و جت ( طعنة ) على قلبي
و على صدري انكتب: ( طعنة )
يا حال اللّي درى توّه
(( ترى ما للعشِق معنى ))
أنا و أمثالي العشّاق ...
ياما في الهوى ضعنا
و ياما كلمة جرحتنا
و ياما الصّد قطّعنا
و ياما أحبابنا طلبوا
و لأجل عيونهم طِعنا
عطيناهم و هبناهم
و أغلى ما لنا بعنا
و تالي العشق فرّقنا عن الأحباب
و تالي الجرح و يّا بعض جمّعنا
و أنا و أمثالي العشّاق جيناكم ...
في هذا اليوم نشكيكم ...
مواجعنا
و إذا ما عندكم كلمة تواسينا
أخذنا بعضنا في الحال
و رجعنا
كفاية اللّوم و التجريح و القسوة ...
سمعنا و اللّة ما يكفي
تشبّعنا
و لا بيحس باللي نحس به إحنا
من الآهــــــــــــــــــات
إلا من شرب معنا
و ذاق المر ... و اللعنة
و قاسى الجرح ... و الطعنة
و تاليها اكتشف معنا
(( ترى ما للعشِق معنى ))
و لو ندري نهاية هالعشق ( طعنة )
... صراحة ...
ما تسرّعنا !
* * *
*
__________________
م ن ق و ل ه