لحقووني بخبراتكم خلصت كل التحايلات الي عندي

اختي حبيبة حبوب
اشكرج على ردج و انا ما اخذت لها شي بس اقعدها في الحمام على الارض
بجرب و باخذ لها فكرة حلوه و تسلمين عزيزتي


اخر حيله سويتها لها
قبل شوي ابوها يحلق بمكينة الحلاقة و لما سمعت الصوت خافت
رحت لها اركض و اقول لها تعالي بسرعه لا تعضج المكينة روحي الحمام
و دخلت معاها الحمام و انا يا زعم خايفه من المكينة و هي مصدقة و ما عذبتني اقل من دقيقة و سوتها


ااااااااااااخ تعبت ما ادري شنهي الحيله الثانيه الي بسويها لها


انا لو ما اشوف بنتي تفهم و تتكلم ما كنت بعلمها بس عندها قابليه بس يبغي لها صبر و كل يوم انوع لها حتى ما تمل

هههههههه الله يعينك لازم صبر على بال ماتتعود

هلا اختي ,,

ما ادري احسة بدري شوي ..

انا عني بديت مع ولدي على السنتين وحاااولت لمدة شهر تعبت ومااا فية اي نتيجة لان عنااادة زاااد

ورجعت للبلمبرز على ان الحركة غلط بس والله تعبت شهر وانا اقااوم واخذت تقريبا شهرين وجااني من نفسة وقال انا بروح الحمام ومااتعبني اسبوع وخلاص تعود

يعني حاااولي لاتضغطي عليها كثير

والله يصلحها ان شاء الله

تسلموووووووووون عزيزاتي الي ردو و الي د خلو موضوعي
انا لازلت مواصله حتى طلعاتي خفت بس عشان ما اخرب البرنامج معاها
الحمد لله امس ولا مره سوتها في الشقه بس بالليل طلعنا و اضطريت البسها حفاظه
و اليوم بديت معاها يوم جديد و الله يعيني
و هم لازلت انتظر افكاركم الحلوه الي تفيدني و تفيد كل الامهات

ليش تظغطين على عمرج...أنا بنتي البجر لين سنتين و نص هي على الحفاظ و بعدين من نفسها راحت الحمام لأنها كبرت و فهمت روحها و بنتي الصغيره بعد أحين سنتين و شهرين و لسه ما علمتها و لا راح أعلمها روحها راح تطفر من الحفاظ و تتركه قبل الثلاث

هلا خيتو الله يعينش اني الرضاعة وافتكيت من همها تركوا بروحهم ..

بس ألحين افكر اعلم ولدي لمن يكمل السنتين وبيكون في الصيف وبتكون اخته كملت السنة وبحاول اشجعه انه كبير وبيشيل الحفاظ قبل اخته يمكن هي بعد تتعلم وتفكني مرة وحدة ..

اني احسه للحين مايعرف بس اذا سوه الافة يجي يكول اف ويقعد عند الحمام ..

..

افكر اذا بعلمه اخذ له قيصرية عليها رسومات تشجيع اليه ..

ومثل ماقالت الاخت الله يكرمكم خذي ليه شبشب للحمام علشان يكون مثلكم ..

اني ألحين اعلمه على تفريش الاسنان بس بدون معجون لأن للحين صغير ..

..

والله يساعدش ..

يلا كملي معاها وخبرينا بالنتيجة ..

موفقه