للحمل والولادة أسمعوا كلامي وما تندمون

اللـــه يجازيكي كل خير أختي أم حمودي.. و يوفقك إن شاء الله لمساعدة البنات...



بارك الله فيكي...



تحياتي...

ألف حمد لله على سلامتك وألف مبروك على المولود يتربى انشاء الله في عزكم وجعله الله من عباده الصالحين والسعداء في الدرين . حبيبتي ماعندي سؤال محدد ولكن أبغى أعرف كل شيء سويتيه وفادك في تسهيل الولادة ومابعدها أي في فترة النفاس لأني خلاص على وشك ولادة ( إدعي لي أن الله يسهل ولادتي ويرزقن الولد الصالح ). ومشكوووورة .

هلا عزيزتي وحمدلله على سلامتج وبالبركة عليج حمودي ...


وشكرا على الموضوع اللي بيفيد الكثيرات سؤالي مثل الجريحة انا


في شهري الحين وحبيت اسأل عن الأشياء المفيدة لتسهيل الولادة


غير المشي مثلا اذا شربتي شيء معين ...ونصائحج لوقت الولادة في


المستشفى والنفاس ....


وجزيتي خيرا ...

الف الف الحمدالله على سلامتج والله يخليلج حمودي ويجعله من الصالحين ...بس حبيت اعرف ايش الووحده اتسووي في فترررة النفاس عشان ترجع زي ماكانت :)

الحمدلله على السلامه أم حمودي والله يخليه لكم يارب ويتربى في عزكم إن شاء الله

انا توني عروس يديده بس اذا حملت وعندي اي سؤال راح اسئلج :):):)

مشكووووووره اختي ..

أولا انا كنت خايفه من فترة النفاس مرة وما أنلام شي جديد علينا
بس أسمعوا كم هالكلمة مني
لاتتركون المشي بالأشهر الأخيرة وساعة وحدة بس كل يوم
الشهر التاسع أشربي كل يوم الصباح عالريق منقوع المره
وبأخر التاسع أشربي كمان شاي القرفة الحالي
يعني كثري السكر شوي
واذا خلص شهرك وانتي ما ولدتي اشربي شوي خروع
الاشهر الاخيره تعودي تدهنين منطقة الولادة بزيت الزيتون وبطنك لا تخليه ناشف أبد دائما ادهنيه ولو بزيت زيتون
وانتي حامل نامي دائما على ظهرك عشان مايتأثر جسمك من الحمل

والله اني الحين كأني بنت ما تزوجت واذكروا الله
والمسألة يا خواتي ما تحتاج جهد كثير بكرة بكتب لكم كل شي واللي عندها سؤال تسأل وأنا انشالله بافيدها اذا قدرت

وحمودي الحين صحى ويبيني ألعب معاه مابي أطول عليه

السلام عليكم ورحمة الله وبركاته....

ام حمودي.... تسلمين و ما قصرتي ...

بس...


في معلومه غلط قلتيها..... و اهي ان الحامل تنام على ظهرها.


يالغاليه... ترى هذا اكبر غلط....و يمكن في حريم وايد ما يدرون عنه.

يمكن الحامل ترتاح اذا نامت على ظهرها بس والله هذا غلط غلط غلط...


تبون تعرفون ليش....




لان النوم على الظهر يمنع وصول الاكسجين للجنين...و ينقمت و ما يقدر يتنسم .

يمكن ما تقتنعون بهالحجي....انا قلت جذي اول شي بس بعدين فعلا تاكدت و بالدليل القاطع.


تدرون شلون...


يوم ولادتي....


في المستشفى و انا اطلق كانو مركبين علي الف جهاز و منهم جهاز يبين نبض الجنين.... و اول ما ركبوه علي قالو لي نامي على جنب...( و طبعا يفضل على اليسار و راح اقول لكم ليش)

بس تدرون ...مع الطلق تعبت من النومه على وضع واحد.... قلت للدكتوره بنام على ظهري....طبعا ما رضت..و قالت لي ليش

بس كنت بنقلب على الجهه الثانيه... فنمت على ظهري عشان انقلب... و تدرون شصار....

فجاه وقف صوت نبض الجنين ( حبيبة قلبي والله دودو بنتي )
طبعا انا طول المده وانا اسمعه من الجهاز ...بس فجاه وقف و صار خفيييف لما انقلبت على ظهري شويه...

و على طول رديت مكاني...








مع اني كنت قاريه هالمعلومه من قبل.....الحامل لازم ما تنام على ظهرها... و افضل وضع اهو النوم على الجنب اليسار ...لانه هذا افضل وضع يوصل فيه الاكسجين للجنين .





ديرو بالكم يا امهات....




مشكوووورة ام حمودي.... بس قلت لازم انبهج على هالمعلومه.





و السلام.

هلا ام حمودي اول شي مبروك........ ويتربى في عزج
والله انا حامل وخايفة وايد من الولادة... وقوليلي شو الولادة كانت سهلة... ريحيني الله يخليج....ز

صح كلامج يا ام جود......

انا جي ما اقدر ارقد على ظهري ...وماعرف ليش كل ما احاول اني ارقد على ظهري ما اقدر احس بعوار يجيجسني في ظهري..

وبصراحة خاطري ارقد عدل .. مب محصلة رقاد..... تعبت

بسم الله الرحمن الرحيم

السلام عليكم ورحمة الله وبركاته

الله يعطيك العافيه ام حمودي

صدق محتاجين هالنصائح

مشكووووووره

شكرا عزيزتي على النصائح


وفعلا كلام ام الجود خطر كبير النوم على الظهر وخاصة في بداية الثامن


للأسباب اللي ذكرت وانا سألت الدكتورة فجاوبتني بنفس الجواب وهو


ان الماي يرتفع ويختنق الياهل ونصحتني لما ارقد احط موسدة على


اليمين واليسار عشان اذا انقلبت وانا مب حاسة اصحى من النوم ....


ونفس الشيء بالنسبة اذا حابة تغيرين وضعية النوم من اليمين لليسار


او العكس لازم تجلسين على السرير وبعدين تغيرين الوضعية ....


هذي نصيحة في غاية الأهمية لا تهملونها على الرغم من معاناتي


في الليل لأن سالفة انج تيلسين وتغيرين وضعيتج متعبة نوعا ما بس


للمحافظة على الجنين.....


والله الموفق

سلاااااااااااام

مشكورة أختى على هذه المعلومااااااااات المفيدة

والله يخليلج حمودي ويتربى في عزكم انشاءالله

السلام عليكم انا كمان حامل في الشهر الاخير واود ان اوضح لكم بعض الاشياء اولها ان مشاكل الحمل مسائل نسبيه تختلف من امراه لاخرى ويصعب قياس حاله على اخرى حسب حالة السيده الصحيه وايضا حالتها النفسيه اما عن وضعية النوم فلافضل النوم على احد الجانبين وعموما من نصف الثامن وحتى نهاية الحمل فالنوم على اي جانب غير مريح ولقد قرات بلامس فقط بالنسبة لاكل الحامل ان الرطب يساعد على انقباض الرحم اثناء عملية الولاده والله عز وجل قال للسيده مريم عندما كانت تلد (وهزي اليك بجذع النخله تساقط عليك رطبا جنيا) وكذلك شرب الحلبه انفس الغرض

النوم على الظهر بالاشهر الاولى عادي جدا
وبالاشهر الاخيرة نامي على ظهرك بس حطي وسايد كثيرة تحت راسك وصدرك يعني نامي بوضع قريب من وضع الجلوس
واقول لاخواتي ان صعوبة التنفس وصعوبة النوم في الاشهر الاخيرة طبيعية
ولازم تصبرون والله يسهل عليكم كلكم انشالله

أم حمودي
جزاكي الله كل خير والله يخليلج حموودي وبوووحموودي انشاءالله

بس قوووليلما كيف رجعتي بنت يعني عطينا نصايح وانشاءالله يكوون في ميزان حسناتج :)

في انتظارج

سلام....حمدالله ع سلامتك والله يخليلك حمودوانا بتلقف واتكلم عن تجربتي انصح كل واحده مقبله على الولاده بالشجاعه وانها ماتستعجل بالذهاب للمستشفى مادام ماشافت موية رأس البيبي لان القعده بالمستشفى تتعب واذا حست بالطلق وبس نزل معاها افرازات وزي ماقلت لسى ماشافت موية الراس انصحها تمشي لحد ماتقرب الفتره الزمنيه بين كل طلقه وطلقه تصدقون اني يوم حسيت بالطلق قعدت امشي لدرجة اني بعد ساعتين من المشي رحت للمستشفى مشي انا وزوجي وساعه الحمدلله الا ولدي بين يديني واللي هون علي ان زوجي كان معاي بغرفة الولاده انصح كل وحده وهي تولد تقرأسورة الزلزله والضحى وذكر الله دائما على لسانها اناعندي سؤال اشلون اتفادىبروز البطن وهل ينفع بحملي الثاني مع العلم ان منطقة البطن بارزه شوي بس مش مترهله مشدوده افيدونا من تجاربكم والله يهون على الجميع ويرزقكم بالذريه الصالحه

مشكور والله كلامك صحيح تسسسسسسسسسسلمى

الله يهووون عليكم ويرزقنا هذي النعمه انشاءالله