انا في هم .......ساعدوني اتطلق ولا اصبرعلى زواجه

مشكلتي اني احب زوجي وهو حاس بهاذا الشي بس بردت العلاقة بينا من كل النواحي بسبب بروده واذا قلت له تحبني قال ايه اقوله مااحس بحبك قال يكفي بالقلب وانا:(
(متزوجةمن خمس سنوات وشهرين بدون اطفال والعيب فيني الحمدلله على كل حال حملت مرة وسقطت من سنتين ونص
زوجي عنده صديق يسوى الدنيا بالنسبه له ومتزوج على زوجته لانها ماجابت الا بنتين زوجته الثانيه حملت وجابت بنت)
هو في باله العيال ومن حقه مالومه بس ماقدر اتقبل الوضع انا او اتحمل انه يتزوج علي واللي قاهرني ان صديقه هذا قاله من زمان شكلك بتتزوج الثانيه انا :mad:
اليوم جاي عنده واسمعهم يحكون بس ماعرف عن ايش وسالته وش تحكون فيه قال منوع عن البر قلت كل سوالفكم عن البر ماحكيتو في الحريم قال الاحكينا قلت والعرس قل الله يهديك وطلع انا متوترة مادري كيف اتصرف فكرت اتطلق وتجي مني حفظا لكرامتي واطلع قبل لايعرس احسن من اني اتطلق بعد مايعرس
بجد رحمت نفسي كثير وكسرت خاطري مرررررررة مايسوى علي قاعدة اليوم مارحت لاهلي لانهم بعيدين مرررررررررة عن بيتي ورحمته قلت مشوار عليه اليوم وبكرة خليه بكرة مرة وحدة وجاه صديقه وقعد معه من المغرب الى الحين وانا لحالي علما ان زوجي مرة كان رايح له وقعد عنده ورجع لي متاخر قلت تبي عشى ولاتعشيت عنده قال لاماتعشيت يقول حسيت انه بيروح لزوجته الثانيه لانه يومها طيب ليه يازوجي العزيز ماتحس ولاتفكر انه هو يفكر بزوجته ولاهميته عكسك انت اللي تركتني عشانه وانا قاعده عشانك اول مرة احس اني ضعيفة واكسر حال نفسي اكتب وانا:'(على خدي يمكن كلامي مو متب لانه عفوي واكتب كل اللي احس فيه
مالي الا واحد بابه مفتوح ومايرد احدياما رحت له و شكيت له وبكيت عنده مامل ولايمل مني وستر علي ووصاني بالصبر وماأيأس من رحمته يالله يامغيث برحمتك اغثني وفرج همي