اختي وزواجها انقذوني طلبتكم

الف مبروك مقدما وانشاء الله ربي يوفقها ويسعدها

الف مبروووووووك

وربي يسعدها ويوفقها

وبصراحه حبيت افيدك

فهذا اللي طلع معاي



قائمة مشتريات العروس :



الفساتيــــــن :

1-فستان الزواج ( تفصيل - ايجار- جاهز )
2-فستان الصباحيه
3- فستان الهديــه
4- فستان او فستانين زياده على حسب انتي شلوون

الجلابيات :

1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم
2- جلابية الحنــا أو فستانها ( طبعا شعبي)



قمصان النوم :

كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..



البيجامات :

تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب


الملابس الداخليـــــه:
من15 الى20 طقم

ملابس البيت :

طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم

ملابس السبورات :

جنزات ... وتيشيرتات ... قمصان كشخه وعمليه ... حزامات ... وماالى ذلك

البــدل والتنانير :

تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... والي بتسكن مع اهل زوجها بتحتاج التنانير الساده العمليــه


العطورات والكريمــات :

بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه

الشنــــــط (الحقائب) :

العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....
شنط لتجهيزاتك (طقم) + شنطة مكياج + شنطة للمجوهرات



العبــــــايات :



عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده )



المكيـــاج :
كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.

مفــرش السريــر :
راجع لك اختيار العدد بس اعتقد 2 كفايــه ..




الذهب والمجوهــرات :

نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....


الســاعات :

ساعة ليلة العــرس ... وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن)



الأحذيــه :
تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرسـ



الأدوات والمستلزمات الثانويه :
مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + اكسسوارات الشعر + مكواة بخار + مشقر لشعرالجسم

الاهتمــام والعنـــايه:

حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان

أغــــــــــراض ومستلزمات السوبرماركت (الجمعيه) ومحلات العنايه :

صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك





مقتطفـــــــــات ( لاتنسي ) :

*إعداد قائمة المعازيم من وقت شان ماتتعبين
*تأكيد حجوزاتك قبل العرس بفتـــــره
*تشاورين الناس القراب منك في الخطوات الي تسوينها لان النصايح مفيده
*لوحجزتي شي (مكياج – شعر- حنا – كوشه ) وانتي مقتنعه وعاجبـك ... لااااتخلين احد يحيرك الي حجزتيه خلك عليه
*حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره
*خلي لك مبلغ بسيط من المهر ينفع لبعد العرس
* لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه
* قراء سورة البقره كامله يوم العرس
* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين
* تبتعدين عن السهر عشان وجهك يكون منور يوم العرس
* اكثار شرب الماء واكل الفواكه والاشياءا لمفيده (للبشره )
* لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب







ان شاء الله يعجبك

الله يوفقها يارب ويسعدها وماشاء الله الاخت شنقلونة ماقصرت

مثل ما قالت الاخت شنقلونة الله يعطيها الف عافيه ما قصرت

ياا قلبي اناا من مكة فـ ما اعرف اسواقكم ..

لكن حبيت افيدك بما اني لسسا دوبني مخلصة تلات اربااع الدبش باقي الربع

... تكتب لنفسها جدول بالاولويات للي هيا ما تستغنى عنها ..

والاشياء المهمة انها تكون في كل دبش ..

..من الاولويات للي ماتستغنى عنها ( ملابس النوم -بالعدد- سواء بيجامات أو أرواب أو لانجري ويدخل تحت المسمى الملابس الداخلية ) ..

( ملابس الخروج - بالعدد- تنورات طويلة وقصيرة وبناطيل طويلة وبرمودات واطقم ويشمل فساتين السهرات ) ملاحظة فساتين السهرات تكتفي بالموجود عندها الجديد وإذا حابة تضيف فستانين أو تلات لا تكتر لانو لو مافي زواجات موضتهم حتروح وتروح عليها

( .. طقم شرشف سرير أو 2 .. عبايات .. )

( مكياج - بالتحديد -تحدد الماركات للي تحبها والمنتجات للي اتعودت بشرتها عليها لا تاخد ابداً علبة مكياج شاملة

الأفضل تنوع حسب استخداماتها متلاً الماسكار من مايبيلين والبلشر من برجوا .. ويشمل العطورات من 5 إلى 7 عطورات

تكفي ..وكمان يشمل الكريمات عنااية - تنظيف - تفتيح ..ضروري تاخد الشي للي اتعودت تستخدمو )

( ساعات .. اكسسوارات .. اغراض الشعر .. تحدد العدد حسب الاحتياج ولو عندها للي يكفي تزود شويا وخلاص )

( الاجهزة المهمة .. براون لازالة الشعر .. واستشوار وفلات ايرون وفير .... الخ يعني المهمة بالنسبالها )

( شنط كبيرة .. صغيرة .. حق سهرات .. عملية .. للاستخدام اليومي وكذلك الشوزات )

( فوط صحية .. ادوية .. علاجات ..الخ )

( علاقات ملابس .. شموع .. معطر ملابس .. معطر جو .. فواحات .. بخور .. طقم فضيات أو ذهبي على حسب بيتهاا )

وبس يااعسسولة لخصتلك وانتي عاادي شووفي كل بند وخلي اختك تكتب للي تحتاجوو ولا تكتري

بغير حاجة ..يعني لو بتكتري شي اعرفي انك تحتاجيه مو لمجرد الكترة ..

الله يسسعدها اختك وتنجح وتتوفق وتتبارك في حيااتهاا كلهاا ويااكي ياارب ..

ماقصروا البنات
والله يسعده ويوفقها يلرب

كل من ردت ربي يوفقها ويعطيها ماتتمنــــــــ’ـــــــــــــــى ياااارب العالمين وشنقلوووونه جزاك الله خير كفيتي ووفيتي يابنت الاصول

الف مبرووووووووووووووووووووووووووووووووووووووووووووووووك للرفع

مثل ماقالوا البنات ماقصروا ومن ناحية الاسواق ياكثرها بالرياض
احب سوق على قلبي صحارى لانه يجمع كل الماركات
حياة مول
رياض غاليري
مارينا مول
سلام مول
خريص بلازا
العثيم مول

الله يوفقها