مســـاء الخير يا امهات وكروشات ..
بكتب لكم اليوم قصة ولادتي الاكشن العجيبة ..
_____________________________________
في البداية انا من اول مادخلت شهر التاسع جربت كل شي ممكن يسهل الولادة و يحفز الطلق قرأت القرآن سورة مريم ويس والزلزلة و الواقعة بشكل يومي ,, يوميا امشي تقريبا لمدة ساعة ,, يوميا اكل تمر وبكثرة كليت تمر وكل هذا ماجاب فايدة يعني خلصت التاسع و وطفت موعدي و انا مافي بوادر ولادة ,, كانت يوميا تجيني الالام وافكرها طلق بس كله كانت ريح استقبال تهيئة مثل مايقولو ..
المهم انا كانو عاطيني موعد تاريخ 25-1 وجى موعدي وطاف وانا مافي اي شي عطوني المستشفى موعد ثاني تاريخ 30-1 وبعد جى الموعد وطاف وانا مافي بوادر .. تاريخ 1-2 رحت لدكتورتي دخلت عليها من غير موعد المهم قالت لي بعطيج جانس بعد اسبوع اذا ماولدتي تجين نحط لج طلق صناعي ,, فحصتني من تحت وسوت شوي توسعة للرحم وقالت لي اكيد هاليومين بتولدي ماراح تنطري اكثر .. طلعت منها وانا مستانسة ..
يوم ثاني تاريخ 2-2 قبلها بليلة نا مو نايمة والصبح الساعة 7 جاني الم مثل الم الدورة واقوى وكان يروح ويجي كل 5 دقايق بالضبط بس طنشته قلت يمكن مو طلق ,, دخلت الحمام الله يعزكم نجان اشوف السدادة اهني قلت لا هذا طلق ,, ماخبرت زوجي وهو كان قاعد بيروح الدوام نطريته راح الدوام ورحت لعمتي وقعدتها من النوم وقلت لها انه عندي الم قامت سوت لي حليب وزعفرات وشربته و الالم زاد شوي ,, قامت حماتي اتصلت في زوجي وخبرته انه عندي طلق ورد رجع البيت .. على الساعة 9 وشوي وداني المستشفى والالم كان قوووي فحصوني نجان يقولون لي توج 1 سم ورجعت البيت ..
ظليت في البيت بس امشي و اكل تمر واشرب زعفران وماي ورد و اقره سورة مريم لين المغرب صرت ماستحمل الالم واخذني زوجي للمستشفى وفحصوني وسوو لي تخطيط وكنت متوقعة اني توسعت اكثر بس ماتوسعت كنت بس 1 ونص سم على هالالم و كان كل 4 دقايق ..رجعت البيت و احنا بالسيارة تونا وصلنا البيت زوجي كان يبركن السيارة ينفجر كي سالماي و يزيد الطلق والالم عليصرت ماستحمل قمت اصارخ نزلت من السيارة ركيض على الحمام وانا اصرخ من الالم وزوجي مسكين مو عارف شيسوي ..
المهم اخذت دش دافي وييحمى الالم اكثر ..ويرد يرجعني زوجي المستشفى وانا حزتها كنت اتوقع متوسعة اكثر الالم كان كل 3 دقايق وكان جدا قوي ,, بس وصلت عالمستشفى وحالتي يرثى لها من الالم نجان تقولي الممرضة توج 2 سم اهني انفجرت كل هالالم و انا مو متوسعة شي بس رفضت ارجع البيت .. ظليت بالطوارئ تقريبا ساعة ونص وكنت بموووت من الالم ماكنت ارتاح ثواني الا الالم يروح ويرجع ,,وانا كلما يجي الالم كنت اصارخ بكل قوتي وخواتي وحمواتي و امي و عمتي والممرضات الكل كان يهديني ويقولون لي تنفسي التنفس بيساعدج وانا ابد ماسمع ..
بعدها فحصتني الممرضة قالت لي 3 سم والحين بنوديج غرفة الولادة ,, المهم الساعة 11.30 في الليل ودوني غرفة الولادة و انا كنت بموت من الالم وكنت بس قولهم عطوني ابرة او دوا اي شي مهدئ وهم يقولون مايصير لما تصيري 6 سم نعطيج ابرة ,, المهم في غرفة الولادة وقفت الصراخ وحاولت اهدي نفسي و اساعد نفسي بالتنفس وصج فادني وايد الممرضة كانت مهتمة فيني وايد بغرفة الولادة وماتركتني دقيقة وحدة وكانت كل شوي تفحصني تشوف شكثر توسعت واجى الدكتور و كتب لي على ابرة مهدئ ,,الممرضة عطتني الابرة وقالت لي هذي بترخيج وبتوسعج بسرعة كنت وقتها 6 سم واول ماعطتني الابرة توقعت اني بهدى لكن لا هيهات الا الالم زااد اكثر وصار متواصل مافي مجال حتى اتنفس وحسيت نفسي ابي ادفع قالت لي الممرضة لا تدفعي مو زين لج ولا للبيبي حاولت امسك نفسي وقمت مادفع نطرت بس نص ساعة بس ماقدرت حسيت في شي يبي يطلع في شي قاعد يدفع قلت للمرضة خلاص ماقدر في شي قاعد يدفع فحصتني قالت الحين انتي 9 سم دفعي خلني اشوف الراس وحاولت ادفع وبين الراس قالت لالا صبري خليني اجهز الاغراض و مسكت نفسي ثواني الممرضة جهزت نفسها وجات مساعدة معاها و قالت لي يالله الحين مع كل الم دفعي و انا مع كل الم ادفع بكل قوتي طبعا مع الدفع كنت ادعي لكل الي في بالي و 3 محاولات وفي الدفعة الثالثة طلعت نور حياتي .. نجلاء ..الساعة 1.14 فجرا بتاريخ 3-2.. وحطوها على صدري واول ماطلعت اختفى كل التعب والالم و الي يضحك انه لما طلعت وحطوها على صدري كنت اسأل الممرضة بنت والا ولد قالت لي لا بنت ههههههه كنت ابي اتأكد ..
بعدين خيطوني واخذو البنوتة نظفوها و دخلو اهلي و اهل زوجي وزوجي .. والحمدلله على النعمة ..
عالدنيــا شرفت اغــلى البشر .. قصة ولادتي
z
21-02-2011 | 10:28 PM
ش
21-02-2011 | 10:41 PM
الحمد لله على السلامه
شكل ولادتك كانت متعبه عشت معاك القصه
الله يحفظلك البنوته وتشوفيها احلى عروس
شكل ولادتك كانت متعبه عشت معاك القصه
الله يحفظلك البنوته وتشوفيها احلى عروس
ط
21-02-2011 | 10:43 PM
الحمدلله على السلامه ومبارك ما جاكي والله يخفظ البنوته من كل مكروه والله يديم عليها الصحه والعافيه صج معاناه ولاتك الله يسهل علينا يااااااااااااارب
z
21-02-2011 | 11:55 PM
الله يسلمكم و يخليكم ,, الحمدلله على النعمة و تسلمووون
شجن.. اي والله وايد تعبت من الطلق اكثر شي وانا الي كنت افتكر انه الطلق مجرد الم يجيني واولد مباشرة ماكنت اظن هالكثر باخذ وقت لين اولد ..
شجن.. اي والله وايد تعبت من الطلق اكثر شي وانا الي كنت افتكر انه الطلق مجرد الم يجيني واولد مباشرة ماكنت اظن هالكثر باخذ وقت لين اولد ..
n
22-02-2011 | 12:33 AM
الحمد لله على سلامتك وتتربى الحلوة بعزكم يارب
*
22-02-2011 | 01:10 AM
الحمد الله على السلامة
تتربي البنوتة في عزكم
تتربي البنوتة في عزكم
U
22-02-2011 | 01:11 AM
الحمد الله على السلامه
@
22-02-2011 | 02:01 AM
الحمد لله على سلامتك زمرده
وتتربى نجلاء في عزكم يااااارب
وتتربى نجلاء في عزكم يااااارب
ف
22-02-2011 | 04:40 AM
الحمدلله عالسلامه
تتربى البنوته بعزكم
تتربى البنوته بعزكم
~
22-02-2011 | 05:40 AM
ماشاء الله الحمدلله على سلامتج
تتربى بعزكم البنوتة
تتربى بعزكم البنوتة
أ
22-02-2011 | 06:54 AM
الحمد لله على السلامه
أ
22-02-2011 | 07:10 AM
الحمد لله على سلامتك وسلامة الحلوة
ومابعد التعب إلا الراحه ان شاء الله بشوفة ضحكة نجوله
مبرووك ماجاك تتربى بعزكم ان شاء الله
ومابعد التعب إلا الراحه ان شاء الله بشوفة ضحكة نجوله
مبرووك ماجاك تتربى بعزكم ان شاء الله
ف
22-02-2011 | 08:18 AM
الحمد لله على السلامة و الله يحفظ لكم الطعمونة
ولادة البنت غالبا طلقها بمتعب ووقتها اطول
و يارب يرزقني و كل من تتمنة و نجرب ولادة الولد حتى نحكم
ولادة البنت غالبا طلقها بمتعب ووقتها اطول
و يارب يرزقني و كل من تتمنة و نجرب ولادة الولد حتى نحكم
ا
22-02-2011 | 08:29 AM
ماشاء الله ... مبروووووك
والحمد لله على سلامتج
وتتربى نجلاء بعزكم
والحمد لله على سلامتج
وتتربى نجلاء بعزكم
ا
22-02-2011 | 01:51 PM
الحمد لله على السلامة وتتربى الحلوة بعزكم
ب
22-02-2011 | 02:38 PM
الحمدلله على سلامتج وسلامة البوبو.......تتربى في عزكم ان شالله
ر
22-02-2011 | 02:45 PM
الحمدالله على سلامتج
م
22-02-2011 | 03:17 PM
الحمد لله على السلامه
[
22-02-2011 | 03:20 PM
الحمد لله على سلامتك
ومبارك ما أجاك
تتربى البنوتة بعزكم
ومبارك ما أجاك
تتربى البنوتة بعزكم
z
22-02-2011 | 04:30 PM
الله يسلمكم حبايبي
وتسلمو يارب عالدعوات و الله يرزق كل محرومة بالذرية الصالحة ان شاء الله ..
وتسلمو يارب عالدعوات و الله يرزق كل محرومة بالذرية الصالحة ان شاء الله ..