انا الله يسلمكم يوم الاحد الا اهوه تاريخ 19 ديسمبر سويت جريمه وشربت زيت الخروع
قلت خلني اجرب نصيحة دكتورتي كيرن المهم خذيته على الساعه وحده الظهر انتظر اذا كان فيه نتيجه ولا شي ابد ماكوووو مايات الساعه خمس العصر وجان يصيدني اسهال وبس وماصادني شي
وبعدها ما جربت شي غير بس قعدت اشرب كل ليله كوبة زعتر هم ماكان اييب لي شي
يوم الجمعه الا اهوه تاريخ 24 ديسمبر نمت لي ساعه وصحيت وماعرفت انام وانا متملله وماعندي شي اسويه وريلي راقد ومحد معاي
رحت المطبخ سويت لي كوب زعتر و حطيت معاه قفشتين زيت الخروع خخخخخخ
ومايات الساعه ثلاث الا كل شوي ادش الحمام اسهال .. الله يكرمكم .. وواالالام دوره
بس انا ما كنت ابي اروح المستشفى بداية الالام قلت بنتظر لي الصبح وبشوف روحي اذا زاد الالم ولالا وسفهت للالم انام واصحى على الالام
مايات الساعه ثمان ونص شي جي ... قلت بقوم اتسبح بماي دافي لاني سمعت انه اذا هذي الالام طلق وتسبحتي بماي دافي يزيد الطلق ...
فتوني قاعده اطلع لي فوطه الا ما شفت الا الدم ينزل وايد انا بصراحه خفت لانه انا خبري من علامات الولاده الدم بس يكون دم بني موب دم عاده اممممم وسمعت من قبل اذا ينزل دم جي يعني المشيمه نازله ومادري شنو فانا على طول من شفت الدم شلت قشيني ورحت المستشفى
فحصوني قالو لي متوسعة سانتيين ويبون يسوون لي تخطيط يسالوني تريقتي قلت لها انا يياييتكم حتى ما غسلت ويهي خخخخخخخخخخ المهم ريلي راح الكفتيريا شرالي سندويج وعصير برتقال وسووو لي التخطيط وقالو لي كل شي اوكي وفيج طلق بس انتي ردي بيتكم على مايزيد الطلق او تحولين دايركت مستشفى جدحفص او لمحرق لانه السلمانيه ما يولدون امممممم
انا قلت لهم انزين بروح جدحفص اتصلو لمستشفى جدحفص الا يقولون مافي سرير ولمحرق مافي الا سرير واحد وانا بصراحه مابي اروح لمحرق زين تقبلت اني اروح جدحفص المهم الدكتوره تقول لي يالله ردي ترا اذا تاخرتي حتى لمحرق ما بتحصلين سرير
وبنضطر نولدج في طوارئ السلمانيه وفي حالة صادتج اي تعسرات في الولاده هالشي كلش بيظرج لانه ماعندنا قسم العمليات في قسم الولاده نضطر نتصل لحجرة عمليات في قسم ثاني وعلى ما يرتبون ويسوون يعني تقول كلش ما ينفعالولاده في السلمانيه حاليا
المهم قلت لها خليني افكر .. وانا اصلا ما كنت افكر خخخخخخ كنت اسوي اتصالات
اتصلت لبنت عمتي اهيا دكتورة ولاده في مستشفى السلمانيه تقول لي مدام ييتي ثنينه سانتي مافي فايده روحي البيت وتعالي بعد ما يزيد الالم انا بصراحه كنت خايفه ارجع البيت لانه ينزل علي دم بعدين عمي ابو زوجي اتصل لدكتوره تولد في مستشفى جد حفص وقالت لها بشوف لكم سرير المهم اتصلت لنا بعدين قالت اكو حصلت سرير
المهم كلم ريلي مال السلمانيه ورحنا جدحفص فحصتني وقعدت تخربط في فايلي وبعدها عطتني ثياب وقالت لي لبسيهم بتوديني حجرة الولاده اممممم على ما توديني حماتي يابت لي اناناس قالت لي اكليهم ويابت لي بعد كف مريم وشربت لي كوبه بس وبرزت روحي وياتني الممرضه توديني
عاد الله يهداهم ودوني دايركت حجرة الولاده مادري ليش وانا متوسعه بس سانتين وقعدوني يوم كامل تخيلوو وانا اشوف اللي هناك كل شوي وحده تولد واللي خوفني صج اني شفت وحده حجرتها مجابلتني والستاره لي نص جسمها وشفت الياهل طلع و شلون يحملونه ويودونه وينظفونه بصراحه هالشي خوفني وايد اممممم وعلى اخر الوقت كانت وحده بتولد تصارررخ بقوه وعفست المكان وتسب وكل شي سوته خخخخخخ وانا خفت اقول ياربي انا شبسوي بتحمل هالالم ولالا
المهم يات الدكتوره الا تقول لي شوفي انتي بعدج سانتيين واصلا المفروض ما يدشونج حجرة الولاده الا اذا وصلتي اربعه سانتي ومادري ليش ياييبينج اهني وانتي اصلا بقعدتج اهني بتتعب نفسيتج ببنقلج لي الجناح علشان تتحركين على راحتج وتتمشين علشان يسهل عليج و اقري قران وشوفي هلج واللي تبينه
قلت خلني اجرب نصيحة دكتورتي كيرن المهم خذيته على الساعه وحده الظهر انتظر اذا كان فيه نتيجه ولا شي ابد ماكوووو مايات الساعه خمس العصر وجان يصيدني اسهال وبس وماصادني شي
وبعدها ما جربت شي غير بس قعدت اشرب كل ليله كوبة زعتر هم ماكان اييب لي شي
يوم الجمعه الا اهوه تاريخ 24 ديسمبر نمت لي ساعه وصحيت وماعرفت انام وانا متملله وماعندي شي اسويه وريلي راقد ومحد معاي
رحت المطبخ سويت لي كوب زعتر و حطيت معاه قفشتين زيت الخروع خخخخخخ
ومايات الساعه ثلاث الا كل شوي ادش الحمام اسهال .. الله يكرمكم .. وواالالام دوره
بس انا ما كنت ابي اروح المستشفى بداية الالام قلت بنتظر لي الصبح وبشوف روحي اذا زاد الالم ولالا وسفهت للالم انام واصحى على الالام
مايات الساعه ثمان ونص شي جي ... قلت بقوم اتسبح بماي دافي لاني سمعت انه اذا هذي الالام طلق وتسبحتي بماي دافي يزيد الطلق ...
فتوني قاعده اطلع لي فوطه الا ما شفت الا الدم ينزل وايد انا بصراحه خفت لانه انا خبري من علامات الولاده الدم بس يكون دم بني موب دم عاده اممممم وسمعت من قبل اذا ينزل دم جي يعني المشيمه نازله ومادري شنو فانا على طول من شفت الدم شلت قشيني ورحت المستشفى
فحصوني قالو لي متوسعة سانتيين ويبون يسوون لي تخطيط يسالوني تريقتي قلت لها انا يياييتكم حتى ما غسلت ويهي خخخخخخخخخخ المهم ريلي راح الكفتيريا شرالي سندويج وعصير برتقال وسووو لي التخطيط وقالو لي كل شي اوكي وفيج طلق بس انتي ردي بيتكم على مايزيد الطلق او تحولين دايركت مستشفى جدحفص او لمحرق لانه السلمانيه ما يولدون امممممم
انا قلت لهم انزين بروح جدحفص اتصلو لمستشفى جدحفص الا يقولون مافي سرير ولمحرق مافي الا سرير واحد وانا بصراحه مابي اروح لمحرق زين تقبلت اني اروح جدحفص المهم الدكتوره تقول لي يالله ردي ترا اذا تاخرتي حتى لمحرق ما بتحصلين سرير
وبنضطر نولدج في طوارئ السلمانيه وفي حالة صادتج اي تعسرات في الولاده هالشي كلش بيظرج لانه ماعندنا قسم العمليات في قسم الولاده نضطر نتصل لحجرة عمليات في قسم ثاني وعلى ما يرتبون ويسوون يعني تقول كلش ما ينفعالولاده في السلمانيه حاليا
المهم قلت لها خليني افكر .. وانا اصلا ما كنت افكر خخخخخخ كنت اسوي اتصالات
اتصلت لبنت عمتي اهيا دكتورة ولاده في مستشفى السلمانيه تقول لي مدام ييتي ثنينه سانتي مافي فايده روحي البيت وتعالي بعد ما يزيد الالم انا بصراحه كنت خايفه ارجع البيت لانه ينزل علي دم بعدين عمي ابو زوجي اتصل لدكتوره تولد في مستشفى جد حفص وقالت لها بشوف لكم سرير المهم اتصلت لنا بعدين قالت اكو حصلت سرير
المهم كلم ريلي مال السلمانيه ورحنا جدحفص فحصتني وقعدت تخربط في فايلي وبعدها عطتني ثياب وقالت لي لبسيهم بتوديني حجرة الولاده اممممم على ما توديني حماتي يابت لي اناناس قالت لي اكليهم ويابت لي بعد كف مريم وشربت لي كوبه بس وبرزت روحي وياتني الممرضه توديني
عاد الله يهداهم ودوني دايركت حجرة الولاده مادري ليش وانا متوسعه بس سانتين وقعدوني يوم كامل تخيلوو وانا اشوف اللي هناك كل شوي وحده تولد واللي خوفني صج اني شفت وحده حجرتها مجابلتني والستاره لي نص جسمها وشفت الياهل طلع و شلون يحملونه ويودونه وينظفونه بصراحه هالشي خوفني وايد اممممم وعلى اخر الوقت كانت وحده بتولد تصارررخ بقوه وعفست المكان وتسب وكل شي سوته خخخخخخ وانا خفت اقول ياربي انا شبسوي بتحمل هالالم ولالا
المهم يات الدكتوره الا تقول لي شوفي انتي بعدج سانتيين واصلا المفروض ما يدشونج حجرة الولاده الا اذا وصلتي اربعه سانتي ومادري ليش ياييبينج اهني وانتي اصلا بقعدتج اهني بتتعب نفسيتج ببنقلج لي الجناح علشان تتحركين على راحتج وتتمشين علشان يسهل عليج و اقري قران وشوفي هلج واللي تبينه
المهم نقلوني الجناح ويات عمتي وامي وزوجي وماياتني عمتي الا معاها حليب فيه زعفران وتقول لي شربيه قلت لها مابي اخاف يزيد علي الطلق على خرطي وانا موب متوسعه شي غصبتني الا شربي المهم شربت كوبتين وشافتني الدكتوره تقول لي ترا كثرته مب زينه خلاص لا تشربين اكثر قلت لها اوكي وبس وقفت واصلا ماياب معاي نتيجه لا اهوه ولا كف مريم خخخخخخخ وقالت لي الدكتوره بتمرني الصبح وبتشوف شنو راح تكون الاجراءات .. واعليه ريلي يوم كامل واهوه معاي وسهران معاي ولا راح البيت وارتاح تخيلو تم في المستشفى ولا نام
ويات الساعه ست ونص ودش عندي وقلت له تراني بطول وابيك يا تريح او تروح تداوم الشغل اهوه موب راضي بالاخير اقنعته بالغصب وقال بيروح الدوام والمسكين طلع من المستشفى وراح البيت وياتني الدكتوره في هالوقت وقالت لي خلاص بحط لج طلق صناعي وقلت لها اوكي قالت لي عيل اتصلي حق زوجج علشان يكون عنده خبر خلاص مدام عطيناج طلق يعني بتولدين انا اتصلت لزوجي وخبرته انه عطوني طلق صناعي طبعا يوم اتصل له واقول له عن الطلق اهوه توه قاعد يبركن السياره وبيدش البيت ويوم اتصلت له الفقير على طول ريوس ورد المستشفى
وكلها ساعتين من عطوني تحمولة الطلق وتييني الالام قويييه وقعدت اصيح واصيح وزوجي وعمتي ام زوجي وامي مسكينه يقرون علي سورة مريم والزلزله و الانشقاق و الضحى ما خلو شي ما قرو علي
وبعدها بساعتين زاد الالم وماقدرت اتحمله وحسيت فيه شي ينزل انا على بالي دم لانه كان ينزل مني دم من اول ما ابتديت في الطلق وعبالي الدم زاد قلت لامي نادي على الممرضه وطبعا الكل طلع وفحصتني الممرضه الا تقول لي هذا ماي ولقتني متوسعه اربعة سانتي وعلى طول ما شفتهم الا يقولون ولاده بنحولها لغرفة الولادة وصج وطلعت الممرضه وعطتني ثياب اللبسها ودشيت الحمام وبدلت وانا حدي اتالم وياتني الدكتوره واعليه وهدئتني وقالت لي شوفي اذا قعدتي تصيحين جي ماراح تتوسعين بسرعه بالعكس هاي الشي يضرج لانه انتي تخلين الرحم يضيق موب يتوسع فانتي تنفسي من خششمج وطلعي الهوا من حلجج بس بشكل بطيء وفعلا قعدت اسوي جي وحسيت انه اشوى وهالشي خفف علي وفعلا توسعت بسرعه ودوني غرفة الولاده وياتني الدكتوره فحصتني وعلى طول بطت جيس الماي وحسيت شي حار ينزل مني واهني بعد زاد علي الالم اكثر
وانا مصبره روحي وكنت انتظر وقت الولاده واحس اخر شي بيكون يعني الم ما اتحمله بالمره وانا احس روحي بموت والله لدرجه انه جسمي يرتجف موب قادره واحس روحي بزوع ويابوو لي مثل الصحن مادري شلون علشان وقت اللي بزوع ازوع فيه ولوعه جبدي والالم قاعد يزيد وعلى اخر شي حتى التنفس موب قاعد يجيب نتيجه احسه بالعكس يزيد الالم واحس بحراره في جسمي ومادري شلون بصراحه الوضع كاني بموت هههههههههههههههههه وتخيلو طول هالوقت لا ممرضه اطل علي ولا شي واواسي روحي بروحي والله وصلت عشرة سانتي واهما مايدرون فيني بالاخير مرت علي ممرضه وشافتني حالتي حاله ههههه وجني بفقد الوعي ههههه قامت وفصحتني وتوها فحصتني الا تقول عشره سانتي ولاده ولاده وماشفت الا ثنتين بعد ياييين وركيض ويبرزن الاغراض وانا موب مصدقه اني بولد توقعت انه في الم اكثر من الالم اللي احس فيه يعني ما كنت ادري انه هذا نهاية الالم
انزين اللحين يه وقت الولاده يبوني اسوي بوش والله موب قادره جسمي يرتجف وواحس روحي مافيني قوه بالمره وكل ما سويت بوش تقول لي غلط اللي تسوينه ابيج تسوين بوش كانج بدشين الحمام وانا طول هالوقت اسوي بوش يعني من بطني وجذي واهيا تبيني ما سوي جي الا بوش كاني في الحمام وفعلا لما قعدت اسوي جي بعد عناء طويل طلع حسوني على هالدنيا وووحطته على صدري واستانست عليه مع اني مافيني شده اسوي شي الا لما شفت حسون قعدت اضحك وواقول اييييييه علييييييييييك ولدي هههههههههههه حسيت روحي هبله هههههه
وبعدها قعدت تخيطني والله يغربل بليسه شكلها خيطتني وايد ذبحتني
الاكشن الاكثر شاللي صار وقت ما انا في غرفة الولاده راح ريلي بيشوف جان في حجره خاصه ما حصل وقال ريلي مايصير اخلي مرتي جي عاد اهوه قبل يومين حاجز غرفة في السلمانيه على اساس اني بولد في السلمانيه بس احنا يينا جدحفص
واتصل للجناح وقال لهم انا حاجز غرفة قبل يومين قالت له الا اهناك ايه كانت محجوزه باسمي بس اليوم الصبح شلنا الحجز لانه سالنا عنها وقالو لنا انها انتقلت جدحفص فالغينا الحجز قال لهم انزين يصير انقل زوجتي من جدحفص لي السلمانيه
مني ومناك رضوو بس قالو له اول شي كلم الدكتوره اللي ولدتها اذا رضت خلها تتصل لنا وتتفق معانا وراح يصير الشي اللي انت تبيه فراح زوجي كلم الدكتوره واتصلت للسلمانيه واتفقت معاهم وافقو على انهم ينقولي
وبعد ساعتين من ولادتي تخيلوو نقلوني انا وولدي من جدجفص لي السلمانيه بالاسعاف حسيت روحي اطالع فلم ههههههههههههههههههههه
واتصل للجناح وقال لهم انا حاجز غرفة قبل يومين قالت له الا اهناك ايه كانت محجوزه باسمي بس اليوم الصبح شلنا الحجز لانه سالنا عنها وقالو لنا انها انتقلت جدحفص فالغينا الحجز قال لهم انزين يصير انقل زوجتي من جدحفص لي السلمانيه
مني ومناك رضوو بس قالو له اول شي كلم الدكتوره اللي ولدتها اذا رضت خلها تتصل لنا وتتفق معانا وراح يصير الشي اللي انت تبيه فراح زوجي كلم الدكتوره واتصلت للسلمانيه واتفقت معاهم وافقو على انهم ينقولي
وبعد ساعتين من ولادتي تخيلوو نقلوني انا وولدي من جدجفص لي السلمانيه بالاسعاف حسيت روحي اطالع فلم ههههههههههههههههههههه
وانا بعد الولاده احس روحي مثل المخدره جني في حلم اشوف واسمع وكل شي بس مافيني شده اتواصل مع المحيط اللي حواليني طلعوني بعد ساعتين وزوجي واهلي يكلموني انا بس اطالعهم وارد عليه ببابتسامه وماتكلمت بالمره بس مره تكلمت كان زوجي يسالني ولدي يشبه منو قلت له يشبهك وبس ههههههه يالله طلعت مني هالكلمه
بس بعدها نقلوني السلمانيه ووووبصراحه يعني انا ارتحت في السلمانيه ماحسيت انه لهدرجه مثل الكلام اللي اسمعه من الناس
تخيلو البيبي طول الليل عند الممرضات وعادي لو اخليه طول النهار بعد عندهم يعني لين بغيت وتبديل الحفاظ هم عليهم و قت ما اناديهم وابي منهم شغله يسوونها لي
الحمدلله وعدة الايام على خيررر واكا حسوني في حضني بسسس صج حلوه الامومه في نفس الوقت مسئولية ..
تخيلو البيبي طول الليل عند الممرضات وعادي لو اخليه طول النهار بعد عندهم يعني لين بغيت وتبديل الحفاظ هم عليهم و قت ما اناديهم وابي منهم شغله يسوونها لي
الحمدلله وعدة الايام على خيررر واكا حسوني في حضني بسسس صج حلوه الامومه في نفس الوقت مسئولية ..
وكانت ولادتي 26 ديسمبر
وكنت ابي اولد 25 ويه لكرسميس ماصار
وكنت ابي اولد 28 يوم عيد ميلاد زوجي هم ماصار خخخخ
وكنت ابي اولد 25 ويه لكرسميس ماصار
وكنت ابي اولد 28 يوم عيد ميلاد زوجي هم ماصار خخخخ