه وتسبه شوية وبعدين تمسح وكده وبعدين الراجل بتاع المحارة كنا بنحكي معاه وكده علي الجلي واننا لقيناه غالي اوي وكمان مش هايبقي كويس بردو علي البلاط وهو كمان قالنا نفس الكلام وقال انا هجلكم يوم واعملها بالاسمنت الابيض وانضفها وهاتبقي حلوة اوي وزي الجديدة، بس قعد يسقيها بالاسمنت كان مخففه كتير وعاملة زي السائل كده كانه بيمسح الارض به وعمل الشقة كلها وكل الزوايا والخطوط بين البلاطات وكله ولما خلص مسحه بقي مسحة تمام، بس البلاط انا مش بفضل ابين منه اجزاء كتيرة عشان هو عكس السيراميك، بس بتاعك رسمته مختلفة عن بتاعي بردو، انا فعلا لما رحت اجيب منه تاني بدل الجزء اللي اتكسر لقيت اشكال كتيرة اوي ولما لقيت نفس الشكل بتاعي لقيت بردو منه كسر الرخام نفسه فيه قليل وفي كتير وفيه كبير وفي صغير وكويس اني عرفت افتكر من نفسي هناك واجيب نفس الشكل بتاعه بالظبط


انا عاملة الحمام بس طبعا سيراميك والمطبخ كنت هعمله بورسلين بس للأسف جه متأخر وكنا حطينا الخشب بتاع المطبخ وثبتناه خلاص فمكنش ينفع يتركب بعدها فقلنا مش مهم خلاص قدام بقي ان شاء الله لو هنجدد في سنة من السنين نبقي نعمله بس بجد السيراميك بردو بينور الشقة وبيغير فيها جامد اوي وبتختلف حسب الدهان نفسه والوانه، فيه الوان بتحتاج سيراميك معاها اكتر عشان يبرزها وفي الوان عادي بتبقي حلوة مع البلاط

بسم الله ما شاء الله يا كلاسيك ربنا يهنيكى يا رب

Love You 7abibi;14830613:

بناااااااااااات بليييييز فوقوا معايا كدة

انا محتاجة رأيكوا بسرعة
انا عايزة أعرف أماكن بتبيع أبواب أوكورديون(انا هركبة للمطبخ)
تكون شيك أوي ....انا قبل مابتدي توضيب الشقة شفت
حاجات تحفة مش اللي هي التقليدية دي
بيبقي فيها أزاز و الوان حلوة أوي
بس مش فاكرة خالص شوفتهم فين

انا خطيبي مايعرفش غير اللي هما تقليدين بيكونوا
لون واحد بني أو بيج
انا بصراحة عايزة حاجة شيك و مودرن لان باب
المطبخ دة هيكون في وش
باب الشقة علطوووووول
ماتكسفونيش و قولولي ممكن الاقيهم فين
لان خطيبي نازل انهاردة او بكرة بالكتيييير

لاف يو يا قمر اذيك

لو انتي في القاهرة
بصي بالنسبة لابواب الاكورديون انا اعرف محل جميل اوي لاعمال الديكور هو في الهرم
عند محطة المترو بتاعت الجيزة جنب الناساجون الشرقيون
عندو اشكال حلوة وشيك اوي
بيبقا مثللا نص زي ازاز ونص كانو حشب زحجات كتير

عايزة اسالكم سؤال غريب اول اصلا لو حد سالهولى هاقول عليه اهبل
بس والله مضطرة
هو الفوتيه بتاع الانتريه الكبير ده اللى كله متغطى بقماش تقريبا الكرسي بياخد كام متر قماش ؟؟؟

مشمشة.;14814100:
حبيبتى هى شبهة دى

بيقولى الفستونات على ماسورة لوحديها والجناب على ماسورة يبقا مش هيبقا مكان للخفيف وهيبقا شكلها وحش انا بصراحة مش مصدفقة

مشمشة

عاوزة اقولك انى روحت لاتنين بتوع ستاير عشان موضوع الفستونات دي وبيقولولي نفس الموضوع كده الفستونه علي ماسورة والستاره بتاعتها علي ماسوره لوحدها والستاره الخفيفه لوحدها علي ماسوره
المهم انى لما روحت لبتاع الستاير التانى وقالي نفس كلام الاول قولتله ان مفيش امكانيه انى اجيب ماسورة تالته وكده هتبقي شكلها مش حلو لو 3 مواسير وهبل
اخترعتله فكره ان الفستونه يعملها زي حزام بلاصق من ورا كده واحطها علي الستاره بتاعتها عادي دول يبقيوا علي ماسوره لوحدهم والخفيفه علي ماسورة لوحدها ... سكت كده وفكر كتير وبعدين قالي ممكن تمشي
فهمتى حاجه؟ اصل انا مش بعرف اشرح اوي معلش

Kolkola

بصراحة مش فاهمة حااجة

بناااااااااااااتيتي الحلوييييييييييييييييييييين
دي صوره سفره اختى اللي لسه مقري فاتحها
هي اختارت السفره دي وهنعملها عموله عند نفس النجار اللي عملي عفشي
هي هتعمل السفره والنيش
هتعمل السفره 8 كراسي
6 كراسي عادين
وكريسن هتعملهم ايدين ويبقوا فوتيه
ويتحطوا في الجمب وبينهم ترابيزه نونو كده كركن يعني
المهم قولولي رايكم في السفره عموما
وهما محتارين يعملوا الظهر منجد ولا يعملوه خشب عادي
وهل المنجد قديم ولا موضه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وايه رايكم نخلي الخشب على لونه كده ولا نغمقه درجتين او 3

لاسبوزا بيتهيألي الغامق هيبقي اشيك و كفاية تنجد كرسين بس و الباقي تسيب ضهرهم خشب

lasposadelnilo;14854871:
بناااااااااااااتيتي الحلوييييييييييييييييييييين
دي صوره سفره اختى اللي لسه مقري فاتحها
هي اختارت السفره دي وهنعملها عموله عند نفس النجار اللي عملي عفشي
هي هتعمل السفره والنيش
هتعمل السفره 8 كراسي
6 كراسي عادين
وكريسن هتعملهم ايدين ويبقوا فوتيه
ويتحطوا في الجمب وبينهم ترابيزه نونو كده كركن يعني
المهم قولولي رايكم في السفره عموما
وهما محتارين يعملوا الظهر منجد ولا يعملوه خشب عادي
وهل المنجد قديم ولا موضه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وايه رايكم نخلي الخشب على لونه كده ولا نغمقه درجتين او 3

حاساها لون اغمق حاجة بسيطة هتبقي احلي..وبلاش تنجد الظهر بتاع الكراسي..بس ما شاء الله حلوة بجد
قوليلي يا نودي اتكلفت كام سفرتك عمولة..ومقاسها اد ايه؟؟
والراجل هياخد كام علي السفرة دي؟؟
وهو فين اصلاا النجار ده؟؟

*GOGO*;14854924:
لاسبوزا بيتهيألي الغامق هيبقي اشيك و كفاية تنجد كرسين بس و الباقي تسيب ضهرهم خشب

تسلميلي يا جوجو وفكره حلوه بجد لما قلتها لماما وايه عجبتهم اوي وان شاءالله هينجدوا كرسين اللي ليهم ايد والباقي يبقى خشب متفرغ

MshMosha;14854963:
حاساها لون اغمق حاجة بسيطة هتبقي احلي..وبلاش تنجد الظهر بتاع الكراسي..بس ما شاء الله حلوة بجد
قوليلي يا نودي اتكلفت كام سفرتك عمولة..ومقاسها اد ايه؟؟
والراجل هياخد كام علي السفرة دي؟؟
وهو فين اصلاا النجار ده؟؟

حاضر يا مشموشه نغمقها درجتين كمان وده راي العريس برضه

سفرتي ياستي اتكلفت 3500 بس نيش وسفره من غير بوفيه
والنيش كان عرض 2 متر اربع ضرف وصورتها قبل كده ونزلتها هنا
والسفره 180 و6 كراسي

اما السفره دي النجار هياخد فيها 5500 نيش 2 متر
والسفره طولها 2 متر
و8 كراسي
وكمان بالتربيزه الصغننه اللي هتتحط بين كرسين الفوتيه في الركن

والنجار ياستي في البلد عند اهل احمد في بلد قريبه اوي من المحله
هوا شاب عنده 26 سنه ودماغه حلوه اوي ماشاء الله
وبعدين بينزل القاهره كتير وبيعمل شغل كتير لناس هنا ومعندوش مشكله انه يسافر ياخد مقاسات ويتفق
ولو قلتليه خلص الحاجه في شهر هيخلصها قولتيه
6 شهور هيظبطها ويخلي الدهان في الاخر
ومتفاهم
انا اوضه نومي كانت صعبه اوي وطلعها زي الصور بالضبط
وعنده ورشه كبيره هناك
عارفه لما جبلي العفش في حاجات اتجرحت من النقل وازاز اتكسر وده العادي
جه تاني بعدا باسبوعين ومعاه المكنه بتاعه غط الهوا دي ولمعلي السفره كلها والنيش والبوفيه وكل حاجه فيها فتوته اتجرحت
لو عاوزه رقمه قوليلي وانا هوصيه ده شطور خالص
اسمه محسن

رووفة;14801285:
يا بنات تسمعو ان الارضيات ال MDH
لو حد يعرف يقوولي بليز
والاحسن اعمل الشقة كلها نفس لون السيراميك والا اغير فيهم
كنت بفكر اعمل الاوض كلها حاجة تاني غير الريبسشنات والطرقة
ها ايه رايكو

انتى وراحتك بس ممكن الصالة والطرقة لون والاوض كلها لون

اما لو كل حاجة لون هتبقى فرح العمده لكن عن نفسي بحب كله لون واحد

مشمشة.;14804655:
بنات انا اوضة النوم بتاعتى لونها روز

اما نزلت اجيب الستائر ش
لقيت اللون الروز هيبقا اوفر اوووى اجيبها بيضة ولا سوداء ولا مش اعمل ستارة خالص واريح دماغى اصلى جبت قماش الستائر كلة ماعدا غرفة النوم

اوف وايت هتبقى حلوة اوى ان شاء الله

مشمشة.;14813878:
هو عايز يعملها على بلتكانة وانا مش عايزة عشان عايزاها مودرررن

انتى ممكن تدكيكيها في المواسير حتى لو خفيفة هتنفع

dodda2;14816065:

مساااااء الخيرررر يابناااااات
عندى كام سؤال وياااااريت تردوا عليا

دلوقتى احنا بنوضب شقة اخويا وعايزة اعرف
الشبابيك والأبواب الأحسن نعملهم
لون فاتح ابيض مثلآ او اوف وايت
عشان يليق على اى لون فى الحيطان
ولا بنى احلى ويبقى بنى مط ولا اييييه

والسبوتات اللى فى مراية الحمام
بتبقى بفيشة ولا زرار

يااااااريت تردوا علياااا ضرورى

انا بحبهم يكون لونهم ابيض

الاسبوتات مش عارفه

Love You 7abibi;14830613:

بناااااااااااات بليييييز فوقوا معايا كدة
انا محتاجة رأيكوا بسرعة
انا عايزة أعرف أماكن بتبيع أبواب أوكورديون(انا هركبة للمطبخ)
تكون شيك أوي ....انا قبل مابتدي توضيب الشقة شفت
حاجات تحفة مش اللي هي التقليدية دي
بيبقي فيها أزاز و الوان حلوة أوي
بس مش فاكرة خالص شوفتهم فين

انا خطيبي مايعرفش غير اللي هما تقليدين بيكونوا
لون واحد بني أو بيج
انا بصراحة عايزة حاجة شيك و مودرن لان باب
المطبخ دة هيكون في وش
باب الشقة علطوووووول
ماتكسفونيش و قولولي ممكن الاقيهم فين
لان خطيبي نازل انهاردة او بكرة بالكتيييير

طيب ما تشوفيهم في العتبة والحتت دي