مرحبا بنات....
انا من زمان ما شاركتكم بشي بس ادش اقرا واطلع بس اليوم دخلت ابغي اخبركم عن حملي الثاني ويمكن افيدكم بتجربتي...
بنتي الاولى غلا ولدتها قبل سنه وشهر وكانت ولاده طبيعيه وكل شي تمام ...بعدها بست شهور قررت اني احمل مره ثانيه فما قمت امنع وما حملت الا بعد 6 شهور المهم كنت وقتها اسوي ريجيم واروح الجيم وما كنت اعرف اني حامل ونبهوني صديقاتي اني اسوي تحليل بما انه الدوره متاخره عندي رحت سويت تحليل بول ودم وعرفت اني حامل ورحت العياده بعدها بعشر ايام وهني كانت الصاعقه الا تقولي الدكتوره عندي لج خبر مب زين بطلت عيني وبدا قلبي يدق بقوه الا تقولي البيبي متوقف نبضه وهذا الحمل مستحيل يكمل ولازم تروحين مستشفى الوصل عشان يسوولج تنظيف ... هني بغى يوقف قلبي لاني وحده اخاف من البنج الكامل وتميت شهر كامل من عياده لين مستشفى لين غيره واكثرهم قالولي تنظيف وانا ميته خوف وصياح ومب عارفه شو اسوي لين الله رحمني بمستشفى ويلكير يا بنات يستعملون حبوب تنزل الجنين وانا هذا الي كنت ادور عليه لاني قاريه عنه في النت وسامعه وايد ناس يتكلمون عنه طريقته فعاله ومضمونه وماله اثار الحمدلله دخلوني المستشفى الصبح وعظوني غرفة بدلة ملابسي وعظوني اوراق اوقع عليهم وحطولي اول حبه في المهبل وبعدها بساعه حطولي 3 حبات في المهبل وخلوني ارتاح في الغرفه بعدها ب3 ساعات بدا ينزل عليي دم وايد ولما تاكدوا انه رحمي بدا يستجيب للحبوب طلعوني العصر من المستشفى وقالولي انشالله بيصير الاسقاط في البيت والحمدلله ما وصل المغرب الا انا مسقطه فديته طول الصبع وملامح جسمه تقريبا واضحه راس وجسم وريلين ولفيته في قماش ودفنته في طرف حديقتي والله يعوضني يا رب ..
بنات بغيتكم تستفيدون من تجربتي بانه الي تخاف من الغسيل والبنج ممكن ادور على مستشفى يستخدم هذي الحبوب للتسقيط وهم اصلا يكونون مرخصين من دائرة الصحه واسم الحبوب (سيتوتيك)..
الشي الثاني للي تسوي ريجيم ورياضه وهي ناويه تحمل المفروض تسوي تحليل باستمرار على اساس ما تضر الجنين..
ودعواتكم لي بانه الله يخلف عليي خاصه اني من النوع الي احمل بصعوبه حملت ببنتي بعد 3 سنوات زواج وحملت بحملي الثاني بعد 6 شهور محاوله ومات عني :(
الله يرزقنا وياكم الذريه الصالحه يا رب...
تجربتي مع موت جنيني في عمر 7 اسابيع
c
20-02-2011 | 11:36 AM
ح
20-02-2011 | 11:49 AM
ربنا يرزقك ويرزقنا
ر
20-02-2011 | 12:23 PM
الله يعوضج حبيبتي
ا
20-02-2011 | 12:23 PM
ربنا يرزقك ويعوضك خير بس حضرتك ما عليك لوم لانك ما كنتي تعرفي ان الجيم والرجيم ليه تاثير سلبي ع الجنين ربنا يخليلك بنتك ويرزقك بالاطفال يجعلهم قره عين ليكي يا رب ويخليلك جوزك يارب
ا
20-02-2011 | 12:54 PM
الله يعوضج الخير ان شاء الله
والله يرزقج ويرزقنا الذرية الصالحة
والله يرزقج ويرزقنا الذرية الصالحة
ل
20-02-2011 | 01:10 PM
الحمد لله انك بصحة وعافية اختي والله يعوضك عنه بحمل كامل ويحفظلك بنتك ويكرمك بالولد الصالح يارب انا صار معي نفس قصتك اختي ب9 اسابيع ونزلولي ياه تقريبا بنفس الطريقة بس ابر مهبلية مو حبوب والحمد لله عدت على خير ان شاء الله تحملي بسرعة وبرعاية الله
ب
20-02-2011 | 01:11 PM
الله يعوضك خير يارب ويشفعلك يوم القيامه
وربي يرزقني انا وانتي وجميع بنات المسلمين بالحمل السليم ياارب
وربي يرزقني انا وانتي وجميع بنات المسلمين بالحمل السليم ياارب
ر
20-02-2011 | 01:19 PM
الله يعوضك يااااارب
س
20-02-2011 | 01:59 PM
الله يعوضك اختى
ويرزقك ويرزقنا الذرية الصالحة
ان شاءالله
ويرزقك ويرزقنا الذرية الصالحة
ان شاءالله
ا
20-02-2011 | 02:06 PM
الله يعوضج الخير ان شاء الله
ا
20-02-2011 | 02:07 PM
الله يعوضك بالحمل الثابت
م
20-02-2011 | 02:54 PM
الله يعوضك يااارب
[
20-02-2011 | 02:55 PM
الله يعوضك خير ان شاء الله ويرزقك الذرية الصالحة
.
20-02-2011 | 03:13 PM
الله يعوضج حبيبتي
ش
20-02-2011 | 10:00 PM
الله يعوضج بالخير يارب ويرزقج بالذريه الصالحه اللهم امين
c
04-03-2011 | 11:10 PM
مشكورات فديتكن على دعواتكم
س
05-03-2011 | 01:07 AM
الله يعوضك خير ان شاء الله
ك
05-03-2011 | 01:21 AM
الله يعوضج حبيبتي
*
05-03-2011 | 01:35 AM
الله يعوضش يارب
ش
05-03-2011 | 11:26 AM
الله يعوضك خير