مشكلتي ،، انخطبت قبل اختي الكبيرة

السلام عليكم ورحمة الله وبركاته


كيف حالكم اخواتي ان شالله الكل بخير


انا عضوة قديمه هنا بس من زمان مادخلت المنتدى من اكثر من سنتين ونسيت نكي ورقمي السري وحتى الايميل الي كنت كاتبته ،،، فسجلت بنك ثاني


المهم

انا عمري 19 سنة واختي عمرها 26 سنة ،، الفرق بالعمر مو كثير كبير بس الفرق بينه كثير كبير ،، احنه نختلف على اتفه شي واذا صار موضوع للنقاش اذا انا وافقت لازم هي تعارض واذا هي وافقت لازم انا اعارض ،، كنا قبل كثير نتخانق بس الحين قلت الخناق بينه


حتى صديقاتي يقولولي انتو مو مبين عليكم اخوات ،، يعني انا اقول لصديقاتي على اشياء ما اقولها لها يعني فيما يتعلق بدراستي و برنامج بتلفزيون او اي شي ،، كلامنه محدود مع بعض


مشكلتي اني انخطبت قبل شهرين ، واختي لسه مو مخطوبة ولا متزوجه ،،قبل لا يجون الناس امي قالت لها انه في ناس جايين على اختك عادي ولابتزعلي ؟؟ قالت لا عادي ليش بزعل




المهم صارت الخطبه وانا حاسه في انها متضايقه كثير من خطوبتي حتى انها لما يجي خطيبي للبيت نادرا ماتطلع وتسلم عليه ،،




وانا لما اكون اتكلم مع امي عن خطيبي او اهله لماتجي تجلس انا على طول اسكت ماعرف هالشي صح ولا لا ؟؟ ولما يجيبلي خطيبي شي ما اراويها من البسه تشوفه ،، ماعرف هالصرف صح ولا لا



بس انا قصدي ما ابيها تزعل او تضايق اخاف تفهم اني ما اقول اني خايفه من غيرتها او من هالشي




امس اجت صاحبتي عندي وكنت اخذ رايها في موديل بدله العرس وكيف ابغيها ،، ولما دخلت الغرفه انا سكت على طول راحت صديقتي تقولها ساعدي اختك في موديل البدله مسكينه محتاره ،، ردت عليها ماطلبت رأيي هي عشان اقوله





ماعرف يا بنات انا صح ولا ،لا، حا سه اختي عايشة ازمه بسبب خطوبتي للعلم بنات العيله كلهم اتجوزو وهي الوحيده اللي لسه ،، المشكله انه حتى مافي خطابة يجون عليها مع انها حلوة وجامعيه واجتماعيه ولسانها حلو واللي يجلس معها مايمل




الحين ماعرف قولولي ايش اسوي حاسه انها تعبانه حتى امي ما احسها مبسوطه من خطوبتي كثير ،، انا ادعي لها بالنصيب وتكون ملجتها قبل عرسي


حتى بخطوبتي بينت انها مبسوطه بس احس داخلها لا



والاقارب بس عرفوا اني انخطبت صارو يسالو ( قبل فلانه ؟؟؟ طيب وفلانه ايش قالت ؟؟ )



ولما يجون اقربائنه عندنه يلمحونها انها خلاص راحت عليها وهالشي يضايقني ويضايقها يخليها تجلس بغرفتها وماتطلع



قولولي ايش اسوي ؟؟ تصرفاتي صح و لا؟؟ اختي عايشة بازمه ولا انا اتخيل ؟؟



بليز لا تهملون موضوعي




نسيت اقول كم انه احنه اختين وشابين يعني بس انا وهي


انا قريت موضوع بالمنتدى بس انا كتبت مشكلتي وتجربتي



شكرا الكم