خوفوني من الولادة الطبيعية لدرجة اني ماصرت انام الليل .. وش العلم !!!

ايش نسوي حبيبتي ما باليد حيله
ولا تجلسي تسمعي كلام الحريم كل وحده غير عن الثانيه
تعرفي حتى انا اموت من الخوف لما اتذكر الولاده
بس الحين احاول اقول كلها تسأهيل من الله ومو كل الحريم في الولاده مثل بعض
وهذا الشي احسه يريحني شوي ويطمني
وخليها على الله لين هذيك الساعه
الله يسهل عليك وعلينا الولاده يارب

شجن الشجون;14545351:
ايش نسوي حبيبتي ما باليد حيله
ولا تجلسي تسمعي كلام الحريم كل وحده غير عن الثانيه
تعرفي حتى انا اموت من الخوف لما اتذكر الولاده
بس الحين احاول اقول كلها تسأهيل من الله ومو كل الحريم في الولاده مثل بعض
وهذا الشي احسه يريحني شوي ويطمني
وخليها على الله لين هذيك الساعه
الله يسهل عليك وعلينا الولاده يارب

الله يسهل ولادتنا يارب حتى انا خايفه خايفه وبكريه وسبق جربت حمل خارج الرحم وكانت فتح بطن وصعبه كثير وش نسوي توكلي على الله اسألي الدكتوره عن ابرة الظهر_او ابرة العضل_اوالكمام وربي يسهلها ويتمم علينا على خير ..

ماشاءالله تبارك الله اولاً

ثانياً لاتسمعين كلام بعض حريم ترى يحبون يسوون اكشن مادري ليش !!
انتي انسانه مؤمنه ثقي في الله وتوكلي على الله من توكل على الله فالله حسبه
واستودعي الله نفسج وطفلج وان شاءالله سهالات مافي داعي للقلق عزيزتي
اكثري من الاستغفار وقراءة القران .. الا بذكر الله تطمئن القلوب ....





لاتبحثين وايد ولاتسألين كلش خلي كل شي على الله
والله يكون بعونج يارب ويسهل عليج ان شاءالله ويرزق من يتمنى يارب







استغفرالله العظيم واتوب اليه

كريستاله;14545377:
الله يسهل ولادتنا يارب حتى انا خايفه خايفه وبكريه وسبق جربت حمل خارج الرحم وكانت فتح بطن وصعبه كثير وش نسوي توكلي على الله اسألي الدكتوره عن ابرة الظهر_او ابرة العضل_اوالكمام وربي يسهلها ويتمم علينا على خير ..

مهاا والحلا لهاا;14545386:
ماشاءالله تبارك الله اولاً

ثانياً لاتسمعين كلام بعض حريم ترى يحبون يسوون اكشن مادري ليش !!
انتي انسانه مؤمنه ثقي في الله وتوكلي على الله من توكل على الله فالله حسبه
واستودعي الله نفسج وطفلج وان شاءالله سهالات مافي داعي للقلق عزيزتي
اكثري من الاستغفار وقراءة القران .. الا بذكر الله تطمئن القلوب ....





الله يكون بعونج يارب ويسهل عليج ان شاءالله ويرزق من يتمنى يارب






استغفرالله العظيم واتو اليه

مـثل ما قالو لش البنات لا تسمعين كلام احد ,,
اني مثلش كنت خايفه من الولادة الطبيعيه حتى كنت اقول ما ابي اولد طبيعي ابي قيصيريه !!
وكل وحده اتقول لي الولاده تخوف و الولادة تعرور ومدري شنو وكنت اخاف عددددل حتى يوم قربت ولادتي كنت حدددي خايفه من سالفة الولادة !!

بس لمى ولدت كلش غير ,, يعني كل وحده ولادتها تختلف عن الثانية
مو شرط الي يصير ويا غيرش بيصير وياش ,, وكلها سهلاات من عند رب العالمين ان شاء الله !!
والله يسهل عليش ان شاء الله وتكون ولادتش سهله وتقومين بالسلامة يارب

انا ثاني حمل وميته خوف من الولاده بس الحمدلله كلها ساعات وتقر عينج باحلى بيبي

الله يسهل علينا ويرزقنا ولاده سهله ميسره

ؤالله انا ثاني حمل ؤالاؤل كان طبيعي ؤبصراحة مؤؤؤؤؤؤؤؤؤؤؤؤؤؤؤؤؤت حمر ============> تزيد خؤفك خخخخ

يعني ؤلادة ؤبني ادم يطلع منك ماأتؤقع بتكؤن سهلة خخخخخخخخخ


مع العلم ترى تختلف من ناس للناس ؤالله أشؤف حريم ماشاء الله يطلعؤن الصبح الظهر ؤالدين ؤمافيهم بلاء
انا ؤلادتي 3 أيام طلق لين طلعت رؤحي هالشيء عقدني كثير بس اقؤل يمكن هالمرة تفرق ؤربي ييسر لي بؤلادة سهلة ياررررررب لي ؤلكل الحؤامل

بس تدرين شلؤن تهؤنين على عمرك حطي في بالك كلها كم ساعة ؤتخلص ؤانه تكفير لكل ذنؤؤؤؤؤؤؤبك

شوفي حبيبتي --التزمي بالاذكار والاستغار كثري منه واهم شي الدعاء

أنا كنت زيك لدرجة اني ماأنام -- بس التزمت بالدعاء والاستغار وصارت ولادتي اسهل ولادة بأولادي كلهم

الله يسهل عليك ان شالله

الله يسهل عليج ولادتج


لا تخافين كل وحدة تختلف عن الثانية يعني يمكن تكون ولادتج سهلة وماتحسين بالم كثير

حبيبة حبوب;14545647:

الخوف شيء طبيعي

آنه لما كنت حامل كنت دايماً اقول ابي اولد بعملية ما ابي اولد طبيعي ما اتخيل نفسي اولد طبيعي

والكل كان يقوولي الله يستر شنو بتسوين لما تولدين لأن البيت كلهم يعرفوني ان من النوع إللي اخاف وأصيح " ابكي " على اقل شي
والله لو تجرحني سكين جرح صغير اقوم الدنيا كأنه يدي بكبرها منشقة ..

امي كانت تقولي انتي لما بتولدين لا تقولين لنا ما فينا شده صيااح من اول وجع بتقعدين تزين لنا وتقولين بولد ههههههههه
روحي ويا زوجج ولا تخبرينا ...

بس والله على إللي سمعته في الولاده توقعت اشوف شي اصعب بكثير من إللي شفته

هو اكيد في ألم هذا شيء طبيعي بس مو ذاك الألم إللي وصفوة لي
يعني لما ولدت وطلعو بنتي قالو لي مبروك بنت قلت لهم خلاص طلعت ولدت

قالو اي خلاص !!!! كل شي اووكي ....

يعني لا تخافين ولا تفكرين واااااايد
كل شي بيد الله وربي بيهون عليج

بس من تدخلين الشهر التاسع اكلي تمر كل يووم
واهم شوم وقت إلي تحسين بألم الطلق من تحسين بشوي ألم أكلي تمر وايد يسهل الولاده

آنه في البداية نزل على ماي البيبي وقعدت حطيت لي التمر وآكل والحمد الله ربي رزقني ولاده ميسررة

واهم شي وقت الطلق والولاده سورة الزلزلة وايد تهدي النفس وتسهل .....

وربي يهووووون عليج يااارب

ولا تخاافين ولا تفكرين ...

خليها على الله
وبعد ما تولدين بتقوولين صج الطبيعي احسن من العملية
لانه الجراحه كلها 10 ايام بالكثير وتقومين اوكي
بس العملية على ما سمعت ساعات بالشهر ما يقعدرون يتحركون عدل

كأني تكلمت وايد وقلت قصة حياتي
مسامحة

ربي يسهل عليج

سبحان الله انتي شراتي خواتي لمن يولدون م يقولون لامي لان امي حيييل م تستحمل
وعمتهم وزوجهم يكونو معاهم...

المهم حبيبتي صاحبة الموضوع نصيحتي لج لا تسمعين كلام الحريم ولا خواتج ولا اي احد ولمن تسمعيهم يسولفو سوي شراتي اطلعي عنهم ...
لان كل وحده تختلف عن الثانيه واستمتعي بحملج وحطي ف بالج هالشي مكتوب لنا
والسهاله م رب العالمين.
وجع ساعه ولا ايام بالعمليه..
وربي يسهل عليج وعلينا يارب.

لاتحملينها بزياده
ترى الولاده بيدك انتي اللي تسهلينها
خلي املك بالله كبير

اولا توكلي على الله لان ما بيصير شي الا اللي الله كاتبنه

ثاني شي لا تسمعين كلام الحريم لان اخديها قاعده كل وحده تعطيش سيناريو فلم رعب اكثر من الثانيه وكلهم يرجعون يحملون مره ثانيه من غير ما يتخوفون من الولاده

وكل وحده تختلف ظروف ولادتها عن الثانيه فما تقدرين تتوقعين شنو بيصيدش في الولاده

ثاني شي الله ما قدر يخلق الجنين من رحمش الا قادر انه يطلعه من هالمكان الصغير

فيه ناس تطلق في اسبوع وتولد و فيه ناس تطلق في ساعتين و تولد يعني كلها تياسير من رب العالمين

عليش بالاذكار و القرآن والدعاء والله بيسهلها انشاء الله

على قولة البنات تساهيل من رب العالمين
وشوفي هذا الموضوع ان شاء الله تستفيدين منه
http://go.3roos.com/8qfbl5kybbp
والحين فيه اشياء تخفف الالم الحمدلله ابرة الورك او العضل يعطونك اياها قبل الولادة بشوي وهذي ماتحسين لا براس ولابخياطة
عطوني اياها بولدي الاول والكمام برضو يهبببل كنك في حلم ماتركزين على الالم
وفيه مخدر يحطونه بالمغذي هذي اشياء بسيطة اذا طلبتيها عطوك اياها علطول وخاصة الكمام
والله يسهل علي وعليك والمسلمين
ادعيلي يجيني الطلق باقي اسبوع واخلص التاسع

حبيبتي والله كنت مثلك وكنت ميته رعب لدرجة اني وسوست اني بموووت وكتبت وصيتي لزوجي انه مايتزوج علي:o بس وقت الولاده ماحسيت بشي بس ابي اولد وماحسيت بالالام اللي اسمع عنه الام خفيفه هذا اللي حسيته وعلى فكره حبيبتي اذا حسيت لالطلق اشربي حليب بالشمر مرره ممتاز يعجل بالولاده بدال الام الطلق انا جربته مره كان ممتاز لدرجة اني بغيت اولد بالسياره بس ربك ستر ولما كشفوا قالولي فل على غرفة الولاده طوالي وبس اهم شي لاتخافي بكذا تتعب نفسيتك وبيتعب البيبي والله يقومك بالسلامه يارب