تجره للحرام بجسمها

مرحبا

كيفكم؟؟


عندي مشكله ومحتاره كيف احلها او اتكلم فيها


عندي صديقه لي حبابه وعلاقتي فيها حلوه

وصديقتي عندها اخوان متزوجين



وفي يوم من الايام زوجة الأخ اخذت اللاب توب مالي

تجلس عليه


وبعد مارجعت بيتي فتحت لابي و دخلت سجل المحادثات الي عندي وكانت الصدمه

كانت تكلم وحده من صديقاتها ومن ضمن الحديث

ان زوجة الأخ تتعمد تبين جزء من صدرها لأخو صديقتي الثاني اذا كان موجود

او جزء من رقبتها

( كانت صديقتي تقول لي عن هذا الشي بس ماتدري ان السالفه عمدا تفكر ان الموضوع سهوا فكانت صديقتي تقول لها فلانه رقبتك تبين وتغطيها )

وكانت تقول لصديقتها هين و الله لأجننها

انا موهينه لأخليها تشوف الويل

(تقصد فيها سلفتها)


لكن انا اكتشفت ان الموضوع عمدا و المحادثه الى الأن محفوظه عندي ماحذفتها حتى تكون دليل



اقول لصديقتي عنها حتى تاخذ احتياطها او لا؟

واذا قلت لصديقتي الموضوع حساس يابنات

يعني مو هين على البنت تشوف زوجة اخوها تغري احد اخوانها

وتجره للحرام

وخااااااايفه من المشاكل الي بتصير واخاف يدخلوني معهم في المشكله بحكم اني انا الي اكتشفت الموضوع

وتحطني زوجة اخوها في راسها وتسوي لي بلاوي


انا حطيت نفسي مكانها ما اقدر اقول لأخوي زوجتك تسوي كذا وكذا

عمدا لفلان

والله يوصل الموضوع للطلاق

والموضوع ماينسكت عنه ابدا

مره او مرتين او 10 مرات اخو زوجها بيمسك نفسه

لكن بعدين بينجرف معها .. الشيطان موجود مامات

والي قاهرني ان الشخص الي تحاول تغريه متزوج يعني يفهم

شنو معنى هذه المفاتن اذا بينت من مرأه !!!!


شورو علي يابنات وش رايكم؟؟

الموضوع له اكثر من 10 ايام ومحتاره

وبنفس الوقت اعطوني حلول لصديقتي كيف توصل الموضوع لأخوها بدون مشاكل


بإنتظاركم يابنات