مشكلة لا اعلم سببها

انا براي لاتهتمين فيه لان ليست بينكما علاقه لا رحم ولا غيره

فاذا على جو المكتب طالبي بتغير مكانك او تغافلي عن الوضع

مرة يبي زمالة و مرة لا خلي يكون طبيعي و بيني له انج معتبرته مثل ما اهو معتبرج بشكل رسمي

ومافي اي شي يخليه يتعامل و كأنما انتي بتطيرين وراااااااااااه وهذي كرامتج و ماله حق يحمل افكار بكيفه
و خلج صارمة و قوية بالطقاق مهما كانت فكرته وابتعاده انتي ما سويتي شي غلط

فخلاص .. لذلك مثل ما اختار الزمالة و الميانة قبل ايضاً وقت ما يبتعد من باب الاحترام و الاخوة ما يتعامل بعدائية في شي اسمه اتيكيت و احترام بكل الحالات وبعض البنات يقولون لج خلي لانه غريب اهي نعم اهو فعلاً غريب واهي ما سوت شي حق انه كان غريب او لا اهي تعرضت لموقف فجائي بدون اي ردة فعل منها فأهو الغلطان و ما في شي اسمه احترام للزمالة فقط فيه احترام للعامية ايضاً مهما كانت درجة العلاقة
لذلك وجهي له ردة فعلج ونفسي عن خاطرج بكل جرأة عن تصرفه الخاطئ و انج انتي مو مثل ما مفكر حق يتصرف تصرفات غباء بكيفه انتي لج احترامج و محد يجرح كرامتج و يحسسج انج غلطي و بعدين ابتعدي بعد هالتصرف مثل ما سوه

لانه فعلا شي يضايق وماله حق يختار اوقات الاحترام بكيفه

وبرايي حق تبيني له اكثر وسعي علاقاتج مع الكستمر الناس و انج وايد اجتماعية وانه هالشي ولا مؤثر عليج و لا تدرين بس بعد ما توجهين له حقيقته و ترجعين كرامتج نتيجة تصرفه

و بس هذي وجهة نظري

لاتقولي زي اخوي ..
مافي أخ في الدنيا غير الأخ اللي تربطك فيه رابطة دم ..
غير كذا لاتصدقي ..
ماتتحجبي منه ؟؟
تقدري تقعدي معاه لوحدك وماتخافي من الشيطان ؟؟
اهلك يقبلوا تركبي معاه سيارته من غير مايصير لك تحقيق وسين وجيم ؟؟

الحجاب وحرمة الخلوة معاه سبب كافي لانك تشيلي فكرة الأخوّة هذي
فرق شاسع بين الأخ الحقيقي ... واللي زي الأخ ..
اخوكي لو يسمع عنك كلمة يذبحك ..
بس اللي زي اخوكي لو يسمع عنك شي بيروح يتكلم عليكي مع الناس ..
حتى لو كان محترم .. مستحيل ردة فعلة تكون نفس ردة فعل اخوكي الحقيقي ..
الأخ الحقيقي غير .. سيبيك من زي اخوي وزي اختي ..

لو زعل خليه ينفلق قلعته ..
لو احترم على قولك عشرة العمر و الزمالة
كان من نفسه جا وقالك انا سمعت كذا وكذا .. فسري لي اللي صار
اما يزعل من راسه و مايتكلم !!
اسمحي لي هذي حركات تصير كثير في اماكن الاختلاط من بعض الشباب
عندهم مخططات يشتغلوا عليها والهدف التقريب
وخصوصا في حالتك لأنك رسمية معاه يمكن افتعل هذا الاسلوب
يبغاكي تجيه وتسأليه و ينفتح مجال للكلام اكثر من السابق
يصير فيه اعتذارات وتبريرات و مكالمات سابقا ماكان فيه مجال لها ..

لاتبيني انك متضايقة من شي وطنشي على الآخر ..
لو ماعنده شي بتلاقيه بعد كم يوم رجع طبيعي وماكانه شي صار ...
طبعا وقتها بتعرفي انه كان مجرد مخطط وفشل ..
لاترجعي تتعاملي معاه زي ماكنتي سابقا ..
ولو كنتي رسمية ولطيفة في تعاملك معاه من باب الذوق..
صيري رسمية اكثر وخلي ملامحك جامدة قدامه ولاتعبريه ..

وخذيها مني نصيحة حتى لو جاكي وقالك على اللي عنده
اسمعيه للآخر وخليه يخلص كلامه ....
وردي عليه برد بسيط جدا
انت لو تحترم الزمالة اللي بيننا كنت من البداية جيت وعطيتني خبر
ونحل الموضوع بكل بساطة كزملاء يحترموا بعضهم
و يهمهم يكون جو عملهم مريح عشان يقدروا ينجزوا شغلهم على اكمل وجه ..
بس بعد سكوتك هذا الوقت كله .. ماراح اقولك غير .. ارجع على مكتبك
ومن اليوم وطالع مابيننا غير صباح الخير ومساء الخير ..
وكلامنا في حدود العمل فقط ..
نفس الوضع السابق .. ضيف عليه شي جديد .. انا ما عدت احترمك
سواء معاك حق او مامعاك ... سكوتك واستخدامك لطريقة السكوت اللي سويتها
خلتني اعيد النظر في اشياء كثيرة ..
من ضمنها انه فعلا مافي اخوان في الدنيا غير اخوان الدم ..
وتبرير وتوضيح ماعندي ...
وانت اللي في راسك خليه في راسك
مايهمني افهم شي
ولا يهمني اوضح لك شي
ولايهمني اعرف اذا كان السبب اللي تقوله صحيح او من اختراعك ..

وانهي الحديث معاه و كملي شغلك ولاتلقيه وجه بعد كذا ابدااا ..

انتي حساسه ديمن خلي شعارج الي يزعل من غير سبب يرضى بروحه