ممكن تلاقولي حل للمتزوجات ذوات الخبرة

بسم الله الرحمن الرحيم

اشحالكم ياحريم اليوم حبيت أطرحلكم مشاكلي وأتمنى انكم تلاقولي حل

أنا صارلي متزوجة سنة و3شهور أحس اني تعبت ويا زوجي وايد أحس اني بتخبل خلاص مليت مدري لين متى بتم على هذي الحالة

شوفن ياعرايس أولا زوجي يقول انه مطوع يقرا على الناس بس أكثر شي الي يتصلن فيه الحريم أحياناً يتمادى معاهن فالرمسة لدرجة أن تصير بينهم ظحك وسوالف والله انقهر بس فالفترة الأخيرة وايد اتغير عليه وحتى على ولدي كل مايسير مكان تلفونه احذاه واحيانا يشل الفون من يجيله اتصال يظهر برع يرمس ولا ياخذ سويتش السيارة ويسير والبارحة انصدمت ظرب ولدي عمره 7شهور على سبب تافه واليوم قالي سيري ارقدي عند ولدج مابيج ترقدين حذايه وانا من قبل ظربني ووصلت السالفة للطلاق بس رديت له والله انقهر مايبيني اسير عند اهلي الا في الشهرين مرة وانا ما أتحمل وهو مايقولي كلام رومنسي وكم مرة يجرحني ولاييلس يعيب عليه ويقولي لاتلبسين أقمصة نوم البسي جلابيات ومخور ويبيني البس نفس لبس يدته الله يرحمها اللي حتى امه ماتلبسه ومايجيبلي ماجلة البيت الا اشياءبسيطة وخضروات ماشي معني ما أشتغل يقولي عطيني بيزات وانا أصلن ماعندي الا 150 درهم لأن هذا الشهر ماعطاني ويوم يعطيني500 وبالكثير 1000 والله ان أغراظي وأغراظ ولدي من بيزاتي تعبت أفكر أحياناً اني أطلب الطلاق منه للعلم هو عنده عيال بنتين وولد وحرمته الأولى يخاف منها ووايد يحترمها والله يقهرني يوم ييلس يرمس عنها مع أنها ماكانت محترمته على حسب كلامه قبل لكن ييلس يمدحها وهو اسلوبه معاي احس ان ماخذ شغالة عنده تعالي سوي وشلي وحطي مليت أتمنى انكم تساعدني